Tsuv uô nênhx cov huv đros hâur ntu muôx caz moz Covid-19

Uô nênhx huv đros hâur ntu muôx caz moz Covid-19 zos cê phax tir thêir moz gênhk, cê huôv tsar uô nox uô hnar tsi thôngx li zar thâuv ntêx tsi tâu muôx moz huôv xênhz ntơư. Muôx têx kror thâuv ntêx tâu seiz zos phiv liv, tsi truôx tuk mak nhiv no tsi thôngx li co. Lok sik cux muôx têx thâuv ntêx ntơư, sơưr đơưk tsênhv sir jos chiê uô cov tâu luôs hâux lưv no, hâux lưv tov mak nhiv no pêz sơưr đơưk tsuv uô cov zênhx max thiêz sei đuô chiê huv đros trâu ntu muôx moz huôv xênhz. Têx li heik no, hâur co muôx têz qơưk cê sir jos fuô uô luôs hâux lưv phax tir thêir moz gênhk cê khưx phưx thiêz tror huôv tsar kinh tế li thâuv ntu tsi tâu muôx caz moz huôv xênhz.

Uô nênhx huv đros zos thâuv sơưr đơưk uô têx zav hâux lưv tưs, đaz tsi cux tsuv cê lês uô tâu jông hâux lưv tso tơưv, cê phax tar moz. Cxuô lênhx cxuô tus, têx tsưr tsix thiêz tas nro xã hội tsuv bax, muôx jông tsưr ziv phax tir thêir, uô nênhx huv đros trâu ntu muôx moz huôv xênhz phiv liv li nhiv no. Đhâu co, muôx ntâu kror sơưr đơưk tsuv tis seiz njiê đuô, tsuv tso tơưv tsưr ziv chiê phax tir thêir têx tsi jông, phiv liv njiz trâul hâur xã hội li: Moz gênhk, ntux uô ruôr hiêv…..

Chiê uô nênhx huv đros trâu ntu muôx caz moz Covid-19, tsuv sir jos lês uô jông hâux lưv yax kriê chiê tsôngv pêx xênhv to tâuz thiêz jux juk uô nênhx huv đros trâu ntu muôx moz gênhk huôv xênhz cov truôx tuk. Uô nênhx nhoz đros caz moz Covid-19 tsi zos tiêk sơưr đơưk uô nênhx nhoz đros zav caz moz no, mak tsuv moz siêz txos txo grêk tsơưs moz li têx uô ruôr hiêv thiêz jux juk uô nênhx sưv đros, jông iz zav têx moz khâuz thuôs fênhx yax. Chiê uô nênhx nhoz đros caz moz Covid-19, tsuv bax kriê trâu tsôngv pêx xênhv pâuz tsênhz lok  moz Covid-19 thiêz têx tsưr ziv phax tir thêir. Lar heik zos kriê tsôngv niêv txir lax pêx xênhv pâuz thiêz uô trơưk Bộ Y tế têx tsưr ziv, cui tinhv li: Chox ntâuz bos kror ndâux, tsi so muôz xaz phôngx lok sik đêx cuô yuôx nzuôr têk, tsi siz zâuv muk chôngz nênhs uô cê, tsi muk trâu uz trâu no zos tsi muôx hâux lưv zov chênhr….. Chênhr uô lơưr jông têx tsưr ziv kriê co zuôr paz sơưr đơưk tsưx phưv tâu truôx đas jos, tsi yuô trâul cik tâu caz moz.

“Uô nênhx huv đros” trâu ntu muôx moz Covid-19 zos sơưr đơưk uô nox uô hâuk tsuv truôx tuk, tsưx phưv jông đas jos chiê huôv tsar uô nox uô hnar; tsôngv pêx xênhv, doanh nghiệp  tsuv hlôngr yiêz têx cêr cor cav hâur luz nênhx, uô têx luôs hâux lưv, gra siêz tsưr ziv phax tir thêir moz chiê sik tưr huôv tsar uô nox uô hnar. Cxuô lênhx cxuô tus tsôngv cưr tix nênhx tsa sơưr đơưk, têx tsưr tsix thiêz côngv thôngx tsuv kho đuô, txo grêk tsơưs têx hâux lưv uô zuôr muôx chôngz nênhs li: Siz zâuv nox hâuk, uô têx cêr lov jêv uz no thiêx tsi yuô cik tâu caz moz.

Cux seiz moz huôv xênhz txơưr txar li chas, têx tỉnh, TP, hâur thax tsav qơư zuôr muôx têx cui tinhv tsênhv tsênhz uô lơưr cov huv đros. Thiêz chiê uô tâu truôx têx li heik sâuv, cxax yuôx vắc xin phax phôngz moz zos iz hâur têx tsưr ziv jông đuô hur si. Ziv muôx ntâu tus chôngz lênhx cxax yuôx vắc xin mak sơưr đơưk luz nênhx ziv nzor tror tâu truôx tuk. “Yuôx vắc xin jông yax zos vắc xin tâu cxax nzor “. Tsôngv pêx sơưr đơưk tsuv sik đros cxax yuôx vắc xin phax phôngz moz gênhk, txơưv zuôr xeir cxax zav vắc xin tưs lok cux tâu, viv hur tiz si têx yuôx co tưz tâu tso chei zôngv, cxax thiêz qênhz shuôs truôx jông chiê txo grêk tsơưs têx lênhx nênhs  trâul cik tâu moz, chor nênhs moz hnhar thiêz txo grêk tsơưs têx lênhx trâul tuôs./.

(Đức Anh KT-Riê Lâux cxeik, nhênhv)