Jax sâu thưr 7, hnuz 13/11/2015:

Gâux Soọng Cô: Heir nênhs Sán Dìu têx txux chi jông

 

 

 

Trích một đoạn hát,……

Lơưr nênhs San Dìu Soọng zos gâux, cô zos suôz sênhr heik gâux. Suôz sênhr heik gâux Soọng Cô thâuv tưs mnôngs tưz jông, heik lok lênhs tiz nênhs sênhr suôz heik tsưr ziv, siêz xar, uô trâu lênhx nênhs mnôngs kho siêz jiv. Nênhs Sán  Dìu cux tsênhv ndo njôngr lok zuk heir nênhs têx txux chi sênhr heik gâux đrav ntêx. Đhâu chor lâuk piêr kriê, thâuv ntêx ntux thiêz ar nhoz siz jê, muôx iz luz jok lok six chôngz, nhoz pur ntiêx tas nro iz tos trôngz, nzôngr nhos tas iz tuk đêx. Muôx iz hnuz zơưv sơưz qiv, tso đêx pur ndê tuôx nhaz tas cxuô tsar cxuô zav, đaz tsi cux tuôs tas. Hâur jok muôx 2 lênhx nuk muôs sei đrơưv khiêr muk gâuv trâu iz luz fluôx tâuz kruôr ntaz zux zênhk sâuv blêiv đêx li tsi tuôs. Đhâu thâuv đêx grik tas tơưv lok, hâur thax tsav tưz tsi yuôr lênhx tiz nênhs tưs hlo viv li 2 nuk muôs tsuv siz zuôr, xênhz zus tâu ntâu lênhx mê nhuôv, uô nênhs Sán Dìu iz hnuz huôv vav chôngz jux juk tuôx. Txơưv jok muôx chôngz nênhs taz sik puôr lênhx zos têx tuz nhuôs côngv iz tuk niêv tuk txir, siz zuôr tsi tâuk viv li tsuv muk zok nriêr tuk hluz trâu luôs lưv luz jok. Chiê têx tuz nxeik hâur luôs jok nhiêv trâus, hluz txos mak lơưr zôngv suôz sênhr heik gâux chiê uô pax luk heik zuk têx tsưr ziv, siêz xar xa trâu tuk zuk hluz, ndo yuô. Txix thâuv ntơư suôz gâux Soọng Cô qir tâu sênhr heik thiêz tuôr tsês chiê txos trâu nhiv no.

Cux xưk li ntâu suôz sênhr heik gâux, heik cưr cxiêx txơưr đuô, Cô Nênhs Sán Dìu suôz gâux Soọng Cô iz hnuz trâus pôngz plox jux juk, viv nhiv no têz qơưs huôv tsar, hlôngr yiêz ntâu. Taz sik nhoz iz cxiê thax tsav Hà Phong ( Hạ Long), Cẩm Phả thiêz Vân Đồn, tỉnh Quảng Ninh cux tsênhv por hưv, tuôr tsês chiê tâu têx suôz sênhr heik gâux Soọng Cô  hâur luz nênhx niêx hnuz, viv ntơư xưk li iz txux chi vênhx huôv thâuv tưs tưz zuôr tsuv muôx hâur nênhs Sán Dìu luz nênhx. Zơưv Trương Bình Minh, seiz car câu lạc bộ heik gâux Soọng Cô Phường Hà Phong heik:

“ Cur, 2, 3 shông đrav ntêx mak uô lênhx seiz car thax tsav qơư nhoz no, ntơư cux zos thax tsav vênhx huôv viv li nênhs Sán Dìu heik taz cux xar cxiv tsa phôngz yaox heik gâux chiê sênhr heik lok nênhs Sán Dìu luz nênhx, xênhz huôx vênhx huôv, iz chas ntơư paz kriê trâu têx tuz nhuôs tov kaz đros por hưv, tuôr chiê têx txux chi vênhx huôv jông. Viv li pêz li yênhx lix câu lạc bộ heik nênhs Sán Dìu gâux Soọng Cô, tâu Đảng, têz qơưs côngz jênhv”.

Cux  li nênhs Tày, Nùng suôz gâux Sli, lượn thiêz nênhs Cao Lan suôz gâux Sình ca, Sán Dìu gâux Soọng Cô zos iz zav txux chi vênhx huôv trâur lâuk jông tâu sênhr heik siz lưr, heik đreiv đhâu ntâu tiêv. Nênhs Sán Dìu siêz cuz lus heik gâux, viv Soọng Cô qir muôx txix luz nênhx tsênhv tsênhz, thâuv ntux trâus têz xênhz chiê heik lok luz nênhx, cêr  uô nox uô hâuk.

( trích một đoạn hát….)

Têx suôz gâux Soọng Cô tsi tiêk tâu sênhr heik trơưk six hơưv, hnuz nhôngs…Luôs muôx têx heik tâu hâur yênhx hnuz yênhx hmo, heik hâur tsêr, heik thâuv muk uô liêx têz lok sik hâur têx ntênhs hội. Chênhr viv li, gâux Soọng Cô tưz yênhx iz txux chi vênhx huôv thâuv tưs tưz zuôr tsuv muôx hâur tsôngv box Sán Dìu luz nênhx.

Zơưv tạ Trung Xuân, nhoz hâur câu lạc bộ heik gâux Soọng Cô phường Hà Phong heik uô shir phaz li no:

“ Gâux Soọng Cô li kror jông zos sênhr heik lok cêr shir phaz, uô trâu lênhx tiz nênhs mnôngs seiz zuk cux xưk li iz trêr pax tơưs yiêz hâur 54 heir nênhs   Viv li tsuv muôx vax huôv đros por hưv, tuôr tsês chiê têx suôz sênhr heik gâux ntơư trơưk li Bộ chính trị Nghị quyết zos cxiv tsa ngênhx vênhx huôv VN ziv hnuz ziv huôv tsar jông”.

Nhiv no, luôs hâux lưv tuôr tsês, por hưv chiê suôz gâux Soọng Cô phênhv ntâu zos đhâu xênhz huôx ntơưv têx câu lạc bộ hâur thax tsav. Taz sik iz cxiê jax gâux lâuk tâu kriê heik, txos nhiv no tưz tsi yuô muôx lênhx tưs pâuz thiêz tuôr chiê. Lar heik, têx lênhx nhoz hâur câu lạc bộ heik gâux Soọng Cô puôr lênhx tưz muôx hnuz nhôngs siêz, têx tuz nxeik hluôk nêns Sán Dìu lok ho pâuz tsi thôngz tsi cxix zuk heir nênhs têx luk heik, txux chi vênhx huôv, viv li luôs hâux lưv cơưv heik gâux cux zos iz phiv liv lox chiê por hưv tsês chiê zav gâux trâur lâuk jông no. Cux chênhr li ntơư têx suôz sênhr heik gâux cux iz hnuz trâus pôngz plox jux juk. Niêv lâuk Lam Thị Hả, phưv seiz car câu lạc bộ heik gâux Soọng Cô thành phố Hạ long heik:

“ Cur pâuz lok six tsênhz mênhx ngênhx vênhx huôv heir nênhs no viv li cur vav xar njôngr tiêk, têx lâuk muôx six hơưv chiê kriê trâu chor tuz nhuôs tov kaz pâuz, thiêz por hưv tsês chiê suôz sênhr heik gâux Soọng Cô cov paz đros tuôr chiê tsi trâus pôngz plox”.

Nhiv no, têx lênhx nênhs pâuz heik gâux Soọng Cô tưz muôx tsi chôngz. Têx câu lạc bộ muôx tsi txâuk nênhs viv li tsi tâu côngz jênhv, tsuôk yuôr câu lạc bộ heik gâux Soọng Cô hâur phường Hà Phong ( Hạ Long) li tâu côngz jênhv zos Hội VN têx txux chi vênhx huôv trâur lâuk tỉnh Quảng Ninh câu lạc bộ nthuôr uô têx txux chi lov jêv. Zuôr txos no, câu lạc bộ heik gâux Soọng Cô Bình Dân ( Vân Đồn) zuôr tâu hội VN têx txux chi vênhx huôv trâur lâuk tỉnh Quảng Ninh côngz jênhv lok hnuz 18/11. Chiê por hưv, tuôr tsês chiê têx txux chi jông ntơư tsuv cxiz yênhx lix ntâu câu lạc bộ nthuôr uô cêr lov  jêv nhoz têx thax tsav, suôv qơư, iz chas ntơư nhênhz chơưv, cxiv sâu, uô uô cê têx txux chi heik gâux Soọng Cô shơư trâu têx tsaz yênhx nthuôr uô cêr lov jêv. Muôz zav txux chi vênhx huôv no tsưr tsix nthuôr uô tsi so trâu tsôngv box cxuô heir nênhs thax tsav tox siêz đêz đrôngs tâu seiz, pâuz txos. Uô li ntơư, suôz gâux Soọng Cô li tâu tuôr tsês, por hưv chiê hâur 54 heir nênhs VN luz nênhx vênhx huôv./.

                                         ( TTT-Riê Lâux cxeik-nhênhv) 

 

  

 

 

 

Phênhv “Cêr nênhx vênhx huôv jông” hnuz 14/11/2015:

Hêir nênhs poz ziz têx tsưr ziv choz kriê mê nhuôv

 

 

Hâur yênhx hnuz, hêir nênhs poz ziz, khênhr sir zôngv têx luk jông choz kriê cxuô lênhx mê nhuôv. Ntơư zos max mav hêik têx lo luk jông, huv đros cxuô lênhx mê nhuôv siêz nhiêv. Trơưk li zơưv Lường Song  Toàn, zos iz lênhx nênhs truôx siêz bo zok nriêr, khơưk tsês chiê hêir nênhs poz ziz têx cêr nênhx vênhx huôv jông hêik pâuz:

Băng: “Hêir nênhs poz ziz đrav ntêx têx lo luk hêik choz kriê mê nhuôv, zênhx tsik muôx iz lo luk chêv txos mê nhuôv ciês thiêz tsik muôz pak blơưv mê nhuôv ciês. Chor lâuk xav tiêk: Zos chêv mê nhuôv thiêz muôz pak blơưv mê nhuôv mak mê nhuôv zuôr pôngz plis, njux plis zuôr tsik đros tus mê nhuôv ntơư nhoz. Chênhr zos li hêik ntơư, chor lâuk hêir nênhs poz ziz đrav ntêx thiêx tsik chêv mê nhuôv, tsuôk zos kruôz kriê mê nhuôv trâu kror jông”.

Chor lâuk hêir nênhs poz ziz đrav ntêx têx luk choz kriê mê nhuôv, tsuôk zos hêik têx lo luk jông, cov cxuô lênhx mê nhuôv thiêx to tâuz thiêz pâuz tsênhz lok têx kror muôx liv hâur luz nênhx, hloz yênhx nênhs.

Băng: “Kruôz mê nhuôv txix thauav zâu, tsuv kriê têx cêr nênhx jông, lar hêik zos thâuv mê nhuôv tsênhv nox mor, tsuv hêik cov mê nhuôv jông siêz mê nhuôv thiêx nox mor tsâu. Lar hêik đuô, zos niêv txir tsuv uô jông hêik nziêk cov mê nhuôv mnôngs luk thiêz pauz tâu têx luôs hâux lưv jông, uô muôx liv trâu luz nênhx”.

Taz sik, hâur luz nênhx nhiv no, chor hluôk hêir nênhs poz ziz tưz tsik pâuz muôz têx lâuk đrav ntêx têx luk jông chox lok kriê trâu mê nhuôv. Têx cêr vênhx huôv jông ntơưv hêir nênhs poz ziz đrav ntêx tưz plox tas ntâu.

Băng: “Pir li cêr đaz cêr kruô mak chor hluôk nhiv no tsik muôx lênhx tưs pâuz thôngz; tsênhz mênhx zos tsik pâuz choz kriê mê nhuôv huôv tsar cêr uô nênhx li chor lâuk đrav ntêx. Cur xar, tsuv cơưv shâuv têx lâuk đrav ntêx têx luk jông chox lok kruôz kriê mê nhuôv cov tsiv txiêx, yênhx nênhs”./.

                                                                      (Hoài Thu-VOV4)