Phênhv thưr 4 hnuz 13/01/2016

Tâux đuz kho moz

Tâux đuz zos zav tsoz chos ntêr shông, tuôx uô yênhx tâur. Tâux đuz tâu chos nhoz cxiê qơư hâur pêz têz qơưk, pêx xênhv chos tâux đuz iz ndis tsêr, hâur vax chiê châuv zôngr, tur đêr, cê uô hur tênhv qơư, cê paz phax tar moz. Đuô li, trox tâux đuz tsênhv jông sir zôngv hâur vêv xênhz. Đrâuv zôngv uô jâuz nox, tâux đuz tsênhv zos zav yuôx kho moz lok six jông. Kror zôngv uô yuôx zos blôngx, hâur pâuk tâux đuz zôngv nhôngk lok sik jiêz kruôr.

Lơưr chor cưk yuôx njuôz, tâux đuz paz uô tơưv hưk, tir tar o vôngk, tso jik tsi tâu, tsav plaz, o co tơưl, kho moz hnôngk…

Blôngx tâux đuz: tâu zôngv đros chor yuôx txơưr đuô chiê kho moz.

Yuôx cxơưz chiê kho moz tâuz hâu: Blôngx tâux đuz, blôngx txir lưk pax, blôngx txir caz nzưr, Cúc tần, hương nhu lok sik blôngx bạch đàn (muôz nzir trâu, jâuz cxis thênhv), iz zav 50g, muôz trâu hâur lâux câuz, râuz bâu hâur 5-10 phênhz. Tsơưk lok, kriz hâu, câur pav cxơưz cov tơưv hưk, so cov hur, hâuk iz ntiv cuô yuôx, vor pav pư.

Kho o co tơưl, tso tsik tâu jik: Blôngx tâux đuz 100g, chas đrox xước, chas grênhz, iz zav 50g. tas nro muôz nzuôr cov hur, cxôngr cov mok, jiêz kruôr, râuz đros 400ml đêx txos yuôr 100ml, hâuk oz jiês iz hnuz. Hâuk 3-4 hnuz.

Uô hur câur sâuv tâuz hâu, blâuz hâu bưk: Blôngx tâux đuz, hương nhu, blôngx txir lưk pax…iz zav 30g, nzuôr hur si, hâu đros đêx, chiê tsâus plâuz hâu. Iz ciêz tsuv tsâus 2 jiês. Đêx tsâus tâuz hâu muôz tâux đuz tsik zos uô bưk plâuz hâu, hur câur mak tsênhv tsik trâus chor zav moz lok plâuz hâu thiêz tơưr grêix./.

(Báo SKĐS-Ly dịch đọc)