Tĭng nău mbơh bah N’gâng kan tuch tăm mât rong hun hao thôn ƀon n’gor Dak Lak, năm 2022, dĭng lĕ khlay ndơ lŏ mir tui ka geh rlău 21.200 rmen prăk, hao 5,6% nkôp đah năm bah năp, âk rlău 1,8 tơ̆ nkôp đah rĭng lam dak. Geh prăk tăch n’gluh bah n’gor rlău 1.300 rkeh đôlar.

Dak Lak uănh khlay ndâk njêng nkual nkra njêng rgum.

Rnoh khlay nkra njêng bah nău kan lŏ mir geh rlău 40% dĭng lĕ rnoh khlay jâng wăng sa ta ntŭk. Năm 2023, nău kan tuch tăm n’gor Dak Lak nsrôih hao bơi 5% rnoh khlay dĭng lĕ ndơ lŏ mir tui ka nkôp đah năm 2022. Gay geh rnoh aơ, nău kan mbơh ƀư tay âk trong mkra gay n’hao rnoh khlay ndơ lŏ mir, tâm nĕ uănh khlay ndâk njêng nkual nkra njêng rgum n’hanh wăch rgum ntuh kơl an nău kan nkret njêng jru.