Jax sâu hnuz 17/10/2015

Tuôr chiê hêir nênhs khơ mê vênhx huôv nhoz tsêr mov Dơi

 

 

(Nền nhạc)

Mênhx cxưx Khmer li têx suôz trax jông cxôngx nzor xưk li zos iz kror zaz zâuv tsôngv kruô nhoz cxiê qơư tuôx ndis shuôk ntơưv tsêr mnov Dơi, iz hâur têx qơư di tích lịch sử têz qơưk muôx lịch sử 400 ntâu shông no. Xưk li lênhx tưs cux tsês mê njik six hơưv chiê sêiz mnôngs chor suôz trax no thâuv txos ntơưv chor nênhs ntâuk trax. Muôx chôngz lênhx tsênhv lok six nhiêv thiêz.

Zơưv Phua Suông, đội tsar đội ntâuk trax puz pâuz, tâu yênhx lix txix shông 2009, muôx 9 lênhx nênhs cxaz chuôz, lơưr puôr lênhx zos nênhs lâul, iz lênhx nênhs tuôx txix iz kror qơư sik txơưr. Chôngz lênhx nhoz đêz muôx 10 cêik cêr tuôx ntơưv no. Iz lênhx nhoz iz kror qơư, taz sik muôx iz kror cxuô zos nhiêv trax. Txix co txos nhiv no, sơưr đơưk puôr lênhx tuôx ntơưv no chiê ntâuk trax phưx vưv trâu tsôngv kruô tuôx ndis shuôk. Zơưv Phua Suông puz pâuz:

Băng: “Nhoz Sóc Trăng mak cux muôx iz kror qơư lơưr yênhx lix đội trax cxôngx nzor no, taz sik tsik truôx. Lơưr tsuôk ntâuk thâuv muôx ntênhk hội, thâuv luôs hu muk ntâuk, iz shông tsuôk 1 txos 2 jiês. Hok pêz mak ntâuk yênhx hnuz txix thâuv 7 six 30 phênhz sơưr nzor txos 4 six zar zuôr tsâuk ntux, thâuv tưs tsik yuôr kruôk ndis shuôk lơưv mak pêz so”.

(Nền nhạc)

Zơưv Trà Vinh, lênhx nênhs hâur đội trax muôx hnuz nhôngs siêz tiv zix, shông no tưz muôx 87 shông, nhoz xã Tham Đôn, huyện Mỹ Xuyên puz pâuz, thâuv ntêx no, zơưv zos thành viên hâur iz đội nghệ thuật. Taz sik, tsik ntêr xưz đoàn tsik huôx tôngv lơưv, zơưv lok nhoz trâu Tham Đôn. Thâuv lâul, zơưv xar njôngr thâuv tưs cux tâu ntâuk chor trax no. viv li, thâuv tâu hu nhoz hâur đội trax chiê phưx vưv tsôngv kruô ntơưv tsêr mnov, zơưv tưz zênhv ciês.

Băng: “Cur cux tưz lâul lơưv, taz sik tsênhv ntâuk tâu mak đros sơưr đơưk ntâuk. Mênhx cxưx Khmer têx no tsik zôngx ziv muôx tâu, chor hluôk cux tsik nhiêv, tsuôk yuôr chor lâul li zuk lươuv xưz. Tsêr mnov muôx trax mak zuk yênhx lix đội chiê ntâuk, cur tuôx no ntâuk trax chiê kriê trâu chor nênhs tâu txơưx ntâuk, chiê têx suôz trax noz tsik trâus pôngz plox’.

(Nền nhạc)

Tưz tsik zos zơưv Trà Vinh xưz, mak chôngz lênhx nênhs hâur đội tưz zênhx zos chor nênhs nhoz hâur chor đoàn nghệ thuật thâuv ntêx, thiêz tsuv tas yênhx châuv cêik cêr lok ntơưv no chiê ntâuk trax.

Njiêz chor nênhs hâur đội li njêx muôs, pêz pov tâu lơưr li cêr shir phaz, tso siêz viv têx suôz trax tâu lơưr ntâuk tưz tâu sơưr đơưk nhiêv mnôngs. Taz sik lơưr li cêr shir phaz tiv zix tsik zos tâu ntâuk zuk mênhx cxưx li chor trax; mak zos tâu hêik tơưv zuk siêz nhiêv têx suôz trax no; gôngr phênhv tuôr chiê mênhx cxưx li têx vênhx huôv jông cxôngx nzor tưz tsik zos hnuz no xưz mak tsênhv zos trâu cxênhx hluôk tov kaz no thiêz. Zơưv Phua Suông hêik:

Băng: “Cur xar tuôr chiê tsôngv box Khmer li chax chês cxôngx nzor. Viv li cur sir jos tuôr chiê đội trax no; thôngx cxix zuôr thox cxov nzir nênhs nhiêv chor trax no, chor nênhs pâuz ntâuk taz sik tsik tâu txơưx mak zuk hêik lơưr tuôx ntơưv no chiê kriê nzir”./.

(Nền nhạc)

Đhâu 7 shông yênhx lix, ntâu tsơưs lok đội trax cux tưz muôx suôz bê txos têx thax tsav muôx zuk tsôngv box uô nênhx nhoz. Nhiv no, đrâuv ntâuk chiê phưx vưv tsôngv kruô hâur tsêr mnov, đội ntâuk trax nhoz tsêr mnov Dơi, Sóc Trăng tsênhv tâu chôngz nênhs hu muk ntâuk trâu têx ntênhk hội lok sik yôngz cok, đhâu co, gôngr phênhv  paz tax tâu tsôngv box Khmer nhoz no li siêz nhiêv mnôngs têx suôz trax co./.

                                      (TTĐBSCL-Ly cxêik -nhênhv)

 

 

 

 

 

Phênhv “Cêr nênhx vênhx huôv” hnuz 17/10/2015

Lov jêv nhoz ciêz Muổi Nọi

 

Ciêz Muổi Nọi tâu tsưr tsix uô tsi so lok hnuz thưr 4  thiêz hnuz ciêz hâur yênhx ciêz, tưz yênhx tsôngv box cxuô heir nênhs nhoz no iz phênhv hâur luz nênhx vênhx huôv. Ntênhs ciêz no khênhr tsưr tsix uô thâuv lok six nzor txix 4-7 six tas cik sơưr nzor, lok sik hâur têx hnuz ntênhs, hnuz tsiêz mak cux uô txos tar sur thiêx tas ciêz. Tsôngv box cxuô jêx jok tuôx no tsi tiêk muôs têx xiv huv mak tsênhv chiê tâu  siz njiz siz chuôs, sik cơưv shâuv têx tsưr ziv huôv tsar uô nox uô hâuk đros tsôngv cưr tix nênhx tsa, têx lênhx kruô nhoz đêz tuôx no uô ciêz, car ciêz. Hâur ntênhs ciêz no muôx lok six chôngz lênhx, ntâu tuk hnar têx chêr tsôngk trik yo yiêz tuôx car ciêz, muôs xiv huv uô lov jêv ntưk yênhx iz đeiv đuôz tox siêz muôx ntâu tsar zav jông. Niêv lâuk lò Thị Dớt, nhoz xã Muổi Nọi heik pâuz:

Băng: “ Iz jâuk muk ciêz mak muôx ntâu kror jông, cêr lov jêv, shir phaz. Shir phaz tâu tuôx ntơưv ciêz no, zos tâu njiz ntâu lênhx fôngx zưs, cưr tix nênhx tsa sơưr đơưk nhoz đêz, jê ntêr tsi tâu siz njiz siz chuôs, iz jiês txos ntênhs ciêz ho tror tâu tuôx siz njiz, sik thav pêv…”.

Têx xiv huv tâu tsôngv box sơưr đơưk gra tuôx muôs ntơưv ciêz Muổi Nọi no muôx lok six ntâu zav, lar heik zos têx xiv huv phưx vưv uô kôngz nuv, zav nox li: Njuôs, xaz txoz, điz, jâuz….puôr lênhx zos têx zav nox  kaz thiêz hur chênhr zos tsôngv box chos thiêz uô tâu. Muôx kênh lênhx tuôx car ciêz tsuôk gra iz tuk nhuôv buô, lok sik iz tuk keiz, cưr 2, 3 poz njuôs cux tuôx tơư 2, 3 châuv cêik cêr tuôx car ciêz, muôs huv thiêz siz njiz siz chuôs. Niêv lâuk Lò Thị Dớt heik kriê:

Băng: “ Pir li têx ciêz txơưr đuô mak ntênhs ciêz no lov jêv đuô, muôx ntâu lênhx tuôx muôs huv đuô thiêz cux muôx chôngz nênhs zuôr têx huv, têx xiv huv zuk muôs cux tâu đuô. Heik cxuô têx xiv huv muôs ntơưv ciêz no puôr lênhx zos têx huv zuk uô zuk, tsi zos gra têx huv ntơưv ciêz no muk muôs trâu luz ciêz tov. Tuôx no chiê muôs huv, tâu siz njiz siz chuôs, sik pâur têx xiv huv uz no….”.

Đros têx xiv huv muôx ntâu tsar zav jông thiêz cêr lov jêv li ntơư, ciêz Muổi Nọi thâuv tưs tưz muôx chôngz lênhx ntâu tuk nhoz đêz, jê tuôx no car ciêz,  muôs zuôr têx huv. Tuôx ciêz, lênhx tiz nênhs tưs cêr shir phaz, lov jêv đros tsôngv box ntơưv qơư, tuôx ntênhs ciêz no lênhx tưs tưz xeir zuôr tâu têx zav nox, xiv huv jông trơưk tsưr ziv thiêz siêz nhiêv. Niêv lâuk Nguyễn Thị Hoa, phường Quyết Thắng, TP Sơn la heik:

Băng: “ Cur tâu pâuz txos ntênhs ciêz no thôngz đhâu iz lênhx fôngx zưs heik kriê. Txos hnuz ciêz mak cur 2 niêv txir siz zâuv tuôx no car ciêz, viv ntơưv ciêz no muôx lok six ntâu zav xiv huv jông, tiv 2 zos têx zav nox, huv ntơưv hur, lơưr tsi tsuôs yuôx, viv li ciêz tưs cur 2 niêv txir cux siz zâuv tuôx ciêz chiê zuôr jâuz, zuôr têx xiv huv uz no”.

Ntênhs ciêz Muổi Nọi zos iz hâur têx  ntênhs ciêz muôx tsôngv box heir nênhs Thêir Sơn La tsar ntâu zav jông, tuôx no tsôngv kruô thiêx pâuz tâu têx txux chi vênhx huôv jông, zav nox kaz trơưk zuk tsưr ziv, siêz xar. Ntênhs ciêz tsi tiêk zos qơư chiê trâu zuôr muôs têx xiv huv mak tsênhv zos tsôngv box hâur jok thiêz têx jêx jok nhoz jê iz ndis ntơư hnuz hội lov jêv, tâu siz njiz siz chuôs. Chênhr viv li, ntênhs ciêz tưz tsês chiê ntâu kror jông trâu tsôngv kruô sơưr đơưk ndo njôngr hâur đruôz siêz tsi plox thâuv tuôx ndis seiz, car ciêz txos no./.

                                         ( Trấn Long-Riê Lâux cxeik-nhênhv)