Jax thưr 7, hnuz 12/9/2015

Bắc Kạn: Sir jos khơưk tsês chiê têx suôz sênhr heik gâux then, trax tính

 (Gâux then)

Gâux then zos zav sênhr suôz heik đros trax. 3 txox hluô trax jông xưk li zos niêv thiêz txir, ntux têx luk sênhr heik. Txơưv lâuk hluôk, hloz zâu, pox niêv txir nênhx, nênhs Tày, nênhs Nùng lênhx tưs tưz nhiêv mnôngs, uô siêz kâus lêik thâuv hnor txos têx suôz trax, suôz gâux sênhr heik ntơư. 

Lơưr chor lâuk piêr, muôx zơưv Xiên Cân tsi pâuz heik luk, taz sik ho  xar tơưv tsưr ziv jêis fluôx tâuz uô trax kox muôx 12 txox hluô, thâuv kox luz trax ntơư đror uô trâu lênhx tiz nênhs kho siêz khuôr, “njêl mnôngs njêl tuôs tas 9 ntu đêx, nak mnôngs nak cux đhiê tuôs tas 10 ntu jôngr, têx tuz nxeik hluôk mnôngs cux uô kho siêz jiv tsi xar muk uô nox”, viv li Huôz têik kâuv ntux thiêx muôz hlê tas iz cxiê txox hluô trax, chiê  tsês 3 txox li nhiv no.

Txơưv li ntơư, taz sik suôz trax cux uô trâu lênhx nênhs mnôngs siêz kâus lêik. Then zos ntux; Suôz gâux then sênhr heik đros trax đror zos lênhx nênhs txix thâuv nhiv kruôr sơưr lok uô nênhx hâur ntiêx têz no suôz sênhr heik chiê thor ntux paz trâu iz tsôngv lax pêx xênhv sơưr đơưk hâur ntiêx têz uô tâu nox tâu hnar, muôx luz nênhx tsâu sor, vav mênhx. Têx suôz gâux then no khênhr sênhr heik hâur têx ntênhs đơưk bê, kho moz, thor ntux paz tsôngv pêx xênhv uô tâu nox tâu hâuk. Jux juk gâux then cux tâu tso tsês tsi heik hâur têx ntênhs co, chiê sênhr heik trâu têx hnuz xênhz huôx vênhx huôv, nthuôr uô lov jêv, sênhr heik hâur têx hnuz muôx cêr shir phaz, siz njiz siz chuôs.

Tsôngv box Bắc Kạn heik gâux then  tsi thôngx li têx gâux then Lạng Sơn, Cao Bằng, Tuyên Quang; lơưr max mav lâus suôz heik sênhr zux zênhk. Lơưr khênhr heik tiêk, xar mnôngs thiêz pâuz tâu gâux then heik tâu jông li chas mak tuôx trâu pak đêx Ba Bể, thâuv blôngx shôngz blông ntông hlar njuôz xiêz chiê mnôngs têx tuz nxeik hluôk heir nênhs Tày kox trax, heik gâux then đror đros đêx ntưk, chuôz tuôx.

Têx jiês nthuôr uô cêr lov jêv nhoz Bắc Kạn thâuv tưs tưz muôx gâux then, trax tính. Nênhs Bắc Kạn khơưk tsês tâu truôx jông zuk têx txux chi vênhx huôv, chiê nthuôr uô cêr lov jêv trâu sơưr đơưk seiz thiêz pov hâur luz nênhx niêx hnuz. Lênhx nênhs nhiêv gâux then, tsi muôx lênhx tưs zuôr tsi pâuz txos zơưv Lưu Đình Bạo, nhoz xã Dương Quang, TP Bắc Kạn zos lênhx khơưk tsês chiê tâu gâux then, pâuz ntâu lok têx gâux then lâuk đrav ntêx, viv chuôz zis đhâu 8 tiêv lok zênhx đros đrêiv heik gâux then. Chuôz xênhv Ma nhoz xã Yên Cư, huyện Chợ Mới muôx 4 tiêv mak 3 tiêv nênhs puôr lênhx pâuz kox trax tính, heik gâux then.

Zơưv Ma Văn Vịnh, fâuv nênhs tiv 2, pâuz heik gâux then, txơưx kox trax tính heik:

Băng: “Cur pov nênhs Tày txux chi vênhx huôv heik gâux then lok six zuôr trâus tâu por hưv tsês chiê, viv li pêz xênhv Ma, cur shông no muôx 66 shông tsuv kriê trâu chor hluôk chiê lơưr pâuz heik, đros por hưv, tuôr tsês chiê. Chênhr li ntơư cur thiêx yênhx lix câu lạc bộ, hu zâuv chor lâuk tuôx shâuv, sênhr heik trâu sơưr đơưk mnôngs thiêz nhiv no cux muôx nzir têx jax yiêz tâu sênhr suôz heik, chor hluôk cux muôx tsưr ziv jông chiê xar tơưv têx jax gâux yiêz, pêz tsuv tror sir jos uô thiêz por hưv jông tsês têx suôz sênhr heik gâux then no”.

Chợ Mới, Ba Bể, Chợ Đồn….muôx 5, 6 kror qơư heik gâux then, nhoz no tsi zos têx lênhx txơưx xar tơưv, sênhr suôz heik tuôx xênhz huôx, jâuv uô cê siz shâuv heik mak tsênhv kriê trâu têx tuz nxeik hluôk siêz nhiêv, tsưr ziv heik gâux. Tsênhv qơư vênhx huôv tỉnh tsi so krêz lớp kriê heik gâux then hâur cheix ntux sor. Tsêr cơưv cxênhx iz ntơưv xã Chu Hương cux tưz muôz têx gâux then lok sênhr heik, kriê trâu shux xênhz cơưv. La Thị Anh, 22 shông, nhoz xã Đông Viên, huyện Chợ Đồn ho xeir muk cơưv heik gâux then trâu tsêr cơưv Cao đẳng vênhx huôv-Nghệ thuật Việt Bắc:

Băng: “Cur tưz shâuv heik gâux then ntơưv chor pos thiêz zơưs, txir hloz txir nzơưv, niêv hloz niêv  nzơưv hâur xã, hâur jok. Têx lênhx txơưx sênhr suôz heik ntơư tưz kriê, heik trâu zuk pâuz ntâu zav jông viv li cur lok six nhiêv têx cưr cxiêx lâuk đrav ntêx, suôz sênhr heik gâux then. Têx hluôk nhiv no, zuk vav xar njôngr cov tuôr tâu tsês têx  suôz sênhr, txux chi vênhx huôv jông ntơưv zuk qơư nhoz, sơưr đơưk sik đros por hưv tsês chiê, têx txux chi vênhx huôv jông ntơư thiêx tsi trâus pôngz plox”.

( Gâux then)

Gâux then Bắc Kạn nhiv no muôx đros đreiv luz nênhx hâur niêx hnuz, heik lok đảng, Lâuk Hôx , cêr uô nox uô hâuk…. Ngênhx vênhx huôv Bắc Kạn tưz nhênhz chơưv, muôz têx gâux then, trax tính lok sênhr heik, kox trâu tsôngv kruô sơưr đơưk mnôngs, sơưr đơưk seiz, yênhx iz zav xiv huv vênhx huôv jông thiêz muôx chôngz lênhx kruô ndis shuôs têz qơưs nhiêv txos. Hâur hnuz Hội vênhx huôv, thể thao thiêz ju lix  cxuô heir nênhs thax tsav Đông Bắc jiês tiv 9, zos tỉnh Lâm Đồng seiz car tsưr tsix txix hnuz 10-12/9, Bắc Kạn têx suôz gâux then, trax tính jông tưz tâu nthuôr uô cêr lov jêv trâu sơưr đơưk seiz, pâuz txos. Zơưv La Bảo Duy, tsar phòng Nghệ thậut, tsênhv qơư vênhx huôv tỉnh Bắc Kạn heik:

Băng: “Chiê bax trâu hnuz hội vênhx huôv, thể thao thiêz ju lix no muôx têx suôz gâux then Bắc Kạn, pêz tưz qênhz shuôs, xeir têx lênhx txơưx sênhr suôz heik, kox trax tính tuôx đros côngv cêr lov jêv. Cê nhênhz chơưv, zok nriêr têx lênhx nênhs muôx txux chi tsưr ziv jông chiê xar tơưv têx jax gâux yiêz, suôz sênhr heik yiêz…. Hu zâuv têx lênhx muôx suôz sênhr heik jông nhoz cxuô huyện tuôx đros cxaz chuôz. Sir jos cov muôx tâu têx suôz gâux jông đros côngv cêr lov jêv, chiê têx tỉnh Đông Bắc thiêz sơưr đơưk hâur tas nro têz qơưs pâuz txos Bắc Kạn têx suôz sênhr heik gâux then jông”./.

( Gâux then)

                                                (TTĐB-Riê Lâux cxeik-nhênhv)