Côngz xưv sêiz car ciêz đrôngs, taz por ngaz tuk zav nox jiês Tsiêz Trung thu tsênhv tâu cxuô nganhx, thax tsav qơư nhoz Lào Cai sir jos kriz uô. Têx hâux lưv uô tsêx trung trâu yax kriê Chiê Ngaz tuk zav nox đros têx txux chi phax tar trâus tưx zav nox; chuôz cxaz yax kriê têx qơư uô, kinh doanh zav nox; njuôk shuôk têx hax huv tưz tâu hêik pâuz… Lào Cai cux yênhx lix 3 đoanx liên nganhx cấp tỉnh muk qênhz yuôx chuyên đề lok ngaz tuk zav nox. Zơưv Nguyễn Văn Thái, Phưv Đội trưởng Đội Sêiz car ciêz đrôngs sôr 3-Cục Sêiz car ciêz đrôngs tỉnh Lào Cai puz pâuz: “Txix ciês thâuv hâur hlik hli 8, uô lơưr Cục Sêiz car Ciêz đrôngs tỉnh Lào Cai cux li cxuô cấp, pêz tưz cxiv tsa tsưr ziv chiê sik côngv truôx đros chor nganhx li Công an, Y têr muk qênhz yuôx chor hax huv phưx vưv Tsiêz trung thu, tiv zix zos chor hax huv zav nox, đêx hâuk, cuô mik, nduôr thax”./.

An Kiên-Lik Thox cxêik nhênhv

          Hâur têx hnuz 16-18/9 UB huyện Mù Cang Chải (Yên Bái) sik côngv đros Công ty cổ phần du lix thiêz thiv thao Viên Nam tsưr tsix Festival cheix câuk za shông 2023. No zos iz hâur têx huôx tôngv nhoz hâur têx huôx tôngv ju lix cheix blêx siêr shông no. Huôx tôngv no tsi taz zaz zâuv chôngz têx lênhx nênhs cheix câuk za cxaz chuôz mak tsênhv zos jiês chiê yênhx cxênhz lênhx tsôngv kruô thiêz tsôngv box tiv phaz tâu seiz cheix câuk za. Festival tsưr tsix sâuv trôngz Khau Phạ, zos iz qơư cheix câuk za jông tiv zix Việt Nam. Tsôngv kruô zuôr tâi seiz lơưr cheix câuk za siêz 2 cxênhz txos 3 cxênhz yiv ntâu. No zos jiês têx lênhx nênhs cheix câuk za tso pov zuk li pênhr xưv thâuv za. Đrâuv seiz lơưr cheix câuk za, tsôngv kruô tsênhv tâu cheix siv. Festival tso tsês hâur tsôngv kruô siêz lok iz tox siêz Mù Cang Chải jông jav, taz por./.

Đinh Tuấn-Txâur Vax cxeik nhênhv

          Hâur hlik hli 9/2023, sâuv thax tsav xar Bản Lang, huyện Phong Thổ, tỉnh Lai Châu pov muôx đêr vưv tov chôngz lênhx nênhs ntơưv jok Nà Cúng. Đhâu txêik tâu xor mông chinhr quyền ntơưv qơư tưz sik côngv đros cơ quan uô hâux lưv huyện kriz uô têx tsưr ziv phax tar, tsik chiê moz vưv huôv xênhz đêz đar. Txos nhiv no, xar Bản Lang tưz tâu muôz 100 lir hóa chất, 50 cir hmôngr jêz siz chiê tsuôs tuô lov caz moz tênhv qơư iz ndis thiêz 920 côngz yuôx vắc xin moz vưv chiê cxax phax moz nzir thiêz cxax đuô trâu tas nro chor đêr, mir sâuv thax tsav. Côngz xưv yax yuôx phax moz, tsuôs yuô tuô lov caz moz tsênhv tâu sir jos kriz uô, phax tar caz moz tsik chiê siz cik đêz đar. Moz vưv zos zav moz siz cik phiv liv, zôngx ziv trâus tuôs zos tsik tâu chơưv kho huv zos thiêz ndar six hơưv./.

Bao ĐTLC-Lik Thox cxêik nhênhv

           Đhâu jiês cơưv thâuv têis cik sơưr nzor, 2 lênhx shux xênhz cơưv lớp 6 ntơưv Điện Biên tưz nhiês cêr muk uô si, đhâu co tas nro 2 lênhx shux xênhz no puôr lênhx trâus pôngz đêx tuôs. Zơưv Trần Hồng Quân, Tsar phongx zaoz zux huyện Mường Chà puz pâuz: 2 lênhx shux xênhz no cơưv ntơưv tsêr cơưv phổ thôngz mênhx cxưx niêv txir zus mor Mường Mươn, huyện Mường Chà; puôr lênhx nhoz jos Pú Mún-xã Mường Mươn. Thâuv 2 six 30 zar hnuz keix hnuz 15/9 tsêr cơưv xav tênhv nriêr tâu 1 lênhx shux xênhz no ntơưv tul đêx jos Hin-xã Na Sang (kuôk tsêr cơưv muôx nhos 8 cei cêr). CHính quyênx tiv phaz thiêz têx lưx lươngv muôx txơưx jênhv huyện Mường Chà cux tror tsưr tsix nriêr lênhx shux xênhz tsênhv yuôr. Txos 6 six 30 tas cik hnuz 16/9 tưz nriêr tâu lênhx shux xênhz tsênhv yuôr ntơưv tul đêx jos Hun- xã Na Sang. Zơưv Quân puz pâuz, no zos hâux lưv pôngz siêz muôx yưv hâur têx hnuz hâur shôngk shong cơưv yiêz. Nhiv no lênhs tov UB huyện thiêz têx chiz coaz, ban nganhx, đoanx thêv tiv phaz tưz tsưr tsix seiz nus, tôngv vênhx thiêz paz chuôz zis uô đaz kruô trâu têx mê nhuôk shux xênhz no./.

Vũ Lợi-Txâur Vax cxeik nhênhv