Ôi lơ 3/5, N’gor uỷ Kon Tum ƀư rƀŭn lôch 3 năm ƀư nau rgŏ jă “ƀư rgâl nau mĭn, nau kan bah nŭih rnoi mpôl đê̆, ƀư ân kônh wa rnoi mpôl đê̆ rklaih luh ach o nâp nâl”. Jêh 3 năm, ăp gưl kan, ntŭk kan bah n’gor Kon Tum ndâk, hun hao 866 nau kan tâm kơl ƀư văng sa, nkra nâp mir tăm, rgum bơi tât 10.600 tŏ rnăk ach o, rnăk êp ach o rnoi mpôl đê̆ râng.

Ăp nau kan hŏ grum geh rlau 96 rmen prăk kơl an kon ntil, tơm prăk, nau kan kơl rlau 5.500 rnăk ach o rnoi mpôl đê̆ rklaih ach o nâp nâl. Kơp tât lôch năm 2023, lam n’gor Kon Tum geh rlau 10.200 rnăk ach o, tâm nê rlau 9.700 rnăk ach o lah rnoi mpôl đê̆ geh rnoh rlau 95%. Gay bonh đă kônh wa janh mĭn, janh kan, hao rklaih ach o ngăn, n’gor Kon Tum mra ƀư âk nau kan. Tâm nê, n’gor mra rgum tâm nau kan tuch tăm, tăch rgâl./.