Paz uô jông lơưr chêi ngaz tuk zoz thôngz

Chiê sơưr đơưk uô truôx jông lơưr chêi cxaz chuôz zoz thôngz, yênhx lênhx nênhs tsuv uô jông lơưr têx kror li đrav kaz: Iz zos: Uô ntêx zuôr cxaz chuôz zoz thôngz mak tsuv qênhz shuôk đuô têx yêz cov jông. Oz zos: Tsuv muôx cxix cxuô têx ntâuz ntơưr lơưr cui tênhv thâuv cxaz chuôz zoz thôngz. Pêz zos: Tsuv ntông chor câuk mov por vêv tâuz hâu cov huv zos. Tsik ntông chor câuk mov tsik huv zos tsơưr lươngv. Plâuz zos: muk huv zos zuk saz cêr… lơưr cui tênhv, tsuv uô jông lơưr chêi lok ngaz tuk zoz thôngz. Tsiz zos: tsik chêix yêz muk chênhr. Tsuv pâuz sik txar jav sâuv cêr, thâuv lêv saz lâux, lêv saz xik… huv lơưr cui tênhv. Tsuv siêz ntêr đrêk yêz tok têx tênhz liêz njuôz, lok sik thâuv cêr muk lok tsik tâu. Tsuv paz trâu chor nênhs njiz trâus txiêz nanv zoz thôngz. Trâu zos: Sêiz shuôk kho têx yêz tsik so. Sha zos: Uô jông vênhx huôv lok zoz  thôngz thiêz uô jông trơưk “Plâuz tsik uô, pêz tsuv uô” mak Ủy ban Ngaz tuk zoz thôngz têz qơưk tưz hêik tas nro pêx xênhv tsuv uô trơưk thâuv cxaz chuôz zoz thôngz.

“Plâuz tsik uô” zos: Tsik hâuk chơưr bia, tsik muk chênhr, tsik muk trơưk têx tênhz liêz njuôz, chêix têx yêz muôx tsik txâuk têx ntâuz ntơưr lơưr cui tênhv; tsik nav ntus cêr, têx cêr, têx kror paz por vêv ngaz tuk zoz thôngz; tsik uô đaz uô tuôs thâuv sik thav đros cxuô lênhx nênhs thâuv cxaz chuôz zoz thôngz cux li thâuv muôx yưv txiêz nanv zoz thôngz; tsik chiê muôx yưv txiêz nanv thâuv cxaz chuôz zoz thôngz.

“Pêz tsuv uô” zos: Pâuz cxix cxuô chêi têz qơưk lok zoz thôngz; muôx txơưx jênhv siêz trâu zuk thiêz côngv thôngx”; pâuz thav luk muôx vênhx huôv, sik côngv paz trâu nênhs trâus nanv thâuv njiz trâus txiêz nanv zoz thôngz.

Zơưv Nguyễn Trọng Thái, kuz Chánh Văn Phòng Ủy ban Ngaz tuk zoz thôngz têz qơưk hêik tiêk: “Tiv iz zos tsuv uô cov tiêr têx ntâuz ntơưr chêi têz qơưk lok ngaz tuk zoz thôngz chiê paz uô tâu truôx jông sêiz car têz qơưk cux li paz zôngx ziv trâu nênhs cxaz chuôz zoz thôngz uô truôx jông trơưk. Tiv oz, sir jos uô côngz xưv yax kriê, piêr pâuz chêi têz qơưk têx cui tênhv txos trâu nênhs cxaz chuôz zoz thôngz hêik taz cux li txos trâu pêx xênhv heik cxuô, tiv zix zos têx thax tsav qơư nhoz đêz, tox siêz, thax tsav tsôngv box mênhx cxưx tsơưs nênhs”.

Tsôngv fôngx zưs sơưr đơưk hmor yuô! Hêik kriê cov cxaz chuôz jông zoz thôngz zos piz txix yênhx ziv chuôz zis. Pos zơưs, niêv txir tsuv uô jông hâux lưv hêik kriê têx tuz nhuôs thiêz chor nênhs hâur chuôz zis cxaz chuôz zoz thôngz cov jông. Tiv zix zos chor nênhs lâul tsuv zos chor nênhs uô jông uô ntêx, sir jos cxaz chuôz zoz thôngz ngaz tuk chiê têx tuz nhuôs cơưv shâuv thiêz uô trơưk. Chuôz zis zos qơư kruôz kriê xuz thơưx ciês trâu yênhx lênhx nênhs. Đros co, yax kriê cxaz chuôz jông zoz thôngz ntơưv pêx xênhv qơư nhoz, cơ quan, tsêr cơưv ntơưr, nênhs lox tôngv qơư uô hâux lưv, chor tsưr tsix đoanx thêv chinhr triv-xar hôiv, đhâu co lơưr tâu mnôngs, pâuz tâu thiêz sik đros phêiz kênh, muôx chênhz zênhv, txix co paz hlôngr yiêz siêz xar, hlôngr yiêz yênhx lênhx nênhs li tsưr ziv cxaz chuôz zoz thôngz. Nông Thủy Nương, lớp 11A5 Tsêr cơưv Phôv thôngz Mênhx cxưx Nội Trú tỉnh Cao Bằng phêiz kênh: “Chêix yêz muk yênhx hax đar sâuv cêr tsik ntông câuk mov por vêv tâuz hâu. No zos têx kror lok six phiv liv thiêz zos têx kror tsik jông thâuv pêz chêix yêz muk lok tâus cêr. Viv li, lơưr cur mak tsuv tso tsês têx kror li no. Pêz tsuv yax kriê thiêz sir jos cov sơưr đơưk jênhv pâuz jông đuô lok chêi ngaz tuk zoz thôngz”.

Chiê sơưr đơưk sir jos uô truôx jông lơưr chêi ngaz tuk zoz thôngz, đrâuv côngz xưv yax kriê, tsuv muôx đros têx tsưr ziv xưv bluô. Đhâu co jux juk paz trâu sơưr đơưk uô jông lơưr chêi têz qơưk thâuv cxaz chuôz zoz thôngz. Đros co, paz trâu chor canr bôv cảnh sát soz thôngz, thanh tra zoz thôngz, têx cơ quan, taz viv, tiz nênhs cik txos muôx txơưx jênhv đuô thiêz sir jos uô cov jông đuô./.

VOV4-Lik Thox cxêik nhênhv