Tâm dâl nău trong kan njrăng n’gang neh dak Việt Nam - Hàn Quốc tâl 11 mhe ƀư ta Hà Nội. Thượng tướng Hoàng Xuân Chiến, Thứ trưởng Bộ Quốc phòng Việt Nam n’hanh wa Kim Seon Ho, Thứ trưởng Bộ Quốc phòng Hàn Quốc ndrel ƀư tơm.

Ta rơh tâm dâl nău, bar ding tâm ban ŭch let năp tay nsrôih tâm boh tay, rgum tơm tâm  ăp trong kan kơt: Tâm khâl ăp gưl kan; ntĭm nti; ăp trong tâm dâl nău, nsŏng kơl, tâm nđŭr; công nghiệp quốc phòng, tăch rgâl ndơ tahen, nkra bah khuch khat tâm lơh; mât đăp  mpăn Liên hợp quốc. Bộ Quốc phòng Việt Nam mbra dơn sỹ quan gưl têh bah Hàn Quốc tât Việt Nam râng Khóa nti kruanh gưl têh njrăng n’gang neh dak ta Học viện Quốc phòng n’hanh ăp rơh nti tiếng Việt ta Học viện Khoa học Quân sự.