Phênhv “Đas jos thiêz siv nênhx” hnuz 11/11/2015:

Caz moz cik trâu chor nhuôv nhiv kruôr xênhz zus tâu

Zav caz moz uô cik trâu chor mê nhuôv nhiv kruôr xênhz zus tâu, zos iz zav caz moz cik đhâu tus mê nhuôv ntơư têx tơưr grêix trâus to thiêz cik muôx txix têx qơư vuôz tsuôz kiêk nênhs li:  Qir tsiêx cxu, têx vuôz tsuôz kiêk nênhs hâur têx cưx đêx…Zav caz moz ntơư zôngx ziv cik trâu thax tsav jêx jos tox siêz, zos cxuô thax tsav cxax tsik txâuk yuôx vắc xin tir thêir thiêz khênhr muôx yưv trâu chor pox niêv xênhz zus mê nhuôv hâur tsêr, muôz txiêz txiêr hlaz ntơưk, uô vôngk muôx yưv caz moz trâu tus mê nhuôv ntơư luz chêr. Pir li ntơưv Sơn La tưz muôx yưv yênhx châuv lênhx mê nhuôv trâus zav caz moz hêik sâu thiêz tưz trâus tuôs.

Thâuv  mê nhuôv trâus cik caz moz, uô trâu mê nhuôv kuôx, mê nhuôv tsik nox niêv mik hâur oz hnuz uô ntêx, txix hnuz tiv 3 txos trâu hnuz tiv 28, uô trâu tus mê nhuôv ntơư iz chê yênh na, uô cuz uô no. Zos thâuv lênhx niêv tsênhv xênhz tus mê nhuôv ntơư hâur niêv luz chêr, tsik tâu cxax yuôx vắc xin tir thêir moz gênhk thiêz tsik chơưv kho zênhx max mak, 95% lênhx nhuôv zâu trâus cik moz cux zuôr trâus tuôs.

Zav caz moz cik hêik sâu muôx têx jiês cux zuôr tir thêir tâu:

1, Lênhx niêv tâu cxax cxix cxuô zav yuôx vắc xin txix thâuv muôx 15 shông thiêz txos trâu thâuv xênhz mê nhuôv hâur chêr.

2, Tus mê nhuôv ntơư xênhz zus trâu cxuô qơư kho njuôk moz lok sik tâu cưk yuôx chơưv paz tâhuv xênhz zus ntơư.

Viv đas jos thiêz txox siê, cxuô lênhx uô niêv uô txir tsuv cxax cov cxiêx cxuô zav yuôx vắc xin tir thêir moz gênhk thiêz thâuv xênhz zus mê nhuôv, tsuv muk xênhz zus trau tsêr kho moz, mê nhuôv thiêx tsik trâus cik cxuô zav caz moz gênhk li hêik sâu./.

                                                                                    (Tsu cxêik-nhênhv)