Têis cik 14/9, ntơưv tỉnh Yên Bái tưz tsưr tsix jiês cơưv Đoanx Chủ tịch Ủy ban Trung ương Mặt trận Têz qơưk Việt Nam njiz tsôngv box cxuô mênhx cxưx tsơưs nênhs thax tsav trung du thiêz tox siêz Bắc Bộ shông 2023. Hêik ntơưv jiês cơưv, Bí thư Trung ương Đảng, Chủ tịch Ủy ban Trung ương Mặt trận Têz qơưk Việt Nam Đỗ Văn Chiến hêik mênhx: Đảng thiêz Têz qơưk, tsik so zos cấp ủy, chinhr quyền ntơưv qơư sir jos tsov cưv txos huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz li: cêr cxuô zav, tênhv tênhz, zoz xux, thox cxov, y têr. Thôngx cxix tso tơưv ntâu tsênhv chêi paz trâu huôv tsar kinh têr, txo grêk yêiz pluôs, gra siêz luz nênhx cxuô zav trâu pêx xênhv, hâur co muôx hâux lưv kriz uô chor Tsaz yênhx tsưr ziv têz qơưk. Chủ tịch Ủy ban Trung ương Mặt trận Têz qơưk Việt Nam vav tiêk pox nhuôs sir jos sik côngv siêz, thôngx siêz, njênhs njôngr trâu Đảng thiêz Têz qơưk; cấp ủy chinhr quyền ntơưv qơư li lênhx tov; uô jông lơưr Đảng thiêz Têz qơưk têx cêr chêi; phuôx huiz pênhr jos, sir jos, sik paz chiê huôv tsar kinh têr, txo grêk yêiz pluôs./.

Đinh Tuấn-Lik Thox cxêik nhênhv

        Nhoz hâur têx xor xưv hơưv chiv nhênhv 20 shông pheiz, yênhx lix tỉnh Lai Châu (01/01/2004-01/01/2024), Hội ciêz Công thương thax tsav Tây Bắc-Lai Châu 2023 nhoz hâur têz qơưk tsaz yênhx lok cxiz muôv muôs zos Ủy ban tỉnh Lai Châu thiêz Bộ Công thương sik hux jos chox kriê zuôr tâu uô txix hnuz xiêz 05-11/10/2023 ntơưv TP lai Châu, tỉnh Lai Châu. Hội ciêz co muôx 229 qar qơư muôs huv, đros thiêz tsưr ziv cxiz muôv muôs chor tỉnh hâur thax tsav Tây Bắc heik taz thiêz tas nro têz qơưk heik cxuô têx xiv huv. Iz chas ntơư, chuôz tsar sik côngv thax tsav, cxiz tỉnh Lai Châu thiêz chor tỉnh, TP hâur tas nro têz qơưk sik hux jos huôv tsar kinh tế; hu zâuv yưv pênhr uô, muôv muôs, ju lix trâu tỉnh Lai Châu thiêz têx tỉnh thax tsav Tây Bắc./.

VOV4-Riê Lâux cxeik, nhênhv

             Cxuô cấp, nganhx, thax tsav qơư nhoz Lào Cai tsênhv sik côngv paz trâu pox nhuôs xar Liên Minh, thị xar Sa Pa đhâu jiês trâus đêx cuôr yôngz hmo 12/9. Lơưr zơưv Vần Xênhv Zax, Chủ tịch Ủy ban Mặt trận Têz qơưk Việt Nam tỉnh Lào Cai, đhâu ciês trâus đêx cuôr yôngz, đros chox kriê qênhz shuôk têx trâus hiêv, Mặt trận têz qơưk tưz heik sơưr đơưk sik côngv têk paz trâu pêx xênhv qơư trâus ruôr hiêv. Thôngx cxix, kriz uô têx jênhv vưv lơưr Chủ tịch Ủy ban tỉnh Lào Cai li Cuêz tênhv hêik pâuz qênhx shênhx sêi hâu  tsu uô chá cov tâu truôx luz nênhx tsâu sor .  đrơưv lok ntux têz ruôr hiêv đros thiêz Sa Pa. Cxuô cấp, cxuô nganhx, thax tsav qơư nhoz Lào Cai cux tuôx paz trâu qơư trâus đêx cuôr yôngz txix ntâu kror hâux lưv uô tsênhv tsênhz li paz nhiêx txiêx, chuôz zênhx cxuô zav trâu pox nhuôs; paz chor jâuz mor nox tsik tas nhiêx txiêx trâu lưx lươngv chơưv paz tsênhv uô hâux lưv chơưv paz trâu thax tsav qơư no… Zơưv Nguyễn Đức Khoa, Phưv chủ tịch Hôiv Chữ thập đỏ tỉnh Lào Cai puz pâuz: “Hôiv Chữ thập đỏ tỉnh paz 3 triệu đêiv iz lênhx nênhs tuôs, 1 triệu đêiv trâu iz lênhx nênhs trâus saz. Hok Hôiv Chữ thập đỏ thị xar cux paz 2 triệu đêiv iz lênhx nênhs tuôs thiêz 1 triệu đêiv trâu iz lênhx nênhs trâus saz. Zuôr tror muôz nzir Hôiv Chữ thập đỏ Trung ương li 9 kror paz, iz kror 5 triệu đêiv trâu iz lênhx nênhs trâus tuôs thiêz plox mông”./.

An Kiên-Lik Thox cxêik nhênhv

            Thôngz sâu tso pov, coz nas chuô lox hmo 12/9 tưz uô ruôr hiêv tas ntâu têx qơư tu zus njêl đêx txiêk hâur xã Liên Minh, thị xã Sa Pa, tỉnh Lào Cai. 60 ntâu qơư huôv tsar tu zus njêl đros thiêz 600 ntâu qơư zus njêl tầm, njêl hồi trâul uô ruôr hiêv, xav têx trâul uô hiêv tas muôx 250 tyv đeiv. Xav kror đruôz đraz iz qơư zus njêl trâul ruôr hiêv tas 4 tyv đeiv thiêz iz qơư tu zus tsơưs tas muôx 400 tsov đeiv. Tsi tsơưs ziv chuôz zis pêx xênhv lơưr kêr txeik pênhr nhiêx têz qơưk chiê huôv tsar uô qơư tu zus. Thôngz sâu txix hâu nov ntơưv qơư cux tso pov, tas nro thị xã Sa Pa nhiv no muôx zuôr xar 400 qơư tu zus njêl tầm, njêl hồi, zos qơư tu zus têx njêl đêx txiêk ntâu đuô hur si hâur Lào Cai. Luôs hâux lưv uô co gra lok phênhv sâu tâu trâu Sa Pa, xav hur si iz shông muôx 120 tyv đeiv. Trơưk li zơưv Trịnh Xuân Trường, Chủ tịch Ủy ban tỉnh Lào Cai, đhâu coz nas lox no uô ruôr hiêv, tsuv tror muôx tsưr ziv đơưk uô huv đros đuô trâu ntux têx txơưr txar phiv liv nhiv no: “Hâur ntu zuôr txos, tỉnh cux zuôr sir jos uô luôs hâux lưv qênhz yuôx, qênhz shuôs đuô hur si cxuô tsar zav, uô li chas cov cê taz por tâu huôv tsar kinh tế, krêz uô têx muôx liv, taz sik cux cê truôx tuk, huôv tsar uô tâu truôx”./. 

 An Kiên-Riê Lâux cxeik, nhênhv