Nar ntri (24/4), ta Nhih pah kan Chính phủ, Groi Thủ tướng Trần Hồng Hà ƀư tơm rơh hop mpeh trong nkra bah jêr jŏt, kŏ kol ta du đêt trong nchrăp kan BOT ntung trong. Ta rơh hop, kruanh rđău kan ăp n’gâng kan tâm nchră, rblang gĭt nkô̆ nău jêng ăp jêr jŏt, kŏ  kol bah  ăp trong nchrăp kan BOT tă bah nău rgâl tâm trong dŏng ăp quy định pháp luật n’hanh nô nău ngăn ngăn geh; nău way tơm nsing nău tâm di n’hanh quy định pháp luật geh tât gay nkra ăp trong nchrăp kan tâm ban kơt nău dơn kan bah ăp ding tĭng nău tâm ton.

N’glôch jêh rơh hop, Groi Thủ tướng Trần Hồng Hà đă Bộ Giao thông Vận tải ndăn ngăch ƀư lôch jêh siƀŭt mbơh kloh nkô̆ nău jêr jŏt, kŏ kol bah 8 trong nchrăp kan BOT, tâm ban kơt bah ăp trong nchrăp kan BOT ntung trong an ƀư lor rnôk Luật ntuh kơl tĭng trong ƀư tâm boh bah dih tâm trôm ngih dak geh nău tam. Tâm nê, nchŏng kloh nkô̆ nău uănh lhơ, mô ndra ma uănh lhơ, tâm rnôk rgâl, ƀư lôch jêh trong nchrăp, trong kơl pháp luật tâm tĭng rơh,  nău dơn kan bah ăp ding geh tât./.