Tât aƀaơ, rlău 2 rbăn tơm tăm ta Dak Lăk mô tŏng dak tŏ. Tâm nĕ, geh rlău 1.300ha cà phê, 630ha ba n’hanh 36ha tơm tăm êng.

Nchroh tâm let năp tay, mbra geh bâh 5 tât 8 rbăn ha tơm tăm mbra geh nău kro phang, mô tŏng dak lah duh phang jŏ jong mbro. Ta năp nău tât jêr njrăng bâh trôk nar mih sial, ntŭk kan tuch tăm mât rong n’hanh hun hao ƀon lan n’gor Dak Lăk ndrel đah ăp ntŭk kan mât uănh nău kan ƀư dak bât tŏ djrah an tâm di đah ăp ntŭk ngăch ndăn mbơh tơih ăp trong kan njrăng rdâng kro phang gay ma bah ir nău khuch khat yor duh phang. Wa Trịnh Quốc Bảo, groi Giám đốc công ty TNHH MTV mât uănh dak bât tŏ drjah ta Dak Lăk an gĭt, tât aƀaơ, tâm rnoh neh tơm tăm ma công ty dơn mât tŏ geh rlău 1.380ha tơm tăm geh kro phang, tâm nĕ geh rdâng lĕ rlău 790ha, rnoh neh hôm e dôl an máy bơm dŏng rnoh dak hôm e tŏ ta dak bât gay ma kơl bah ir kro phang.