Jax sâu hnuz 19/9/2015:

Muk Đắc Lắc chiê nox siv hêir nênhs Ê Đê zav nox txir lưk iêz

Txir lưk iêz zos iz zav txir lưk kuk, muôx nhoz hâur têx jôngr xuz tsuôs, taz sik ho tâu hêir nênhs Ê Đê chox lok chos trâu têx vax chiê txi txir uô iz zav nox. Txir lưk iêz, zos iz zav zôngx ziv tsêz chos, tsuôk muôz nôngz tsêz trâu têx thax tsav ar nông cux tuôx, tov kaz 3 luz hli, tsoz txir lưk ntơư cux txi txir, jông đê chox lok nox. Chor txir lưk iêz ntơư, đê chox lok ciz kruôr lok sik ciz shơưk grêix cux tâu hur si. Thâuv hêir nênhs Ê Đê, đê txir lưk iêz chox lok uô nox tsuv muôx cxuô zav txux lov li: đok, kix, cuô txoz, jâuz txis thênhv, jâuz txis tâuv pax...chox lok shơư. Pos H Linh Niê, nhoz đrôngl Buôn  Ma Thuột hêik pâuz:

Băng: “Txir lưk iêz, zuk tsuv muôz fuô đruôz đraz lok sik fuô uô 4 txâux; thâuv zuk fuô cxôngr ntơư, tsuv muôz iz kro đêx shơư uô cuô njêr thiêz thâuv fuô tas ntơư, tsuv muôz hâu cov chor cuô txir lưk ntơư tsik yuô iêz. Đhâu ntơư mav muôz cxuô zav txux lov li: Blôngx jâuz txis thênhv, kix, đok chox lok đo shơư trâu”.

Nhiv no, txir lưk iêz zos hêir nênhs Ê Đê iz zav nox kaz hâur pluôk yêik, pluôk hmo thiêz muôx chôngz lênhx ntau tus nhiêv nox. Hâur ntu uô, tsuv muôz cxuô zav txux lov chox lok uô shơư cov huv đros, nox thiêx tsi yuô iêz thiêz nox thiêx kaz. Niêv lâuk H Lên Na-B ya nhoz đrôngl Buôn Ma Thuột hêik pâuz:

Băng: “Zav txir lưk iêz zos thâuv nox ntơư mêx njik iêz xưz. Taz sik nhiv no, cxuô qơư uô muôs zav nox, tsuv uô cov iêz mê njik, tsôngv kruô thiêx nox tâuk thiêz muôởưgêix buô tsuôr shơư txir lưk iêz chiê uô cuô jâuz hâuk cux tâu hur si. Ntơư zos zav nox tsôngv kruô nhiêv txos”.

Hâur ntu đrav ntêx, txir lưk iêz, tsuôk đê chox lok uô shơư njêk kruôr nox; taz sik nhiv no, txir lưk iêz ho muôz uo shơư grêix buô, grêix nhux nox cux kaz hênhr. Chênhr zos li hêik ntơư, nhiv no muôx chôngz lênhx ntâu tus nhiêv nox zav txir lưk iêz uô shơư grêix thiêz zos iz zav nox kaz nhoz thax tsav Tây Nguyên. Zơưv Vũ Hoàng Anh, nhoz đrôngl Buôn Ma Thuột hêik pâuz:

Băng: “Cur tưz nox ntâu jiês tsôngv box zav nox txir lưk iêz; thâuv nox ntơư mêx njik iêz, mêx njik njiv txoz thiêz nox kaz cơưs”.

Niêv tix Trịnh Thị Nga, nhoz Đắc Nông, zos jiês xuz thơưx tâu nox siv zav cuô jâuz txir lưk iêz hêik pâuz nzir:

Băng: “Thâuv zuk nhiv kruôr nox mak iêz thiêz njiv txoz, taz sik thâuv nox tas ntơư ho hnor kaz”

Thâuv nox sưv cux zênhx kaz thiêz iz cxiê lênhx cux hêik, zav nox muôz txir lưk iêz uô shơư ntơư, muôx têx jiês cux kho jông moz tso jik kaz jiz; tros maz, moz poz kix cxa; viv nox iêz cux zos iz zav jông yuôx thiêz zos hêir nênhs Ê Đê iz zav nox hâur pluôk yêik pluôk hmo./.

                                                                        (Đinh Tuấn)

Phênhv “Cêr nênhx vênhx huôv” hnuz 19/9/2015:

Tsôngv box Hmôngz tuôr chiê liêx tơư ntêir

Tsôngv box Hmôngz nhoz Mù Cang Chải li tsưr ziv uô liêx tơư ntêir txix fâuv nênhs no trâu fâuv nênhs tov kaz tsik txơưr ntâu luôx tưs. Uô ntêx, tsuv xêir thax tsav ar tsik yuô nxaz, muôx txâuk đêx. Thâuv luôx đrox tas, sêiz shuôk sêz zuôr uô li chak cov liêx tsik ndê tox, grêk har. Kror tsuv hêik, zos thâuv lơưr tsov uô liêx tơư ntêir, zênhx tsik muôz đaz tsi njuôk hlo, tsuôk zos kror muôs njiê chiê uô, taz sik chor jêk liêx ntơư lok six huv đros thiêz jông jav. Tix lâus Zax A Chu, nhoz xã Dế Xu Phình puz pâuz:

Băng: “Liêx ntêir mak txix thauv ntêx txos nhiv no cux uô li co, niêv txir kriê trâu chor mê nhuôs tsưr ziv uô. Uô liêx ntêir mak tsik cxơưx taz sik lok six phiv liv. Thâuv ntêx no chor lâul tsês tâu mê njik, nhiv no zuk uô tâu cxaz mê njik thiêz. Blêx cux txâuk nox hâur iz shông).

Iz huôv huyện Mù Cang Chải muôx 2.200 ntâu hec ta liêx tơư ntêir, muôx ntâu tiv zix nhoz La Pán Tẩn, Chế Cu Nha, Dế Xu Phình. 3 luz xã no muôx 500 ntâu hec ta liêx tơư ntêir, tâu tuôr chiê jông xưk li thâuv ntêx, tâu tso nhoz hâur qơư jông jav cấp têz qơưk shông 2007. Chiê tuôr chiê liêx tơư ntêir, chor xã ntơư puôr lênhx kruôz kriê tsưr ziv trâu pox nhuôs huôv tsar uô. Zơưv Hảng Xáy Chông, chủ tịch UBND xã La Pán Tẩn puz pâuz:

Băng: “Xã La Pán Tẩn muôx 100 ntâu hec ta liêx ntêir. Xã tsik so hêik pox nhuôs sơưr đơưk uô jông uô liêx, sêiz shuôk jông, tsik chiê phiv liv txos chor liêx ntêir hâur xã, chiê tsôngv kruô tuôx ntơưv no pov tâu pêx xênhv tưz tuôr chiê chor liêx li chak thiêz phưx vưv trâu tsôngv kruô tuôx ndis shuôk”.

Thâuv ntêx, tsôngv box Hmôngz nhoz Mù Cang Chải li chor liêx tsuôk uô iz chiv, nhiv no 2.200 ntâu hec ta liêx tơư ntêir tưz tâu uô oz chiv hâur iz shông. Liêx tơư ntêir nhiv no tưz tsik zos paz trâu pox nhuôs sơưr đơưk cxuôv cêr yêiz pluôs mak tsênhv paz uô du lịch, chuôz cxaz phênhv sâu tâu nhiêx txiêx trau ziv chuôz zis. Zơưv Lê Trọng Khang, phưv chủ tịch UBND huyện Mù Cang Chải puz pâuz: Đros sir jos uô cxaz chiv, huyện cux xav txos chuôz cxaz nzir uô liêx tơư ntêir:

Băng: “Nhiv no mak kriz phaz uô nzir liêx ntêir tâu xav jênhv cux tsuv muôx. Têx thax tsav sêiz shuôk haur cêv kuôk thiêz zos zuôr yưv pênhr uô tâu đêx liv chiê tok đêx lok mak pêz cux tsênhv xav thiêz cêv kuôk, kriz uô lơưr kror no, hok chor thax tsav tưz muôx mak tuôr chiê jông li co”.

Mù Cang Chải jiês no cux huv sơưr đơưk siêz nhiêv xar nriêr pâuz lok liêx tơư ntêir. Chor liêx tơư ntêir lok six jông gâux, jông jav nhoz sâuv têx ntar trôngz. Zos iz kror đuôz lok six jông gâux, jông jav tâu tsôngv box Hmôngz nhoz thax tsav no uô tâu./.

                                            (Đinh Tuấn-Ly cxêik-nhênhv)