Phênhv thưr 4, hnuz 18/5/2016:

PHÊNHV ĐÊX HUR

Txos nhiv no, hâur thax tsav tỉnh Sơn La tưz muôx 81% ntâu lênhx tsôngv box nhoz thax tsav jêx jok tox siêz tâu zôngv têx đêx hur, tsơưr lươngv têx đêx zôngv iz hnuz tâu gra siêz jux juk, phênhv ntâu têx côngz trênhx côngz đêx đhâu liv têx ar, xuôz jêz, đêx côngz trâu têx ziv chuôz zis zôngv ziv hnuz ziv ntâu. Iz chas ntơư, hâur thax tsav têx ziv chuôz zis nhoz tox siêz muôx qơư tơưv trôngx huv vêv xênhz tâu 50%, têx ziv chuôz zis muôx qơư tu zus tsiêx cxu trơưk cui tinhv tâu 34%.

Chiê uô tâu li heik ntơư, zos Sơn La tưz sir jos uô jông hâux lưv yax kriê txos trâu cxuô thax tsav, suôv qơư lok sâuv côngz đêx, vêv xênhz hur si qơư nox nhoz. Têx tsưr ziv yax mông, fuô kriê đros ntâu tsưr ziv uô paz tsôngv box gra siêz txux chi, tsưr ziv jênhv pâuz chiê uô lơưr; iz chas co, uô hlôngr yiêz tsôngv box tsưr ziv sir zôngv têx đêx hur, tso tsês jux juk cêr uô nênhx pôngz kaz. Lar heik, tsênhv qơư đêx hur thiêz vêv xênhz tênhx qơư tox siêz cux tsi so gra siêz tsơưr lươngv têx đêx xênhz huôx chiê tsôngv box cor cav sir zôngv têx đêx hur jux juk. Txos nhiv no, tưz cxiv uô tâu tsưr ziv côngz đêx txix têx rơưr lok sik bể đêx tso lok trâu tsôngv box sđ zôngv uô cê hlôngr uô lơưr tsưr ziv li: tso đêx lok txos trâu iz ziv chuôz zis jux juk, muôx six hơưv njuôk đêx, sâu nhiêx đêx lok sik côngz đêx txix têx tsưr ziv txơưr đuô lok trâu tsôngv box zôngv….

Taz sik, hâux lư côngz đêx huv vêv xênhz hâur thax tsav tỉnh tsênhv njiz trâus ntâu phiv liv, li: Têx đêx hur uô tsi yuô tâu jông trơưk li cui tinhv, yưv pênhr cxiv uô têx côngz trênhx tsi xav txos trâu sir zôngv ntêr shông ; seiz car tsơưr lươngv đêx tsi tâu seiz kaz, ntâuk grê tsi so trơưk cui tinhv; tsênhv yuôr 15% ntâu têx côngz trênhx zôngv tsi tâu lok sik tsi yuô zôngv txos…. Hâux lưv njuôk hov, cêv kuôk, tsưr ziv uô tsi tâu ntâuk grê, tuôr xav jông viv li uô tsi yuô tâu trơưk li tsưr ziv, siêz xar; têx hâux lưv lok sâuv seiz car, krêz uô têx côngz trênhx côngz đêx txơưv tưz fuô kriê, uô tâu taz sik khối doanh nghiệp thiêz têx lênhx xiz nênhs li cêr cxaz chuôz đros uô tsênhv tsơưs; tsi muôx pênhr nhiêx trâu uô luôs hâux lưv seiz car têx đêx thiêz qơư tso đêx; tsi bax tsưr ziv cxiv kho têx car đêx, qơư trâu đêx…. Thax tsav txov nhêv, thax tsav tox siêz, ntus đriv txơưv tưz tâu moz siêz txos, paz cxiv uô ntâu côngz trênhx, taz sik têx ziv chuôz zis zôngv đêx huv vêv xênhz tsênhv tsơưs pir li cui tinhv cxuô hâur tas nro tỉnh…..

Lơưr tsưr ziv, ntu 2016-2020, tỉnh Sơn La sir jos cov 95% ziv chuôz zis thax tsav tox siêz tâu côngz đêx hur; 90% ziv chuôz zis muôx qơư tơưv trôngx huv vêv xênhz; 100% têx qơư seiz jor mê nhuôv zâu, tsêr cơưv nhuôs zâu thiêz têx tsêr cơưv phưv thôngz tâu côngz đêx hur thiêz muôx qơư tơưv trôngx huv vêv xênhz trơưk cui tinhv./.

( Tuyết Lan-Riê lâux cxeik, nhênhv)