Phênhv thưr 4 hnuz 30/3/2016

Phênhv đas jos chiê uô nênhx hur siêz

Moz kruô piêk, tsưr ziv chơưv kho

* Têx  muôx yưv moz kruô piêk?

- Moz muôx yưv đhâu pêz ntu: Ntu vâuv moz truz ntêr txix 10-14 hnuz, ntu huôv xênhz moz txix 2-4 hnuz.

- Nhoz ntu no nênhs moz trâus uô cuz uô no siêz, moz lok cêr uô pa, hơưz poz, muôx têx poz tơưv trâu ntơưv kror ndâux; Ntu moz huôv lox txix 2-5 hnuz.

- Thâuv uô cuz uô no siêz 3-4 hnuz, lênhx nênhs moz piz uô poz ntâu, muôx yưv txix saz đrâuv poz njês, chax kưz, hâur pliêx, njêx muôs, chax đaz txos trâu iz chê tas nro têx têk tơư, chor poz muôx njik liêz. Thâuv chor poz co tươv tas nro iz chêr mak luz chêr tsik yuô cuz lơưv.

* Moz kruô piêk zuôr phiv liv li chak?

- Lênhx nênhs trâus moz kruô tâuv khênhr trâus njiz zos moz trax njês, moz njưk, hơưz poz, thox plaz, moz poz ka. Chor nênhs hloz lox, muôx hnuz nhôngs mak têx jâuv zuôr trâus moz lok lênhs plơưr, moz hlưz toz hâu…

* Tsưr ziv chơưv kho?

- Thâuv trâus moz, lênhx nênhs moz tsuv nhoz so thiêz nox cov txâuk cxuô zav jâuz mor, vêv xênhz iz chê, kror muôs, kror ndâux, ka tsik uô tsuôz kiêk nênhs thiêz hâuk yuôx hnôngk, yuôx txo grêk uô cuz uô no lơưr cưk yuôx hêik kriê, lok sik sir zôngv têx tsưr ziv paz luz chêr txo grêk uô cuz xưk li xuôk đêx sor so iz chêr....

- Muôz trâu mê nhuôs hâuk ntâu đêx paz trâu luz chêr muôx nzir đêx. Tsuôk cxax yuôx thâuv lênhx nênhs moz ntuôr ntâu, zuôr uô trâu luz chêr tas ntâu đêx, luz  chêr tsik muôx jos.

* Chor tsưr ziv phax tar moz kruô piêk?

- Cêv kuôk hâur ntu lênhx nênhs tsênhv muôx moz tsơưs tiv zix 4 hnuz tov kaz, tsik chiê cik moz trâu đuô tuk. Chiê phax tar moz kruô tâuv jông tiv zix, sơưr đơưk tsuv chox mê nhuôs muk cxax yuôx phax moz kruô tâuv oz côngz lơưr têz qơưk li tsaz yênhx cxax yuôx phax moz, thâuv mê nhuôs muôx 9 hlik thiêz thâuv muôx 18 hli. Côngz cxax no tsuôk muôx vắc xin phax moz kruô tâuv.

Đuô li, nhiv no cux muôx zav yuôx vắc xin siz shơư đros phax moz kruô tâuv (cxax iz côngz phax tâu pêz zav moz zos kruô tâuv, moz kos kaz poz njês thiêz Ruballa)./.

(Hồng việt-Lik Thox cxêik nhênhv)