Tsoz ntông Mày Noọng paz trâu px Púng Nghịu tsưx phưv truôx jôngr ntông

          Tsoz ntông lâuk hêir nênhs poz ziz hu uô “Mày Noọng”, siêz muôx yênhx châuv thiêr thiêz lox, 3 lênhx nênhs buôs cux tsik tas, tâu tsôngv px jos Púng Nghịu tik bê hu uô “Tsoz ntông mur ntaz”, sâuv tsoz ntông  ntơư muôx xar nto puô xuz ntaz lok nhoz đêi trơưk têx chês ntông thiêz iz cxiê xuz huôv vav lox xưk li luz trôngx trâu mor.

          Pêz chor sâu xor xưv muk sêiz shuôk tsoz ntông hêik sâu, tâu zơưv Tòng Văn Tính, 75 shông, nhoz jos Púng Nghịu cux hêik pâuz tiêk: Txix thâuv zơưv Tính lok nhoz trâu jos no shông 1974, tưz zênhx pov muôx tsoz ntông thiêz pov muôx ntâu xuz ntaz lok nhoz iz zav li nhiv no. Thiêz chor lâuk zênhx xênhz txơưv uô nênhx lox hloz hâur luz jos no cux tsik pâuz shor tsoz ntông thiêz cxuô xuz ntaz ntơư muôx thâuv tưs lok cux tsik muôx lênhx tưs pâuz. Thiêz txos shông 2017, px tưz cxiv uô qơư txi côngv tsoz ntơư co chiê tsôngv px sđ khưr tâu nox tâu hnar, njiz ntâu cêr vav mênhx hâur luz nênhx. Zơưv Tòng Văn tính zos iz lênhx lâuk nhoz  hâur jos hêik pâuz:

          “Tsoz ntông Mày Noọng no, 3 shông pêz px txi côngv iz jiês; tsoz ntông co mak lox hênhr thiêz muôx ntâu xuz ntaz lok nhoz đêiv trâu têx chês sâuv tsoz ntông; njuôk xav mak muôx 50-60 xuz ntaz. Hâur ntu zuôr txos no, pêz cux tsênhv zuôr tror tsưx phưv cov truôx tsik chiê px ruôr ntor por tsês”

          Trơưk li px hâur jos hêik pâuz, hâur ntu đrav ntêx, cux muôx oz tsoz ntông chám thiêz mo môngk kuk nhoz chis ntơư, muôx ntâu xuz ntaz lok noz, taz sik nhiv no oz tsoz ntông co tưz lâuk thiêz tuôs tas; nhiv no tsuôk yuôr tsoz ntông Mày Noọng no. Thiêz tsoz ntông thiêz cxuô xuz ntaz co tưz tâu tsôngv px hâur jos tsưx phưv jông tsik ruôr ntor por tsês. Zơưv Tòng Văn Duyên, iz lênhx px hâur jos hêik pâuz:

          “Px hâur jos sêiz tsoz ntông no zos iz tsoz ntông tsiv grê, muôx liv đros trâu tsôngv px sđ hâur jos luz nênhx thiêz tâu px tsưx phưv truôx”

          Nhiv no, tsoz ntông Mày Noọng đros trâu cxuô xuz ntaz, tâu tsôngv px sêiz car truôx. Têx jiês muôx chuô lox njơưx, uô trâu iz cxiê xuz ntaz ntêik pôngz, px muk khơưk chox lok tso tâu yênhx châuv lir jiz ntaz. Lar hêik zos tsoz ntông no cux cxươz cxiz tâu px hâur thax tsav tsưx phưv tâu truôx jôngr ntông nhoz thax tsav ntus đriv VN-Lok Tsuôk tsik traus ruôr ntor por tsês./.