PHÊNHV ĐÊX HUR

Nus: Đêx huv vêv xênhz zos li chas?

Têz: Đêx huv vêv xênhz zos đêx hur zôngv ciês tâu lok sik đhâu thâuv liv tâu: Chor đêx ntơư nyiêz, tsi tsư nxiêz (lơưr Bộ kôngz nuv thiêz huôv tsar nôngx cxênhz li Cuiz tênhv số 2570/QĐ-BNN-TCTL hnuz 22/10/2012 lok hâux lưv thôngz đhâu Bộ li têx ntâuz ntơưr heik kriê, krêz uô luôs hâux lưv seiz shuôk, ntâuk grê lok đêx hur thiêz vêv xênhz tênhx qơư).

          Nus: Đêx huv vêv xênhz pok zôngv tâu chiê uô jâuz mor nox?

          Têz: Đêx huv vêv xênhz zos đêx tsi tsov lơưr lok ploz tsênhr njuôs siv.

Đêx sir zôngv chiê xênhz huôx, tsuv tax QCVN 02:2009/BYT.

Đêx sir zôngv uô jâuz mor nox tsuv tax QCVN 01:2009/BYT.

          Nus: Đêx hur thiêz đêx huv vêv xênhz chor đêx tưs jông đuô?

          Têz: Đêx huv vêv xênhz tsuôk njiê pov seiz hur lok sik tsi hur, tsi njuôs siv lơưr têx ploz tsênhr. Viv li, đêx huv vêv xênhz tsuv njuôs siv cxaz chiê xav tênhv tsưr ziv sir zôngv (uô jâuz mor nox lok sik xênhz huôx)

Đêx hur zos đêx muôx tas nro têx ploz tsênhr tsi hla đhâu Cui tênhv hâur Thông tư 05/2009/TT-BYT tso tơưv QCVN 02:2009/BYT. Viv li, chiê ntâuk grê lok đêx hur, tsuv njuôs siv têx ploz tsênhr lơưr QCVN02/2009/BYT.

Li ntơưv, đêx hur jông đuô viv tâu ntâuk grê taz por trâu tsưr ziv sir zôngv hâur xênhz huôx niêx hnuz.

          Nus: Tsuv uô li chas chiê por vêv hâur đêx, kror đêx cxơưr?

          Têz: Tsi ruôr ntor têx shôngz ntông nhoz thax tsav hâur đêx, tsuv por vêv hâur đêx.

Por vêv tênhx qơư iz buôk ndis li: tsi por têx vuôz tsuôz kiêk nênhs trâu cxuô qơư, tso đêx kiêk nênhs trơưk cui tênhv; tsi zôngv têx yuôx por vêv đrox tsuôk, đêx kiêk nênhk công nghiệp tso lok hâur tênhx qơư...

Nus: Cur chuôz zis tưz tâu cungz đêx hur. Taz sik, chiê cxênhx txuôk nhiêx txiêx, cur zôngv kror đêx cxơưr chiê xênhz huôx pok tâu?

Têz: Zôngv tâu đêx hâur kror đêx cxơưr chiê xênhz huôx thâuv đêx hâur chuôz zis li kror đêx tưz tâu yưr lir tax têx ploz tsênhr đêx xênhz huôx.

Taz sik, li nhiv no, nganhx y tế heik pox nhuôs tsuv zôngv đêx hur tâu chiz coaz muôx txơưx jênhv seiz car, coar lik, cê taz por đas jos trâu tsôngv box, cê por vêv tênhx qơư, cê por vêv hâur đêx cxơưr thiêx muôx txâuk đêx hur trâu tsôngv px sđ sir zôngv hâur luz nênhx niêx hnuz./.

(Tuyết Lan-Txâur Vax cxeik nhênhv)