Zos iz hâur 10 qơư du lịch jông tiv zix Đông Nam Á thiêz iz hâur 50 qơư jông jav tiv zix châu Á, thax tsav qơư du lịch têz qơưk Sa Pa-Lào Cai tưz tsik zos tâu tsôngv kruô nhiêv tiv muôx têx đrox tsuôs chiv xênhz jông, mak tsênhv zos muôx ntau vênhx huôv jông đros du lịch côngv thôngx. Shông 2023, thị xar Sa Pa tưz tok tâu xar muôx 3,7 triệu lênhx kruô, đros tas nro phênhv sâu txix du lịch tâu muôx 12.700 tiv đêiv, tror chuôz ndê pir li shông uô ntêx. Sa Pa sir jos hâur shông 2024 zuôr zaz zâuv 4,5 triệu lênhx kruô, phênhv sâu tâu muôx 15.500 tiv đêiv. Hâux lưv sir jos huôv tsar du lịch côngv thôngx đros nriêr pâuz vênhx huôv tsôngv box cxuô mênhx cxưx, đros muôx ntâu zav du lịch txơưr zuôr paz trâu Sa Pa kriz uô tâu tsưr ziv tso tơưv. Zơưv Đỗ Văn Tân, Phưv Chủ tịch Ủy ban thị xar Sa Pa puz pâuz: “Sa Pa tsênhv sir jos kriz uô têx zav du lịch. Pêz tưz muôx du lịch nriêr pâuz vênhx huôv đros du lịch côngv thôngx, têx zav du lịch nriêr pâuz, du lịch thể thao, du lịch đrox tsuôs chiv xênhz đros du lịch nriêr pâuz têx vax yuôx đrox njuôz, huôv tsar chor du lịch nhoz so. Kriz uô têx kror liv lok vênhx huôv phưx vưv huôv tsar du lịch”./.

Bích Thủy-Lik Thox cxêik nhênhv

Chiê uô têz qơưk tsaz yênhx lơưr Thủ tướng Chính phủ li Quyết tinhv 1719, 2 shông đhâu tỉnh Sơn La tưz fuô uô 14 dưv anr  cik txos yưv pênhr cxiv uô yiêz, lok sik kho đuô, cxaz nzir têx côngz trênhx trâu chor tsêr cơưv phổ thông dân tộc têz qơưk zus mor đros thiêz pênhr nhiêx uô tas xar muôx 90 tyv đeiv. Co zos têx pênhr lok six jông thiêz muôx liv chiê paz ngênhx zoz zux ntơưv qơư no taz por tsơưr lươngv zoz zux, cux li têx pluôk nox trâu shux xênhz heir nênhs tsơưs./.

Quốc hội TV-Riê Lâux cxeik, nhênhv

Phòng Cảnh sát Kinh tế sik côngv đros Đội sêiz car ciêz đrôngs sôr 1 (Lai Châu) thiêz Công an huyện Mường Tè uô jênhv vưv ntơưv txox cêr nhoz thax tsav jok Thò Ma, xar Pa Vệ Sủ nhiv kruôr pov, cxov tâu Pờ Và Hừ, zus shông 1994, nhoz ntơưv xar Pa Vệ Sủ, huyện Mường Tè chêix yêz mêir thâux đros 2 hnaz tsax hax huv xar tiêk zos hax huv txưr. Lưx lươngv muôx vax huôv tưz hêik cov đrêk yêz chiê qênhz yuôx, pov hâur 2 luz hnaz co muôx ntâu fov ntơưr hnhar muôx 20 cir, puôr lênhx lo têx ntơưr saz đrâuv têz qơưk. Hừ hêik tiêk, tas nro chor fov ntơưr co zos muk zuôr saz Trung Quốc lok Việt Nam chiê muôs thiêz sir zôngv./.

Khắc Kiên-Lik Thox cxêik nhênhv

Nhiv kruôr đhâu, Phongx phax tar zax zênhz thiêz têx lênhx nênhs uô cxâuv chei têz qơưk đros Zênhx Pênhz phax Trôngx đriv Huổi Puốc, Bộ Chỉ huy tuz lênhv pênhz phax tỉnh Điện Biên uô hâux lưv ntơưv jok Noong É, xã Mường Lói, huyện Điện Biên qênhz pov Lò Phăn, xênhz 2006, nhoz ntơưv jok Na Ún, thax tsav Na Son, huyện Phôn Thoong, tỉnh Luông Pha Bang, Lào muk tơư txix đriv têz Lào lok hâur Việt Nam. Đhâu qênhz yuôx, Lò Phăn gra muôx 4 cxênhz njiêr yuôx shơư zênhz thiêz krêz lênhk tiêk, chor zax zênhz co zos nưk muôz yêz meir pâur lok chiê gra tuôx muôs trâu saz Việt Nam. Nhiv no txuz nuv co tsênhv tâu tror qênhz yuôx, uô tsênhz mênhx./.

Vũ Lợi-Riê Lâux cxeik, nhênhv