Jax sâu hnuz xiêz 10/10/2015
Jok uô nuv Chăm Ninh Thuận bax tok
ntênhs hội Katê
Zos lênhx nênhs uô đrêiv hâux lưv xơưs pax ntâuz,
tsôngk trik yo Chăm Mỹ Nghiệp tâu ntêr shông, pos Thuận Thị Trào cêr shir phaz
yax hâur ntênhs hội Katê no zos jok têx lênhx nênhs uô pax ntâuz, xơưs tsôngk
trik yo Chăm tưz cxiv kho, uô đuô tâu 7 zav pax ntâuz lâuk thâuv ntêx chiê piêr
kriê trâu tsôngv kruô hâur thiêz đrâuv luôs 2 chas têz qơưs pâuz txos zuk thax
tsav qơư, heir nênhs têx pax ntâuz, tsôngk trik yo jông thâuk nzor. Ntênhs hội
Katê shông no, jok Mỹ Nghiệp tưz bax tâu 100 ntâu zav pax ntâuz, xiv huv muôx txâuk cxuô zav li:
Hnaz, yo, ba lô, ntâuz puô trôngx….chiê tok tsôngv kruô tuôx ndis seiz thiêz
zuôr. Iz chas ntơư, Mỹ Nghiệp tsênhv yưv pênhr cxiv kho đuô qar qơư muôs têx
xiv huv chiê phưx vưv tâu tsôngv kruô jông đuô hâur ntênhs hội Katê. Pos Thuận
Thị Trào-lênhx nênhs xơưs tsôngk trik yo nênhs Chăm Mỹ Nghiệp, xã Phước Dân,
huyện Ninh Phước, tỉnh Ninh Thuận heik pâuz:
Băng: “ Cur qơư uô
pax ntâuz xơưs tsôngk trik yo tsênhv bax têx xiv huv chiê tok ntênhs hội Katê
hâur shông 2015 zos têx huv yiêz, uô tâu jông yax chiê bax tok tsôngv kruô hâur
ntênhs hội shông no. Chor kruô tuôx ndis seiz, uô si hâur jok Mỹ Nghiệp lok six
chôngz, viv li pêz qơư uô têx pax ntâuz, tsôngk trik yo no tsuv bax cov tâu têx
xiv huv jông chiê tok ntênhs hội Katê shông 2015 no”.
Ntơưv jok uô nuv Bàu Trúc tsiv uô nênhs Chăm têx
trôngx tos, tưx têik, trax …., têx lênhx muôx txux chi, tsưr ziv jêik, uô tâu
jông têx xiv huv ntơư cux tsênhv zênhx max uô têx xiv huv heik sâuv chiê bax
tok nênhs Chăm ntênhs hội Katê thâuk nzor. Nhiv no, jok uô nuv Bàu Trúc muôx
200 ntâu ziv chuôz zis uô zav hâux lưv no, zaz zâuv tâu iz cxênhz ntâu lênhx
lox tôngv đros uô. Iz chas têx xiv huv uô thâuk nzor tâu tsôngv box sơưr đơưk
nhiêv zuôr txos li: têx đuôz tsas tsuô Chăm, đuôz pox niêv phuôz têik Apsara,
têx lênhx nênhs txơưx uô tsênhv xar tơưv tsiv uô têx trêr pax txêix jông…trâu
sâuv têx xiv huv chiê cov jông thiêz yiêz đuô. Pos Đàng Thị Phan-nhoz jok uô
nuv Bàu Trúc, xã Phước Dân, huyện Ninh Phước, tỉnh Ninh Thuận heik:
Băng: “ Vav chiê
siêz njôngr hâur ntênhs hội Katê no, uô li chas zuk têx xiv huv, jok têx
huv lâuk ntơư muôx ntâu tuk, chôngz
lênhx pâuz txos chiê zuk huôv tsar uô tâu jông đuô. Zos têx lênhx nênhs hâur
têz qơưs pâuz txos xưz, luôs 2 chas têz qơưs đrâuv pâuz tsi txos mak zuk tsuv
uô li chas cov jông đuô chiê tsôngv kruô sơưr đơưk đros pâuz txos, viv nênhs
saz têz qơưs đrâuv lơưr nhiêv têx pax ntâuz, tsôngk trik yo thiêz têx huv no
đuô”.
Hợp tác xã Chăm Bàu Trúc uô têx xiv huv lâuk thâuv
nzor tưz bax ntâu xiv huv jông chiê tok tsôngv kruô tuôx ndis seiz, uô si hâur
ntênhs hội Katê. Hâur ntơư, muôx têx xiv huv yiêz thiêz jông li: Têx têik pax,
12 tuk tsiêx, têx chuôz zênhx uô jông jav hâur vax tsêr, chuôz zênhx phưx vưv
hâur luz nênhx niêx hnuz….. Nhiv no tsôngv box xã viên tsênhv zênhx max uô cov tiêr têx xiv huv
jông thiêz yiêz chiê phưx vưv tsôngv kruô tuôx ndis seiz, uô si. Tix lâus Trần
Ngọc Minh Hoàng- iz lênhx kruô nhoz TP HCM tuôx ndis seiz, uô si ntơưv no shir
phaz heik:
Băng: “ Tuôx ndis uô
si ntơưv no, cur nhiêv yax zos têx đuôz tsêr Chăm, chiê uô tâu iz đeiv đuôz li
no muôx têx lok six phiv liv thiêz tas ntâu six hơưv, hnuz nhôngs uô, đhâu ntơư
pov tâu nênhs hăm lơưr lok six txơưx uô thiêz muôx txux chi tsưr ziv jông, viv
ntơư zos têx đuôz, chuôz zênhx lok six phiv liv uô tâu. Cur pov lok six jông
cơưk. Jâuv no tuôx ndis seiz uô si pov muôx ntâu kror jông thiêz pâuz tâu ntâu
zav lok nênhs Chăm têx txux chi vênhx huôv jông”.
Hơưv tok ntênhs hội Katê shông no, tsôngv box nhoz têx
jok uô nênhs Chăm têx nuv thâuk nzor Ninh Thuận ziv shir phaz đuô thâuv luz
nênhx iz hnuz tsar ndê jux juk, muôx hâux lưv uô truôx tuk. Thiêz đros lơưr
tsưr ziv, siêz xar, phưx vưv tsôngv kruô tuôx ndis seiz, uô si hâur ntênhs hội
Katê tsi tiêk zos cêr shir phaz mak ntơư tsênhv zos six hơưv chiê tsôngv box
piêr kriê jok Chăm têx pax ntâuz, txux chi vênhx huôv jông thâuk nzor hâur ntu
cxiv tsa jêx jok yiêz trâu tsôngv kruô sơưr đơưk pâuz txos./.
( TTTPHCM-Riê
lâux cxeik-nhênhv)
Phênhv “Cêr nênhx vênhx huôv” hnuz
xiêz 10/10/2015
Cxur ciz tox siêz Tây Bắc
Lơưr pox nhuôs mênhx cxưx Thái nhoz Nậm Có mak thâuv
ntêx, blêx tâu xêir chiê chox lok ciz cov gis zos blêx blâuv têz, viv chor blêx
no njiêr lox, khênhx, ho tsư kaz tros ntêr, blêx blâuv thiêz muôs. Nhiv no, tiv
pêx xênhv li zoz qơưx sir zôngv blêx blâuv muôx tsơưs, thax tsav blêx têz tsik
yuôr ntâu viv li nhiv no phênhv ntâu zos zôngv blêx blâuv tan lok sik Lương Phượng
chiê chox lok ciz, taz sik phênhv ntâu cux zos blêx blâuv tan.
Blêx blâuv tan mak lox, siz luôs, tâu chor gâux muôv
vir ndâuk sơưr đơưk xêir lok six jông, đhâu co muôz chox muk tsâu đêx xar muôx
3 hnuz, vov 3 txos 4 hnuz mav chox muk uô zuz, txos thâuv zuz muôx 3 txos 5
đêiv blôngx mav chox muk chos. Thâuv blêx cxơưr, tsênhv njuôz, taz sik njiêr
tưz pur siêr mak hlêik chox lok ciz. Niêv tix Lò Thị Phương, iz lênhx nênhs
tsênhv hluôk nhoz jok Có Thái, xã Nậm Có, huyện Mù Cang Chải tâu pos zơưs, niêv
txir kriê tsưr ziv uô blêx ciz hêik pâuz:
Băng:
“Blêx thâuv tsênhz njuôz, muôz xêik
tsênhv yuôr cuô mik, njiêr cux tsuv khor kho, lox thiêx muk hlêik lok chiê ciz
nox’.
Blêx mok tâu hlêik lok tso trâu hâur têx vaz jiêz
kruôr. Muôz têx luz ntiv hur trâu chor blêx, đhâu co chor blêx tâu tsôngr cov
hur si têx bluôs, gra chox muk ciz txos thâuv chor blêx tsư kaz, nox siv zos
cxur muôs blâuv mak nquôr trâu hâur vaz chiê cov txiêk đhâu co chox muk tuôr.
Niêv tix Lò Thị Hiền, nhoz jok Có puz pâuz nzir:
Băng:
“Tsik tuôr thâuv chor blêx tsênhv cuz,
tsuv chiê cov txiêk mav tuôr, cov chor cxur tsik siz lo. Tuôr iz mê njik ho muôz lok xuôk vaz tsôngr
chor xuô por tsês. Uô li co txos thâuv tâu chor cxur mav li tsês”.
Xã Nậm Có nhiv no muôx zuôr xar 240 hec ta thax tsav
chos blêx, hâur co thax tsav chos blêx blâuv tsav zuôr xar 50%. Chor shông
thâuv ntêx no, cxur ciz tsuôk zos uô trâu têx tuz nhuôs nox lok sik uô huv krưr
trâu tsôngv kruô. Oz pêz shông tror lok no, cxur ciz tưz tâu pox nhuôs uô ntâu
đuô chiê phưx vưv tsôngv kruô tuôx ndis shuôk. Thiêz chor cxur no tưz paz trâu
ntâu chuôz zis muôx nzir phênhv sâu. Iz zav li niêv tix Lò Thị HIền, nhoz jok
Có li chuôz zis muôx 2.000 ntâu yiv ndis liêx blêx. Đrâuv phênhv sâu iz tấn
ntâu blêx iz shông, niêv tix chuôz zis tsênhv muôx phênhv sâu txix uô cxur ciz,
tu zus tsiêx cxu, phênhv sâu hâur chuôz zis ziv hnuz ziv siêz đuô. Chiê tuôr
chiê uô cxur ciz tâu pos zơưs tsês chiê lok, niêv tix Lò Thanh Phương hêik:
Băng:
“Chiê uô tâu chor cxur ciz co tsuv muôx
chor uô niêv, uô pos li têx têk txơưx. Chor pos lâul uô tsik tâu lơưv mak zuk
zuôr sir jos uô chiê tuôr chiê chor cxur ciz njuôz jông, tsưz kaz no”.
(Nhạc
nền Thái….)
Nậm Có tsênhv txos chêix blêx siêr. Sâuv chor liêx
ntêir, blêx tưz trâur hnaz, njiêr tưz pur lox. Chor cxur ciz, tsư kaz no paz uô
trâu thax tsav tox siêz Tây Bắc jông gâux tâu sơưr đơưk nhiêv đuô./.
(Bích
Thủy-Ly dịch đọc)
Viết bình luận