Phênhv thưr 7 hnuz xiêz 5/12/2015

Mênhx cxưx Thái li tsưr ziv sik njiz sik thav

Mênhx cxưx Thái xav tiêk, kruô tuôx txos tsêr mak tsuv uô jông tiêv, zav nox tsuv muôx cxix cxuô”. Viv li, txơưv tsưr tsêr muôx grêix nhux, tưv, grêix câur zuôr txix ciêz lok mak cux tsuôk zos iz iz kror grêĩ xtưv, grêix câur xưz tsik zos tas nro iz tuk, viv li mak lơưr tsik so tuô kêiz. Zos tsik muôx kêiz chiê tuô mak tsuv muôx kê kêiz hâu, hlôngr trâu iz tuk kêiz chiê tiêv kruô. Tiv zix thâuv tiêv kruô saz niêv têik zơưv txir, txơưv muôx ntâu zav nox kaz lơưv lok cux tsuv muôx grêix kêiz. Thâuv co tâuz hâu kêiz, têk, tơư tâu tso hâur iz fax txơưz ntơưv lênhx kruô li xuz ntiês chiê hêik tơưv zuk tsov cưv txos kruô. Zos muôx mê nhuôs zâu mak oz cxêik ndêx puôz kêiz tâu muôz trâu mê nhuôs. Zơưv Lường Văn Tun, nhoz jok Nà Lính, huyện Thuận Châu, tỉnh Sơn La hêik li no:

Băng: “Hâur tsuv mor mak lênhx kruô cux tsik tâu nox luz fax trâu tâuz hâu, têk tơư kêiz co, tơư kêiz mak chiê sêiz sêz puôk jông, muôx nênhs mak sêiz tâu hâu kêiz sêz hnuz co tsưr tsêr muôx hmôngr li chak. Muôz trâu mê huôs nox oz cxêik ndêx puôz, hok tâuz hâu thiêz têk tơư mak txơưv zuôr ox lok tsês hnuz tov kaz mav li nox’.

Mênhx cxưx Thái li tsuv mor mak tâu trâu ntêr trơưk tsêr thiêz qơư jâuv cux li. Lênhx kruô zov chênhr tiv zix tâu jâuv đró stsưr tsêr thiêz jâuv saz pêv. Lơưr co zos chor hluôk, pox iêv jâuv saz đrav jux juk lok trâu saz tsêr mor.

Uô ntêx thâuv zuôr nox mor, tsưr tsix muôx piz chơưr hiêz hêik zuk têx luk muôx njik zis tsơưr thiêz zâuv sơưr đơưk đros nox hâuk:

Băng: “Hnuz no zos chuôz zis li iz hnuz hmôngr jông, tâu sơưr đơưk tuôx sêiz shuôk, jông mak tsuv muôx mor đơưz, chơưr kaz, jâuz grêix pur tsuv trâu sơưr đơưk nox. Taz sik tiv chuôz zis txov nhêv, viv li tsuôk lav nriêr têx jâuz, njuôs trâu sơưr đơưk nox xưz, vav sơưr đơưk zuôr tsik xar li chak đros jâuv hâuk chơưr, nox mor thav pêv”.

Kruô tuôx zos mênhx cxưx Thái, pâuz tâu têx phongx cxưx mak zuôr muôx luk têz trâu tsưr tsêr xưk li pêz tsôngv box hmôngz….

Đros fax tâuz hâu thiêz têk tơư kêiz, tsưr tsêr zuôr txơưz đros oz piz chơưr. Oz piz chơưr no muôx pưk txux li chak zâu sơưr đơưk đros mnôngs zơưv Lường Văn Tin hêik:

Băng: “Oz piz chơưr no zos hlôngr trâu tsưr tsêr, nhoz Thuận Châu Mak luôs tsik hâuk, ka pluôs nox muôz nquôr por tsês xưz, hok ntơưv thành phố Sơn La mak lơưr hâuk. Kaz pluôs nox lênhx tsưr tsêr thiêz lênhx kruô zov chênhr tiv zix hnuz co iz lênhx hâuk iz piz”.

Uô ntêx thâuv zuôr hâuk piz xuz thơưx, lênhx kruô thiêz tsưr tsêr tsik so nquôr mê njik chơưr trâu hâur kaz tsar lơưx, lok sik xuôk têk tuz nqok mê njik đhâu tâuz hâu, kror no lơưr zơưv Tun hêik mak:

Băng: “Luôs xar tiêk, zuk muk hâuk chơưr mak muôx cưr tix nênhs tsa, pox côngz zơưv côngz muk por vêv zuk, zuk tsuv muôz mê njik trâu lơưr đros nox hâuk”./.

                             (Hoài Thu-Ly cxêik nhênhv)