Jax sâu thưr 5 hnuz 21/7/2016

Txar qơư nhoz trâu pêx xênhv têx qơư phiv liv nhoz Tây Bắc tsik lax

Chêix ntux nas chuô shông no, tỉnh Lào Cai muôx 400 ntâu ziv chuôz zis nhoz hâur thax tsav tsuv txar muk trâu qơư nhoz truôx. Lơưr zơưv Tô Mạnh Tiến, phưv giám đốc sở kôngz nuv thiêz huôv tsar jêx jok tox siêz tỉnh lào Cai, phiv liv lox tiv zix nhiv no mak tiv phaz no njiz trâus zos ar chiê pêx xênhv txar lok nhoz; phênhv paz chiê txar qơư nhoz trâu pêx xênhv zos 20 triệu đêiv iz chuôz zis tsênhv kik, tsik tâu taz por luz nênhx trâu chor ziv chuôz zis txar lok nhoz qơư yiêz, hok chor chuôz zis no mak zos nênhs pluôs, uô nênhx nhoz ntơưv thax tsav phiv liv tiv zix:

 “Hâur kriz uô mak pêz pov muôx tỉnh lào Cai li iz cxiê phiv liv hêik taz thiêz chor tỉnh Tây Bắc co zos tsar tov đêx ar trâus cêv kuôk, thax tsab ar trâu pêx xênhv nhoz thâuv txar lok qơư nhoz yiêz mak tsuv muôx txâuk ar uô xênhz yar. Nhiv no pêz paz trâu pêx ênhv tâu 6 hli kôngz krâur thâuv tsênhv txar qơư nhoz, taz sik đhâu 6 luz hli co lơưr tsênhv tsuv nhoz truôx luz nênhx muk ntêr”.

Lơưr sở cxiv tsa tỉnh Lào Cai, tiv tsar tov thax tsav phiv liv, yênhx shông chor chuôz zis njiz phiv liv tiv ar poz, ntux nas chuô tsik so phiv liv, txar qơư nhoz trâu pêx xênhv muk qơư nhoz yiêz njiz ntâu phiv liv. Tỉnh Lào Cai tưz uô uô cê tsaz yênhx txar qơư nhoz trâu pêx xênhv thax tsav phiv liv trâu chor dự án: cxiv tsa jêx jok yiêz, chor dự án cxiv tsa cơ sở cxuô zav; kriz phaz uô yiêz liêx têz. Taz sik, đros phênhv paz 20 triệu đêiv nhiv no, ntâu ziv chuôz zis pluôs muôx tsik txâuk tsar tov chiê txar qơư nhoz. Lok vênhv thix no, zơưv trịnh Xuân Trường, giám đốc sở cxiv tsa tỉnh lào Cai hêik:

 “Pêz hêik trâu Trung ương tiêk đros thax tsav tox siêz mak zuôr tsêx tsung txar qơư nhoz lơưr tsưr ziv nhoz siz shơưk thiêz chiê tsưr ziv no paz tâu trâu pêx xênhv trâu pêx xênhv mak muôx nhiêx txiêx paz siêz đuô”.

Đros ziv chênhv li tỉnh Lào Cai, hlôngr njêx muôs lênhx tov UBND tỉnh Sơn la hêik tiêk, xar txar qơư nhoz tâu trâu pêx xênhv hâur thax tsav phiv liv, hâux lưv hlôngr yiêz pênhr jos txix pêx xênhv, chinhr quyền tiv phaz thiêz têz qơưk zos lok six zov chênhr. Taz sik têz qơưk cux tsuv muôx têx paz trâu côngz xưv txar qơư nhoz trâu pêx xênhv tơưv đhâu têx qơư phiv liv, viv no zos chor thax tsav txov nhêv, pêx xênhv luz nênhx tsênhv pluôs. Zơưv Lò Minh Hùng, phưv chủ tịch UBND tỉnh Sơn la puz pâuz:

 “Sơn La hêik trâu chinhr phuv, tiv iz zos cxaz nzir nhiêx txiêx chiê uô Thủ tướng chinhr phuv li đề án 1776 lok txar qơư nhoz trâu pêx xênhv muk đhâu thax tsav phiv liv. Tiv iz zos chuôz ndê phênhv paz trâu pêx xệmv. Đros phênhv paz li nhiv no zos têz qơưk tsuôk paz cxiv tsa cxaz cêr vax tsêr cxuô zav, ar uô xênhz yar, côngz trinhx đêx liv mak tsuv paz nzir chiê pox nhuôs zuôr zuz nôngz tsiêx zus thiêz kôngz lôngk”.

Hâur jiês qênhz yuôx nhiv kruôr no lok côngz xưv phax tar ntux têz uô hiêv ntơưv chor tỉnh Tây Bắc zos Sơn La, Điện Biên, lai Châu, Thứ trưởng bộ công thương, ủy viên ban chox kriê Trung ương lok phax tar ntux têz uô hiêv Hoàng Quốc Vượng  tưz muôx ziv chênhv trâu chor tỉnh tsuv taz por chor tsar tov nzor txar qơư nhoz trâu pêx xênhv tơưv đhâu têx qơư phiv liv muôx ar poz, khâuz jênhs chuô. Đrâuv chinhr phuv li tsênhv chêi paztxar qơư nhoz trâu pêx xênhv, chor tiv phaz tsuv uô uô cê chor dự án chiê uô, kror zov chênhr zos taz por luz nênhx trâu pêx xênhv zos kror zov chênhr tiv zix:

 “Hâur qênhx shênhx phiv liv xưk li co mak pêz tsuv muôx tsưr ziv uô jux juk chiê cê taz por trâu pêx xênhv thâuv muôx yưv ntux têz uô hiêv, sik ho huv đros tỉnh li nhiêx txiêx, tsar tov lok cxuô zav. Đuô thiêz cur cux hêik sơưr đơưk chuôz cxaz qênhz yuôx thiêz xưv lik phamv cxâuv chor côngz trinhx  phax tar ntux têz uô hiêv”.

Hâur tsar tov qiv hơưv txơưr txar phiv li nhiv no, chor tỉnh tox siêz faz Bắc tsuv sir jos hâur tsưr tsix txar qơư nhoz trâu pêx xênhv, huiz tôngv cxuô pênhr jos chiê nzỏ uô tiêr côngz xưv txar qơư nhoz, paz trâu pêx xênhv thax tsav trấu sntux têz uô hiêv truôx tuk luz nênhx. Tiv zix muk ntêr, pêx xênhv thiêz chinhr quyền chor tiv phaz tsuv tsov cưv txos đuô thiêz côngz xưv chos thiêz por vêv jôngr phax phưv hâur đêx. Uô tâu li co thiêx iz thênhv jux juk cêir chêx tâu côngz xưv txar qơư nhoz trâu pêx xênhv muk đhâu têx qơư phiv liv muôx ar poz, khâuz jênhs chuô thâuv txos chêix ntux nas chuô./.

(Thanh Thủy, Hồng Việt-Lik Thox cxêik nhênhv)

Phênhv thưr 5.21.7.2016:

A Tải- lênhx hluôk tuz Ba Na sir jos hla đhâu phêv liv uô bluô nux

          Kuôk nor 4 shông pox nhuôs mênhx cxưx Ba Na nhoz xã Đắc Tờ Re, huyện Kon Rẫy pov A Tải, lênhx nênhs nhoz jos Kon Rơ Năng hnuz tưs cux 2 jiês thâux 2 tơưz jâuz muôs muôs cxuô qơư hâur jos. Tưz muôx ntâu lênhx nênhs heik li uz li no viv cxôngx thâuv ntêx txos nhiv no tsi muôx lênhx hluôk tuz nênhs Ba Na tưs uô li co. Tov kaz no lơưr thiêx li pâuz thôngz thâuv tâu pov A Tải li 4 sào ntâu ar thâuv ntêx tsuôk chos kok ntông, poz cưk , nhiv no tưz yênhx têx hax chos ntâu zav jâuz njuôz jông. Heik lok hâux lưv chos jâuz. A Tải puz pâuz:

          “ Cur nhiêv thiêz cơưv shâuv lol uô. Uô li no mak tsuv gruôs, viv li hâur jos tsi muôx lênhx tưs uô. Cux tsi pâuz grê muôs li chas, jux jus uô mak zuôr muôx chênhz zênhv. Chiv chir mul muôs, uô 2 luz tơưz tso jâuz mul muôs, phênhv sâu heik cxuô cux ngaz tul đuô uô têx hâux lưv txơưr”.

          Tơư tês trâu vax chos lưk, A Tải puz pâuz, no zos tsoz chos xuz thơưx tix lâuk chos. Lik zơưx A Tải xeir lưk chiê chos zos viv no zos tiv phaz li iz xiv huv nto bê, zôngx ziv chos, tso lol phênhv sâu ntêr đuô têx tsoz chos txơưr thiêz kror coaz tsôngv zos nênhs Ba Na thiêz nênhs Choz Tsiz puôr lênhx lok six nhiêv nox. Yênhx côngz đros tsoz lưk, A Tải truôx siêz đuô chos têx zav jâuz txơưr đuô, tsuv muôx tsưr ziv tsoz phưz jông đuô li: điz iêz, hor txoz, têx zav jâuz njuôz, tâuv... Khov tsoz phưz jông, yar lengx ntâu, ho muôs tâu, iz shông A Tải sâu lol yênhx châuv đeiv. Jông siêz đros zuk tul tuz li hâux lưv uô, pos Y Khei, A Tải li niêv puz pâuz:

          “ Qir thơưx nhiv kruôr uô thiêx li lax. Uô jiês tưs cux tsi muôx nhiêx txiêx. Muôs tâuv, muôs tâuz hưz tâu nhiêx txiêx mak mul zuôr yuôx, zuôr qir. Nưs lok six gruôs viv li lok six jông siêz thâuv pov mê nhuôs sir jos uô”.

          Gruôs uô lox tôngv, car xar car uô, đros thiêz paz chuôz zis hla đhâu cêr pluôs, yênhx trus sir jos uô bluô nux. A Tải tsênhv muôz hâux lưv uô trâu cxôngx 3 txos 6 lênhx nênhs hâur jos. Khov gruôs nriêr pâuz niêv ciêz, nhiv no têx zav jâuz A tải chos tâu puôr lênhx muôx qơư sâu zuôr. Njênhs njôngr lok lênhx hluôk tuz nênhs Ba Na li pênhr xưv, kaz shông 2015 nhiv kruôr đhâu, UB huyện Kon Rẫy yưv pênhr trâu A Tải chos siv 800 yiv ndis pax lay ơn. Yênhx côngz jông đuô li siêz xar, A Tải ziv tâu njênhs njôngr txos, heik lok lênhx hluôk nênhs Ba Na sir jos uô bluô nux nhoz tiv phaz, zơưv HUỳnh Quốc Thái, phưv chủ tịch UB xã Đắc Tờ Re puz pâuz:

          “ A Tải li chuôz zis zos ziv uô uô ntêx, xã zuôr heik kriê têx jos tuôx seiz shuôk cơưv shâuv chiê krêz uô đêz đar cxôngx dưv án li pênhr. Hâux lưv A Tải chiv chir nriêr qơư sau zuôr zos lok six jông. Nhiv no sâuv thax tsav tsi tâu muôx chuôz zis tưs uô tâu li no”./.

( TTTN- Txâur Vax cxeik nhênhv)