PHÊNHV HÊIK KRIÊ

Têx kror yiêz hâur chêi Bảo hiểm xã hội (Cxiv kho đuô)

1. cxaz nzir lênhx nênhs cxaz chuôz BHXH

Chêi BHXH (cxiv kho đuô) jiês no cxaz nzir lênhx nênhs tsuv cxaz chuôz BHXH zos:

- Nênhs lox tôngv muôx hux thôngx lox tôngv txix 1-3 hli;

- Nênhs lox tôngv zos nênhs saz đrâuv têz qơưk tuôx uô hâux lưv ntơưv Việt Nam muôx ntơưr tso chêi uô lox tôngv zos cơ quan muôx vax huôv Việt Nam cungz tsuv tâu cxaz chuôz BHXH lơưr chính phủ li cuiz tênhv;

- Nênhs lox tôngv tsik uô hâux lưv chênhr nhoz xã, phường, thị trấn.

2. Xênhz tuz ci hâur chêr thiêz zus mê nhuôs

- Cxaz nzir cuiz tênhv lox tôngv txir nênhx muôx pox niêv zus mê nhuôs tâu so 5 hnuz tsik uô hâux lưv; tâu so 7 hnuz tsik uô hâux lưv xênhz zus mê nhuôs tsuv fêik, zus tsik tâu muôx 32 ciêz hnuz nhôngs; tsuv tâu so 10 hnuz; zos zus mê nhuôs nzêik thiêz nzir 3 hnuz iz  tuk mê nhuôs zos zus 3 tuk mê nhuôs tror sâur; 14 hnuz zos zus 2 tuk mê nhuôs nzêik tror sâur thiêz zos fêik mê nhuôs;

-Cxiv kho đuô cxaz nzir chêi xênhz mê nhuôs hâur chêr, zus mê nhuôs zos tiêk lox tôngv pox niêv muôx six hơưv thêv nhiêx BHXH txix txâuk 12 hli taz sik tiv mê nhuôs xênhz hâur chêr tsik jông tsuv so hâux lưv chiê tsoz phưz trâu mê nhuôs lơưr qơư njuôk, kho moz muôx qênhx hêik kriê mak tsuôk taz por six hơưv thêv BHXH txix 3 hli tror sâur hâur 12 luz hli uô ntêx thâuv zuôr zus mê nhuôs;

- Kho đuô six hơưv pox niêv so hâux lưv sơưv cêr chêi xênhz zus mê nhuôs, jênhv tu zus mê nhuôs puôs tsik tâu muôx 6 hli hnuz nhôngs, cxaz nzir lox tôngv txir nênhs jênhv zus mê nhuôs puôs tsik tâu muôx 6 hli hnuz nhôngs tâu sơưv BHXH xưk li lox tôngv pox niêv jênhv tu zus mê nhuôs puôs tsik tâu muôx 6 hli hnuz nhôngs;

- Kho đuô cuiz tênhv tsuôk muôx lênhx iêv cxaz chuôz BHXH lok sik tas nro txir  thiêz niêv puôr lênhx cxaz chuôz BHXH mak niêv trâus tuôs thâuv zus mê nhuôs mak txir lok sik nênhs tu zus mê nhuôs tâu so hâux lưv bâuv li lênhx niêv six hơưv so chiê tu zus mê nhuôs; zos tiêk niêv thêv nhiêx BHXH taz sik tsik tâu txâuk six hơưv  thêv nhiêx BHXH lơưr cuiz tênhv mak txir lok sik nênhs tu zus mê nhuôs tâu so hâux lưv txox thâuv mê nhuôs txưv 6 hli hnuz nhôngs; cxaz nzir cuiz tênhv tsuôk muôx txir cxaz chuôz BHXH mak niêv trâus tuôs đhâu thâuv zus mê nhuôs lok sik njiz phiv liv thâuv zus mê nhuôs muôx tsik txâuk đas jos chiê tsoz phưz mê nhuôs muôx qơư njuôk, kho moz muôx qênhx li xav jênhv mak lênhx txir tâu so hâux lưv txos thâuv mê nhuôs txưv 6 hli hnuz nhôngs;

- Cxaz nzir tsuôk zos txir cxaz chuôz BHXH thâuv pox niêv zus mê nhuôs mak txir tâu paz iz phênhv iz jiês bâuv 2 hli nhiêx trâu iz tuk mê nhuôs; cxaz nzir iz hli trâu pox niêv so thâuv zus mê nhuôs sik mê nhuôs tuôs; cxaz nzir cuiz tênhv trâu lox tôngv pox niêv paz xênhz nhuôs hâur chêr thiêz lênhx niêv paz muôx mê nhuôs lơưr luật siz zuôr thiêz chuôz zis kho đuô li cuiz tênhv./.