Rnoh cà phê mro hao khlay tâm rơh rlau aơ hŏ geh nau ƀư kơl an nau ŭch manh prăk tuch tăm, tăch rgâl cà phê ta n’gor Dak Lak. Ngân hàng ngih dak Việt Nam ntŭk kan tâm Dak Lak rđau ăp ntŭk kan ân manh prăk ân nchră nau tâm ban tâm nau pă ân manh, kơl an ân manh tŏng năn nau ŭch ân ƀon lan ndrel ntŭk kan.

Dak Lak rnôk aơ geh 37 ntŭk kan ngân hàng, 12 tơm prăk manh bah ƀon lan dnrel 226 ntŭk dŏng ân manh tâm ăp xã, phường, nkuăl têh, ngăn lah tŏng dơi geh nau ŭch manh prăk gay ê nkra, tăch rgâl, dŏng bah ƀon lan, ntŭk kan.

Tât rnôk aơ, rnoh ân manh tâm nau mât chăm cà phê tâm Dak Lak geh rlau 17.300 rmen, geh bơi tât 15% rnoh prăk ân manh. Năm aơ, ăp ntŭk ân manh tâm n’gor dŏng nklăp 7.500 rmen gay kơl an nau kan rvăt, ê nkra cà phê. Wa Lê Văn Lương, Groi Giám đốc Ngân hàng ngih dak Việt Nam ntŭk kan tâm Dak Lak mbơh: Đah nuih n’hâm hăn ndrel, tâm pă kơl, ntŭk kan ngân hàng mra doh rklaih ăp nau jêr, tŏng dơi ŭch manh prăk kơl an hun hao văng sa./.