Phênhv “Đas jos thiêz siv nênhx” hnuz xiêz 4/11/2015

Moz kruô piêk

Txos trâu nhiv no, moz kruô piêk cux zos iz zav moz siz cik thiêz nriêz nênhs; qir tiv uô tuôs lênhx nênhs; phênhv ntâu zos chor mê nhuôv zâu muôx 5 shông tror zar hâur. Hur si chor mê nhuôv tsik tâu trâus cik caz moz kruô piêk cux zôngx ziv trâus cik. Caz moz kruô piêk zôngx ziv siz cik trâu chor đros nhoz uô cê hâur iz qar tsêr.

Qir tiv khênhr trâus cik moz kruô piêk zos: lênhx nênhs ntơư uô cuz iz chê, tơưv poz liêz thiêz hnôngk, lok cuô njưs, moz kos chax đaz; đhâu ntơư ho moz trâu têx poz kix cxa.

Đhâu moz kruô piêk, lênhx nênhs ntơư luz chêr đas jos txo grêk kik, zôngx ziv uô yưv ntâu zav moz txơưr đuô trâu luz chêr li: Kror muôs tsik yuô pov cêr, trơưk plaz, moz njưk, moz hlưz…zos trâus moz hnhar, zuôr uô lênhx mê nhuôv ntơư trâus tuôs.

Chor pox niêv tsênhv taz tov xênhz mê nhuôv hâur chêr, zos trâus cik caz moz kruô piêk, cux zôngx ziv uô trâu tus pox niêv ntơư nquôr mê nhuôv lok sik uô trâu tus pox niêv ntơư zus mê nhuôv tsik cxưv hli.

Chênhr zos li hêik ntơư, zos tiêk pov mê nhuôv zâu trâus uô cuz, moz poz trâu iz chê, chor uô niêv uô txir tsuv chox zênhx max tus mê nhuôv ntơư muk trâu cưk yuôx sêiz shuôk thiêz muôz yuôx kho cov jông sêi thiêz tsik chiê cik trâu côngv thôngx sđ.

*Tir thêir moz kruô piêk:

-Fuô yax kriê cxuô lênhx uô niêv uô txir, tsuv chox mê nhuôv muk cxax cxix cxuô zav yuôx tir thêir caz moz kruô piêk.

-Tsuv chox mê nhuôv muk cxax yuôx tir thêir caz moz kruô piêk cov huv hnuz nhôngl.

+Lênhx nênhs trâus cik caz moz kruô piêk, tsuv zênhx max hêik trâu cưk yuôx thênhv siêz pâuz, tsik puz đhâu 24 luz six hơưv.

+Lênhx nênhs trâus cik caz moz kruô piêk, tsuv kuôk cêv, tsik chiê đros chor nhoz uô cê, tsơưs tiv iz tsuv cêv kuôk 4 hnuz, txix thâuv lênhx mê nhuôv ntơư luz chêr uô poz liêz.

+Hur si chor mê nhuôv trâus cik caz moz kruô piêk, tsik cxoz chox tuôx hâur tsêr cơưv, tsơưs tiv iz zos 4 hnuz.

+Luôs hâux lưv tir thêir tsik chiê mê nhuôv trâus cik caz moz kruô piêk, zos iz luôs hâux lưv zok chênhr; chor uô niêv uô txir tsuv tâu moz siêz txos./.

                                                                        (Tsu cxêik-nhênhv)