Moz khâuz thuôs A thiêz tsưr ziv phax tar

Moz khâuz thuôs zos zav moz txơưx siz cik. Qir tiv uô moz phênhv ntâu zos nưk muôx nưk iz zav caz moz uô huôv moz. Moz muôx têx zôngx ziv siz cik tâu, đhâu cêr uô pa, đhâu têx kâuz ndâus lok sik cuô njưk thâuv hnôngk cxav têx. Fênhx yax moz tsi hnhar thiêz jông jux juk hâur 2-7 hnuz, taz sik têx lênhx nhuôv zâu, nênhs lâul hnuz nhôngs siêz, chor nênhs muôx moz hâur đros chêr li: Moz njưk, moz trâuv, muôx tsi txâuk nyar, tsi yuô muôx đas jos….ntơư, muôx têx zôngx ziv trâul moz hnhar đuô thiêz tuôs.

Moz khâuz thuôs A(H5N1), A(H7N9) zos zav moz txơưx siz cik riêz nênhs, tiv lênhx nênhs cik tâu txix têx keiz ok lol. Moz cik tâu đhâu cêr uô pa; đhâu nhoz jê đros têx keiz ok, nhoz jê têx qir keiz ok, grêix keiz ok, chuôz zênhx, qơư trâul muôx moz ơưk; đhâu têx grêix, xiv huv grêix keiz ok tsi tâu uô siêr.

Têx muôx yưv thâuv trâul moz

Seiz cxuô lênhx nênhs moz muôx têx yưv li: uô cuz uô no lox, hnôngk, moz chax đaz, lol njưs, moz tâuz hâu, moz têx grêix, gênhk. Iz cxiê lênhx trâul moz hnhar muôx têx uô tsi yuô tâuk pa thiêz trâul tuôs. Muôx kênh thâuv cux phênhz tsi yuô tâu moz khâuz thuôs thiêz trâul chuô txiêk, zos seiz lok têx moz pov muôx yưv. Taz sik, phênhv ntâu zos moz khâuz thuôs mak zuôr moz sei đuô thiêz hnhar đuô, muôx têx uô cuz uô no thiêz moz têx grêix đros. Hok moz trâul chuô txiêk mak max mav moz lox jux juk tuôx thiêz khênhr uô ruôr hiêv txos kror njưs, chax đaz, hâur siêz…..

Chiê phax tar moz khâuz tuôs A: Trơưk li Bộ Y tế heik, chiê txar jav tsi trâul cik tâu caz moz, cxuô lênhx sơưr đơưk tsuv: Cxax yuôx vắc xin phax phôngz moz khâuz thuôs; vêv xênhz hur si iz chêr; tsơưs nhoz jê đros têx lênhx tâu xav tiêk zôngx ziv trâul moz lok cêr uô pa, thâuv nhoz jê đros lênhx nênhs moz tsuv chox ntâuz bos kror ndâux. Sir zôngv têx xiv huv grêix keiz ok pâuz tsênhz qơư, taz por truôx tuk vêv xênhz zav nox, têx grêix keiz ok tsuv tâu uô cov siêr jông, tsi no têx keiz ok trâul muôx moz, trâul tuôs tsi pâuz tsênhz qir tiv ntơư.

Tsi so qêz suô, tsuôs yuôx tuô lov caz moz ơưk iz ndis thiêz têx qơư tu zus, cxax yuôx vắc xin phax phôngz moz ơưk cxix cxuô trâu têx keiz ok lơưr cơ quan kho moz tsiêx cxu heik kriê….. Nhiv no tsi tâu muôx yuôx vắc xin lok phax tir thêir moz ơưk A(H5N1), (H7N9), chênhr viv li, thâuv pov muôx têx li: Hnôngk, uô cuz uô no, moz tâuz hâu, gênhk….sơưr đơưk tsuv chox tuôx ciês trâu têx qơư y tế chiê seiz njuôk, chơưv kho zênhx max./.