Têx zuôr tsuv pâuz đhâu cxax yuôx vắc xin Covid-19

Iz cxiê têx sđ khênhr njiz trâul đhâu cxax tas, co zos: Ntơưv chax baz, kror grêix cxax yuôx ntơư: Moz, o, liêz.

Lênhx nênhs co gênhk, moz têx grêix iz chêr, uô cuz uô no, moz tâuz hâu, xênhr siêz, xar ntuôr…. No zos têx jông, tsi uô ruôr hiêv li chas txos đas jos, viv thâuv co têx yuôx tsênhv thơưv jux juk trâu zuk luz đros chêr chiê tir thêir caz moz Covid-19.

Têx muôx yưv heik sâu jông xưk li uô khâuz thuôs thiêz muôx têx uô tuôr thênhv txos sđ têx hâux lưv, cêr xênhz huôx hâur niêx hnuz, taz sik tsuôk moz thiêz gênhk li heik ntơư hâur iz, oz hnuz xưz zuôr jông jux juk. Têx muôx moz yưv li heik tas co zos iz kro jông, tso pov yuôx vắc xin tsênhv paz lênhx nênhs luz đros chêr muôx nzir đas jos tir thêir moz Covid-19. Muôx ntâu lênhx đhâu cxax tas, lơưr tsi thor jông nhoz viv uô cuz uô no lok sik moz tâuz hâu, ntuôr……., no zos têx khênhr njiz trâul, taz sik tsi uô ruôr hiêv li  chas txos đas jos.

Têx luk jông kriê trâu sđ pâuz: Zos sđ đhâu cxax tas ho moz li uz li no lok sik tsi thor jông li heik sâuv, tsuv hu nus chor nênhs tsoz phưz đas jos, cưk yuôx chiê tâu heik kriê têx tsưr ziv sir zôngv yuôx, iz zav li: yuôx acetaminophen lok sik ibuprofen.

Chiê txo grêk tsơưs têx moz li heik sâuv thiêz kror côngz cxax tsi yuô moz hênhr: Sđ muôz iz txox fuôv hur, ntuz đêx txiêk lol buôz trâu kror côngz cxax; max mav muôz cxeik têk cxax co kox, tsa muk tsa lok cov muôs.

Chiê txo grêk tsơưs cov tsi yuô uô cuz uô nox lox: đhâu cxax tas tsuv hâuk ntâu đêx, hnar têx tsôngk tril yo nhiêk.

Nhạc cắt

Thâuv tưs thiêx zuôr tsuv hu bác sĩ, cưk yuôx?

          Tsuv hu trâu bác sĩ, cưk yuôx zos kror grêix côngz cxax co liêz ntâu jux juk, lok sik moz hênhr cor tsi tâu hlo đhâu iz hnuz iz hmo cxax tas.

Zos têx moz muôx yưv iz zav li: Uô cuz uô no, moz tâuz hâu, xar ntuôr….. đhâu 2, 3 hnuz cxax tas yuôx phax phôngz moz Covid-19, zuôr paz lênhx nênhs co tsi trâul cik caz moz Covid-19.

Zos sđ muôx đaz tsi xar nus txos lok sâuv đas jos đhâu cxax tas yuôx phax phôngz moz Covid-19, tsuv hu ciês trâu cưk yuôx lok sik chor nênhs uô luôs hâux lưv tsoz phưz đas jos./.

                                               (Bích Thủy KT-Riê Lâux cxeik, nhênhv)