PHÊNHV ĐAS JOS (2 suôz)

Tsôngv box...! Hâur phênhv đas jos ciêz no, pêz tror xa txos sđ mnôngs têx cui tinhv hâur chei truôx tuk zav nox

Grê 20. Cui tinhv taz por ngaz tuk zav nox hâur tsês chiê têx zav nox.

1.Qơư tsiv uô, zuôr muôs zav nox tsuv taz por têx cui tinhv lok por hưv chiê zav nox li đrav kaz:

a) Qơư por hưv chiê thiêz chuôz zênhx trâu, por hưv  tsuv đar  txâuk trâu chiê por hưv têx zav nox nhiêk tso nhiêk iz kro taz por vêv xênhz hâur six hơưv por hưv chiê;

b) Tir thêir tsi chiê cuz sor, nông, têx zôngr, caz uz no, pluô ar....têx uô hiêv txos, tsơưk thiêz pâus trâu; taz por pov cêr, muôx cxuô têx uz no por hưv chiê cov têx zav nox, jâuz mor tsi kiêk nênhs, vuôz tsuôz....;

c) Uô trơưk tsưr tsix, xiz nênhs tsiv uô, zuôr muôs zav nox li têx cui tinhv lok por hưv chiê.

2. Bộ trưởng Bộ Y tế, Bộ trưởng Bộ Kôngz nuv thiêz huôv tsar tox siêz, Bộ trưởng Bộ Công thương tso tơưv têz qơưk cui tinhv thiêz cui tinhv tsênhz mênhx lok taz por truôx tuk zav nox hâur por hưv chiê zav nox zos zuk hâux lưv tâu zok muôz, car seiz.

Grê 21. Cui tinhv taz por truôx tuk zav nox hâur fax thâux têx zav nox.

1.Tsưr tsix, xiz nênhs fax thâux zav nox tsuv taz por têx cui tinhv đrav kaz:

a) Têx chuôz zênhx, tưx têis thâux gra zav nox tâu muôz têx zav tsi tsư kiêk, tsi uô vuôz tsuôz trâu zav nox uô lok sik têx hnaz trâu, ntiv; tưx têis zôngx ziv nzuôr tâu hur;

 b) Taz por six hơưv por hưv chiê têx zav nox hâur fax thâux trơưk li tsưr tsix, xiz nênhs tsiv uô, zuôr muôs zav nox li cui tinhv;

c) Tsi fax thâux zav nox đros têx xiv huv tsi hur lok sik muôx têx uô vuôz tsuoz, kiêk nênhs uô tsi jông txos tsơưr lươngv zav nox.

2. Cơ quan lês uô hâux lưv têz qơưk car seiz têx li heik sâuv muôx vax huôv cui tinhv lok têx chuôz zênhx, tưx têis, yêz fax thâux zav nox; cêr thâux xa zav nox đros thiêz iz cxiê zav nox nhôngk ntơưv têx ciêz đrôngs.

Grê 22. Cui tinhv taz por truôx tuk zav nox hâur tsiv uô, zuôr muôs tsơưs têx zav nox.

Qơư tsiv uô, zuôr muôs tsơưs têx zav nox tsuv uô lơưr têx cui tinhv taz por truôx tuk zav nox li đrav kaz:

a) Muôx qơư nưk tso nưk iz kro kuôk đêz têx tsi hur, tsi jông, uô vuôz tsuôz kiêk nênhs;

b) Muôx txâuk đêx hur phưx vưv tsiv uô, zuôr muôs têx zav nox;

c) Muôx jông tưx têis, chuôz zênhx uz no chiê tsiv uô, zuôr muôs zav nox tsi uô hiêv, uô kiêk nênhs trâu zav nox;

d) Sir zôngv têx txux lov, tsơưr uz no uô zav nox, chuôz zênhx, hnaz, tưx têis ntiv thiêz trâu zav nox thâuv uô thiêz por hưv chiê;

đ) Uô trơưk cui tinhv lok lênhx nênhs buôk ti tsiv uô, zuôr muôs zav nox li đas jos, tsưr ziv uô têx zav nox co;

e) Khơưk sâu, qêz suô, xưv lik têx vuôz tsuôz kiêk nênhs tsuv trơưk li chei têz qơưk cui tinhv lok por hưv tênhx qơư;

h) Tuôr truôx thiêz uô đreiv trơưk têx cui tinhv taz por truôx tuk zav nox thiêz khơưk tsês  chiê iz kro mê njik têx zav nox, ntâuz ntơưr uô cik txos zuôr muôs, taz por pâuz tâu qơư tsiv uô zav nox./.

 (Tuyết Lan-Riê Lâux cxeik, nhênhv)