Phênhv thưr 7, hnuz 12/3/2016:

Zav nduôr gio Tiên Yên-Đông Bắc nox kaz

Nduôr gio muôx ntâu nhoz trâu cxuô tỉnh pêz têz qơưs, taz sik tsik muôx thax tsav qơư tưs nduôr gio nox kaz li nduôr gio thax tsav Tiên Yên. Nduôr gio uô ntơưv thax tsav Tiên Yên, muôx chôngz lênhx kruô nhiêv nox thiêz nus faz tsưr ziv tsâu cxur blâuv uô. Ntơư zos muôz chor kuôr blêx bâuv hlơưr thiêz muôz chor kuôr hlơưr ntơư liv đros trâu tơưr txir lưk kâuz, đêx hmôngr jêz siz thiêz muôz chox lok tor đêx cov huv đros; taz sik, cux zos chor uô ntêr shông thiêx njuôk uô tâu trơưk tsưr ziv njuôk xav. Thâuv uô tâu siêr, chor nduôr gio ntơư đax thiêz tsư kaz cơưs. Pos Nông Thị Lâm, zos iz lênhx uô nduôr gio ntâu shông hêik lok têx tsưr ziv uô nduôr gio thav pâuz nzir: “Blôngx gio đê thiêz hlơưr đrav ntus đêx hiêr tas mav liv chor cuô đêx thiêz muôz chor cuô đêx ntơư chox lok tsâu cxur; cxur blâuv, tsuv muôz zav cxur kaz thiêz tsik cxoz muôz cxur txuô”. Tsôngv px hâur thax tsav Tiên Yên uô nduôr  gio zos muôz cxur blâuv chox lok uô. Uô ntêx tsuv muôz chor cxur blâuv ntơư chox lok tsâu chor cuô đêx gio 2-3 six hơưv mav muôz chox lok krưr uô nduôr. Thâuv krưr tâu zuôr chox muk hâu, tsuv muôz blôngx njê puô iz cxênhx hâur kaz lâux câuz, thâuv hâu tâu siêr, nduôr gio thiêx tsư kaz. Zav nduôr gio hêik ntơư, tsuv hâu 5-6 luz six hơưv thiêx siêr thiêz thâuv hâu tâu siêr ntơư, muôz nduôr gio chox lok tsư cuô suôz thax caz tsiz nox cux kaz cơưs. Nguyễn Hoàng Nam, zos iz lênhx shuv xênhz tsênhv taz tov cơưv đại học shir phaz lil thav lok zav nduôr gio: “Nduôr gio zos iz zav nduôr cur nhiêv nox thiêz thâuv nox ntơư mêx njik kaz jiz txơưr đuô cxuô zav nduôr. Chuôs li ciêz tưs cur cux đros têx fôngx zưs muk zuôr  nduôr gio chox lok  nox”. Nduôr gio zos iz zav nduôr muôx thâuv nzor nhoz thax tsav Tiên Yên thiêz thax tsav Quảng Ninh.

Pos Mã Thị Lộc, zos iz lênhx uô qơư muôs nduôr gio tâu ntêr shông muôs ntơưv ciêz Tiên Yên hêik pâuz: “Nduôr gio, muôz chox lok njư cuô suôz thax caz tsiz nox cux kaz thiêz lax cơưs. Muôx tsôngv kruô tuôx muk đhâu, tsuôk zos zuôr zav nduôr no 200-300 luz chox muk trâu têx fôngx zưs nox siv”. Hâur iz xã, iz thax tsav qơư, nhiêk muôx nhiêk cxuô zav nduôr muôs; taz sik zav nduôr gio ntơưv thax tsav Tiên Yên tsênhv taz tov tâu tsôngv kruô nhiêv nox. Blôngx njê, blôngx gio thiêz cxur blâuv, zos zav uô tâu nduôr gio muôs trâu tsôngv kruô tuôx sêiz shuôk têz qơưs, zuôr nox, tsôngv px sâuv thax tsav Tiên Yên muôx phênhv sâu tâu cxaz nzir nhiêx txiêx chox lok sir zôngv hâur ziv chuôz zis. Zơưv lý Văn Thắng, phưv phôngx kôngz nuv huôv tsar tox siêz huyên Tiên Yên hêik pâuz nzir: “Huyện xêir tsov zav nduôr gio zos iz zav nduôr muôx thâuv nzor lok. Nduôr gio sâuv thax tsav Tiên Yên tsênhv taz tov tâu  cxuô lênhx sđ  nhoz cxuô qơư nhiêv nox thiêz tâu tsôngv kruô sđ kruôk txos”.

          Chênhr zos li hêik ntơư, zos tsôngv kruô sđ tâu muk ndis ntux sêiz shuôk têz qơưs txos huyện tiên Yên, tsuv tâu ndêiv muk nox siv zav nduôr gio, zos iz zav nduôr nox kaz nhoz sâuv thax tsav Tiên Yên./.

                                                                        (Tsu, cxêik nhênhv-TTĐB)