Phênhv thưr 7 hnuz 22/10/2016

Du lix nhoz Đà Lạt-Lâm Đồng

Ntơưv zơưv Lê Hữu Phan li chor tsêr đhok tsov iêr đar muôx 3.00 yiv ndis ntâu nhoz phường 9, thành phố Đà Lạt, kruô ndis shuôk canh nông tâu sêiz pov ciês tsưr ziv uô xênhz yar kôngz nuv công nghệ siêz lơưr tsưr ziv Vietgap. Ntơưv no, tsôngv kruô tsênhv tâu sêiz pov chor hax huv kôngz nuv jông xưk li: Tâuz đas lox, dâu tây đơưz, txir lưk suôr xiêr, tâuz hưz…thiêz zuôr zuôr tâu lok uô huv. Zơưv Lê Hữu Phan-tsưr vax, puz pâuz, no zos tsưr ziv du liv yiêz tâu kriz uô siv ntơư v tiv phaz. Đros têx tsưr zivli no, chor kruô tuôx ndis shuôk ziv hnuz ziv chôngz, khov co phênhv sâu txix muôl muôs chuôz zis li chor hax huv cux tưz truôx tuk thiêzpaz muôx phênhv sâu siêz đuô pir li thâuv ntêx. Hâur tsưr tsix sik côngv du liv, zơưv tưz muk ntâu qơư zuôr ntâu zav nôngz yiêz lok chos chiê cov muôx ntâu zavuô trâu tsôngv kruô nhiêv thiêz zuôr. Zơưv Phan hêik:

“Nhiv no, tsôngv kruô ho nhiêv têx zav zuz nôngz yiêz viv chor kuz mak pâuz tas lơưv. Viv li, cur tưz zuôr iz cxiê zav zuz nôngz yiêz li: tâuz đas lox, txir lưk suôr xiêr, lơưr co chox lok siv sêz puôk huv đros tiv phaz, qiv hơưv, đêx ar nhoz no. đhâu chos siv, pov huôv tsar lok six jông, tsôngv kruô lok six nhiêv tuôx sêiz thiêz zuôr’.

Tix lâus Nguyễn Ngọc Trung, tsôngv kruô tuôx txix thành phố đêx hiêr Vũng Tàu tsênhv ndix shuôk ntơưv zơưv Phan chuôz zis li luz vax lok six nhiêv chor hax huv li jâuz, txir, kok tsênhv tâu chos ntơưv no. Tix lâus Trung puz pâuz, txơưv tưz ntâu jiês tuôx thành phố pax no ndis shuôk, taz sik no zos jiês cũ thơưx tix lâus shuôk txos pêx xênhv li qơư uô kôngz lôngk, pov tsưr ziv chos têx hax huv kôngz nuv nhoz Đà Lạt lok six hur thiêz tsik xưk li têx tiv phaz txơưr đuô.

“Kror xuz thơưx zuk pov zos chor hax jâuz njuôz lok six jông gâux, zuk njiê pov tâu têx huôv tsar co txix thâuv zâu txos lox. Tsưr ziv chos jâuz, pax nhoz no mak txơưr lok six ntâu pir li qơư kik zos ntơưv no muôx txax thiêz muôx tsêr tsov iêr thêir”.

Lơưr zơưv Phạm S, phưv chủ tịch UBND tỉnh Lâm Đồng, du liv canh nông nhoz chor qơư uô kôngz nuv tưz huôv tsar txix ntêr lok sâuv ntiêx têz, tsưr ziv no tsik sâu nhiêx taz sik kror liv zos sâu tâu txix muôs chor hax huv kôngz nuv ciês ntơưv vax trâu tsôngv kruô. Txos six hơưv no, tỉnh tưz tso tơưv 25 qơư du liv sêiz shuôk têx vax nhoz iz ndis thành phố Đà Lạt. Txơưv nhiv kruôr kriz uô taz sik cux tưz puz pov tâu yênhx côngz viv zaz zâuv lok six chôngz kruô ndis shuôk, tiv zix zos tsôngv kruô ntiêx têz. Zơưv Phạm S hêik:

“Du liv canh nông no zuôr paz trâu tsôngv kruô tuôx tỉnh Lâm Đồng ndis shuôk ntêr đuô, tsôngv kruô tuôx nõ chiê pâuz tâu tsưr ziv uô li chak. Tsưr zivno lơưr pêz njuôk xav mak zuôr tsik so chuôz ndê sêi, tsênhv yuôr tỉnh lâm Đồng zuôr yưv pênhr paz chor qơư uô xưk li: Zoz thôngz, qơư đrêk yêz, iz cxiê qơư vêv xênhz công cộng, piêr pâuz thiêz yưv pênhr paz muôx pênhr jos”.

Tỉnh Lâm Đồng nhiv no muôx zuôr xar 45.000 ha ar phưx vưv uô xênhz yar kôngz nuv sir zôngv công nghệ siêz, ciês thành phố Đà Lạt muôx zuôr xar 4.500 ha jâuz, paz thiêz txir cxuô zav. Đros co, nhoz cux tưz muôx 3 jêx jok pax tâu côngz jênhv jêx jok nghêx cxôngx nzor zos: Vạn Thành, Hà Đông, Thái Phiên; muôx ntâu công ty uô xênhz yar jâuz njuôz, pax thax tsav đar đros công nghệ yiêz jông li: Công ty Hasfarm, Công ty cổ phần công nghệ sinh học vax pax Đà Lạt, Hợp tác xã Xuân Hương…Chor qơư no lok six huv đros chiê huôv tsar tsưr ziv du liv canh nông, paz trâu tỉnh lâm Đồng phuôx huiz tâu tas nro têx kror liv nhoz tiv phaz hâur huôx tôngv du liv, tiv zix zos paz tsar tov trâu pêx xênhv muôx tâu tsưr ziv huôv tsar yiêz, paz muôx qơư muôs trâu hax huv jâuz, pax thôngz đhâu chor huôx tôngv du liv./.

                                          (TTTN-Lik Thox cxêik nhênhv)