Sơn La taz por đas jos trâu tsôngv box hâur jiês ntux no njiv

          Chuôz zis niêv lâuk Lèo Thị Thảo, nhoz jos Nang Phai, xã Mường Bú, huyện Mường La (SƠn La) têx hnuz đhâu muôx txos 3 lênhx nênhs puôr lênhx trâus moz gênhs tsuv muk tsêr kho moz chiê kho moz. Niêv lâuk Thảo pheiz kênh: “Ntux no njiv uô 2 tul mê nhuôk uô cuz ntâu, cur chox muk seiz njuôs thiêz zuôr yuôx hâuk taz sik tsi jông moz. Cur chox muk tsêr kho moz tỉnh chiê seiz njuôs thiêz tưz jông moz, tso siêz đuô. Hnuz đhâu cur cux chox cur txir muk tsêr kho moz iz ciêz viv siz mêx siêz, nhiv no cux jông thiêz tưz tâu tso lok tsêr”.

          Lơưr sâu jênhv, ntơưv têx qơư y tế nhoz tỉnh Sơn La, tiv zix zos têx huyện tox siêz li Mộc Châu, Vân Hồ, BẮc Yên…nênhs trâus moz tsuv tuôx tsêr kho moz chuôz ndê, phênhv ntâu zos nênhs lâuk, mê nhuôk zâu trâus têx zav moz khênhr njiz hâur cheix ntux no thiêz thâuv qiv hơưv txơưr txar li moz siêz plơưr, moz lok cêr uô pa…

          Thạc sĩ, bác sĩ Đỗ Xuân Thụ, Giám đốc tsêr kho moz đa khoa tỉnh Sơn La puz pâuz: hâur jiês ntux no njiv ntêr 10 hnuz nhiv kruôr đhâu, chungz fênhx iz hnuz tsêr kho moz tos 550 txos 600 lênhx nênhs tuôx seiz njuôs moz, kho moz thiêz muôx nhos 250-300 lênhx nhoz chiê kho moz ciês hâur tsêr kho moz: “Têx nênhs moz trâus têx zav moz muôx lênhx coaz txos qiv hơưv txơưr txar chuôz ndê, phênhv ntâu zos moz hnhar, hâur co muôx ntâu lênhx tsuv chơưv kho ntơưv khoa chơưv kho chuôz cxaz đas jos. Pêz cux heik tsôngv box tsuv tuôr cov luz chêr sor si, tiv zix zos nênhs lâuk thiêz mê nhuôk zâu; nox hâuk txâuk tsơưr pưr, muk đrâuv jôngr tsuv chox đeiv bos kror ndâux, tiv zix zos têx hnuz ntux no njiv tsi cxoz tơưv đrâuv jôngr ntâu zos tsi muôx hâux lưv tưs zuôr trâus”

          Txix njuôs pov têx hnuz zuôr txos, sâuv thax tsav tỉnh Sơn La tror muôx ntux no njiv, jêx tưv grês kis txix 12-14 tưv, nhoz tox siêz kis đuô 10 tưv, jêx tưv đruôz hnuz thiêz hmo ntux chuôz ndê thiêz txu grês siêz, nhoz têx qơư y tế nhoz SƠn La tưz chuv tôngv uô têx tsưr ziv tsoz phưz đas jos trâu nênhs moz, li taz por pav sor, tênhz tơưk uô cov sor ntơưv têx qar fuô moz, chơưv paz, qar trâu mê nhuôk mos….Thôngx cxix yax mông, heik kriê tsôngv box chuv tôngv phax tar ntux no đhâu têx kênh thôngz xor mông. Zơưv Trần Thanh Bình, Phưv giám đốc Sở y tế SƠn La puz pâuz: “Nganhx y tế Sơn La tưz chox kriê têx qơư seiz njuôs moz bax jông lok cơ sở cxuô zav li txax trâu nênhs moz, yuôx truôx siêz kho moz trâu nênhs moz. Tiv zix pêz heik têx qơư seiz njuôs thiêz kho moz, tsuv seiz njôngr jông têx lênhx nênhs moz njưk cheix ntux no viv moz huôv sei zos tsi ciêr chênhr chơưv kho mak zuôr uô moz hnhar. Đros chinhz yênhx li ntơưv, txos nhiv no, têx qơư y tế puôr lênhx tuôv zênhv zoz qơưx seiz njuôs thiêz kho moz trâu tsôngv box”.

          Zơưv Trần Thanh Bình cux heik, đrâuv nganhx y tế li sir jos, tsonogv box cux tsuv muôz siêz jênhv pâuz por vêv zuk thiêz têx lênhx nênhs cxênhz jê li đas jos, tiv zix zos thâuv zuôr txos tsiêz têz qơưk, chiê taz por cxuô lênhx nênhs, cxuô chuôz zis puôr lênhx tâu tos iz luz tsiêz sor si, lov jênhv thiêz muôx jông đas jos./.

Trấn Long-Txâur Vax cxeik nhênhv