Têx tsi jông hâur nox tâu chor grêix tsiêx cxu muôz yuôx lov tuôs

Hâur ciêz đrôngs nhiv no ntâu lênhx nênhs muôs đêr tưz tâu tuô tsênhr hur si lok six ntâu. Têx qơư muôs grêix, qơư uô grêix đêr siêr cux ziv hnuz ziv muôx ntâu. Chênhr zos ntâu lênhx nênhs li zav nox kaz; viv li têx qơư uô grêix đêr siêr ziv hnuz muôx ntâu jux juk.

Co zos zav tsiêx phênhv ntâu chiê zus jor tsêr, tsi zuôr grêix, viv li ntâu lênhx tiz nênhs viv têx muôx liv uô ntêx mak tưz muk uô tuz saz nhiês đêr chiê muôs trâu têx qơư heik sâuv. Iz hâur têx tsưr ziv chor tiz nênhs fêv khênhr zôngv chiê uô tuz saz nhiês đêr chênhr zos muôz yuôx lov cov tuk đêr co tsi tov, tsi kuôx, tus tsưr tsêr thiêx tsi hnor.

Têx nênhs fêv uô tuz saz nhiês đêr mak lơưr khênhr zôngv yuôx lov nak, yuôx tuô caz hmoz.....đo shơư mor, lok sik shơư grêix chiê nziêk đêr nox. Têx tuk đêr trâus lov yuôx tâu muôs nhoz trâu cxuô qơư uô grêix đêr nox thiêz têx qơư muôs grêix đêr. Lênhx nênhs sir zôngv jênhv pâuz tsik tâu zav grêix  đêr tưs zos grêix đêr trâus lov yuôx thiêz zav grêix đêr tưs zos grêix đêr tsik trâus lov yuôx. Chor grêix đêr muôz yuôx lov tâu muôz uô ntâu zav nox hâur têx qơư muôs grêix siêr, uô jâuz uô mor nox.

Nox tsuv têx grêix đêr trâus lov yuôx mak lok six riêz nênhs trâu lênhx nênhs sir zôngv, viv têx yuôx hâur chor grêix đêr co tsênhv yuôr, nox tâu trâu hâur lênhx nênhs đros chêr zuôr uô iz cxiê zav moz riêz nênhs li: Uô nyar khor, moz siêz, moz trâuv......

Trơưk li bác sỹ Lương Lễ Hoàng, lênhx nênhs sir zôngv nox tsuv chor grêix đêr trâus lov yuôx mak lok six riêz nênhs, lênhx nênhs nox tâu ntơư muôx têx trâul kâus tưx zav nox, zôngx ziv cik tâu têx moz đhâu cêr nox hâuk thâuv sir zôngv chor grêix co. Iz chas đêr trâus lov yuôx, mak têx keiz ok.... nox tâu chor yuôx ntơư trâul tuôs, zos lênhx nênhs muôz chox lok uô nox cux zôngx ziv trâul kâus yuôx thiêz trâus iz cxiê zav moz đhâu cêr nox hâuk.

Chênhr li heik ntơư, zos tsôngv box xar sir zôngv têx grêix đêr mak tsuv zuôr ntơưv iz cxiê kror qơư pâuz tsênhz. Thâuv muôz lok uô nox tsuv nzuôr cov hur thiêz uô siêr jông mav nox. Zos tiêk tsi pâuz tsênhz tuk tsiêx co tuôs shor zos tiv li chas mak tsuv chox muk phâuk, tsik cxoz muôz uô nox. Thiêz jông đuô hur si mak tsi cxoz sir zôngv viv muôx têx zuôr uô hiêv lox txos lênhx nênhs li đas jos./. 

(Thu Thùy-Riê Lâux cxeik, nhênhv)