Lơ 24/4, ta Đà Lạt n’gor Lâm Đồng geh nau tâm rlong săch nau kah cà phê Arabica Việt Nam tal 10. Râng nau tâm rlong geh 36 ntil cà phê kah Arabica geh săch tă bah ăp mir tăm bah ƀon lan tâm Lâm Đồng, geh tăm prêh rlau 1000m rđil măt dak lêng. Ăp ntil cà phê Arabica râng rlong geh ƀư ntơm bah rnôk kloh, kĭn, pâr, mplo tĭng tâm di nau dơi kơp dơn lam ntur neh. Ăp nŭih rlong ngêt cà phê tâm dak ndrel dak ba doh mra uănh nau rlong ndrel pă nkhôm ân ăp cà phê geh lăp dơi săch.

Rơh tâm rlong geh ƀư gay n’hao nau nâp cà phê Arabica Việt Nam. Nkre lah, pơk nau njêng, ntrŭt dăng ăp rnăk ƀon lan uănh khlay nau kan tăm, n’hao rnoh kah bah cà phê Arabica, leo ăp ntil cà phê aơ rlet tăch tât dak ba dih. Tâm nau tâm rlong hôm geh ăp nau kan ngêt ndrel rlong nau mpli cà phê đah ăp ntil cà phê kah êng êng, tâm nchră nkoch nau blau tăm cà phê bah ăp rnăk, ăp nŭih kan khoa học ndrel nŭih blau kan./.