Jax sâu hnuz 24/10/2015

Ntênhk hội mor blêx yiêz tsêr mnov Đông Cuông

Hâur ntênhk hội mor blêx yiêz, đros têx zav muôx hâur shông uo kôngz lôngk, tu zus tsiêx cxu, Blêx ciz zos zav tsuv muôx hâur tsuv mor chiê txi côngv têx đaz xênhz têz xênhz qơư, pox côngz zơưv côngz. Chiê muôx tâu chor blêx ciz blâuv, tsư kaz, mênhx cxưx Cho chos chor blêx blâuv kaz tiv zix muôx nhoz tiv phaz tâu pox nhuôs hu uô Khấu Cải. Thâuv chor blêx piz pur mak tâu hlêik lok ciz siêr hâur kror chuz, đhâu co muôz muk tuôr, tsôngr cov yênhx chor cxur. Niêv tix Hà thị Chi nhoz jok Khe Tràm, xã Đông Cuông hêik lok mênhx cxưx nhoz no li tsưr ziv uô blêx ciz trâu tsôngv kruô:

Băng: “Thâuv tsênhz njuôz li no mak zuk hlêik lok ciz thiêx njuôz, kaz thiêz muôs. Zos chiê lâul hênhr mak thâuv chox lok ciz zuôr đax thiêz tsik muôs tsik tsư kaz lơưv”.

Ntênhk hôiv mor blêx yiêz tâu uô hâur tiêx tsêr mv Đông Cuông, jok Bến Đền, xã Đông Cuông, huyện Văn Yên, tỉnh Yên Bái. No zos luz tsêrmnov txi côngv ndo txos pos Mẫu Đệ Nhị Thượng Ngàn thiêz chor zênhz shôngx mênhx cxưx tsơưs nênhs hâur jiês ntâuk tros châuz Nguyễn Mông. Hâur ntênhk hôiv tsênhv muôx jiês tuô tưv đuz chiê txi côngv.

Trơưk cxôngx nzor, shông tưs ntênhk hội mor blêx yiêz cux tâu tsưr tsix, taz sik pêx xênhv hâur jok li cêr shir phaz đros ntênhk hôiv mak cux khov lơưr têx kôngz sâu tâu hâur shông. Zơưv Hà Văn Giấy, nênhs hlơưr shaz trâu tsêr mnov Đông Quang puz pâuz:

Băng: “Shông no, pir li cxiê shông mak ntux paz viv li cux sâu tâu kônz lôngk ntâu; muôx cxuô zav chiê txi côngv. Ntênhk hôiv mak cux lov jêv shir phaz thiêz muôx chôngz kruô đuô”.

Tsêr mnov Đông Cuông iz shông muôx oz ntênhk hôiv chênhr. Zos tiêk ntênhk hôiv hâur shôngk shông muôx tsiv gri thor cov muôx ntux yar ntux nas huv đros, paz trâu sơưr đơưk muôx đas jos. Mak ntênhk hôiv mor blêx yiêz no zos chiê ntâuk gri iz shông uô lox tôngv, xênhz yar kôngz nuv thiêz zoz zux, kriê têx tuz nhuôs tuôr chiê phuôx huiz mênhx cxưx li têx vênhx huôv jông…Zơưv Nguyễn Thành Nam, phưv chủ tịch UBND xã Đông Cuông, huyện Văn Yên, tỉnh Yên Bái puz pâuz nzir:

Băng: “No cux zos jiês chiê chor jêx jok tsưr tsix sik tưr txơưx uô cxur ciz, zos xã Đông Cuông li iz kror vênhx huôv jông. Thôngx cxix paz trâu pêx xênhv sir jos uô xênhz yar”.

Đros têx muôx cxôngx nzor, ntênhk hôiv mor blêx yiêz tsêr mnov Đông Cuông 2015 tsênhv muôx chor tsaz yênhx vênhx huôv, vênhx nghệ, sik tưr uô cxur ciz thiêz tso nhux tưv siz đrâuk./.

                                          (Trinh Xuân-Ly Thox cxêik, nhênhv)