Lơưr Ủy ban Mặt trận Tổ quốc Việt Nam tỉnh Lào Cai, txos nhiv no muôx lok six ntâu tỉnh, TP, tsưr tsix thiêz lênhx nênhs hâur thiêz đrâuv luôs 2 chas tỉnh tưz siz chos gôngr paz nhiêx txiêx, kôngz krâur, têx chuôz zênhx phưx vưv xênhz huôx tuôx paz tsôngv box xã Liên Minh, thị xã Sa Pa chiê nzor truôx tuk luz nênhx thiêz khưx phưx uô nox uô hâuk. Xav txos hnuz 18/9, Ủy ban Mặt trận tổ quốc Việt Nam tỉnh Lào Cai tưz lênhk txeik tâu xar muôx 3 tyv đeiv, txix têx tỉnh, TP li: Hà Nội, HCM, Yên Bái, Sơn La, thiêz tập đoanx thênh-khoar cxax Việt Nam xa tuôx paz max. Iz chas ntơư, lok six ntâu cơ quan, taz viv hâur tỉnh tưz hu lơưk sơưr đơưk sik đros gôngr paz tsôngv box thax tsav trâul đêx nas uô ruôr hiêv xã Liên Minh (Sa Pa). Ủy ban Mặt trận tổ quốc Việt Nam tỉnh Lào Cai thiêz thị xã Sa Pa tưz phênhz pheiz têx nhiêx paz ntơư txos trâu yênhx chuôz zis trâul đêx nas uô ruôr hiêv chiê khưx phưx qơư nhoz, taz por luz nênhx truôx tuk thiêz huôv tsar uô nox uô hnar./.

Nhân dân-Riê Lâux cxeik, nhênhv

         Côngz xưv phax tar nox nhiêx têz qơưk, têx kror tsik jông tror tâu tỉnh Yên Bái sir jos kriz uô; tiv zix, xav txix kaz hli 6 shông 2022 – thâuv Ban chox kriê phax tar nox nhiêx têz qơưk, têx kror tsik jông tỉnh tâu yênhx lix, huôx tôngv mak côngz xưv no hax zav tâu kriz uô jông đuô. Tsênhv tsênhz, đrâuv muôz 4 txuz anr lok sox sêiz, hâur 1 shông đhâu, Ban chox kriê phax tar nox nhiêx têz qơưk, têx kror tsik jông tỉnh tưz khởi tố 8 txuz anr đros muôx 26 lênhx nênhs, hâur co 8 lênhs zos canr bôv, đảng viên. Zơưv Nguyễn Văn Xa, Phưv Ban Nội chính Tỉnh ủy, thành viên Ban chox kriê phax tar nox nhiêx têz qơưk, têx kror tsik jông tỉnh Yên Bái puz pâuz, chiê côngz xưv phax tar nox nhiêx têz qơưk, têx kror tsik jông tâu uô truôx jông, têx tsưr ziv uô hâur ntu zuôr txos tsuv tâu gra cov siêz đuô: “Ban Nội chính Tỉnh ủy zuôr sêiz shuôk, sik côngv  đros chor cơ quan hêik pâuz trâu Ban chox kriê, Thường trực Ban chox kriê lok têx chủ trương, tsưr ziv xưv lik iz cxiê txuz anr, txuz nox nhiêx têz qơưk, têx kror tsik jông tâu xar hôiv tsov cưv txos cik txos cans bôv, đảng viên zos tỉnh sêiz car. Oz os tror sik côngv đros chor cơ quan muôx vax huôv sir jos uô côngz xưv qênhz yuôx, sêz kaz, kỷ luật hành chính; uô truôx jông kiểm điểm lok txơưx jênhv sêiz car têz qơưk têx tập thể, tiz nênhs, tiv zix zos nênhs sơưr thơưx chiê muôx yưv têx txuz anr nox nhiêx têz qơưk, tsik jông”./.

TTTB-Lik Thox cxêik nhênhv

           6 six ntâu, tas cik sơưr nzor hnuz 18/9, ntơưv cêik cêr 120+700 txox cêr lox sôr 12, ntu muk đhâu huyện Mường Chà trâu thị xã Mường Lay, tỉnh Điện Biên, iz luz yêz lox tsênhv taz tov muk tâus cêr đrâu trâu iz luz poz jêz lox nhoz jê ntus cêr, uô luz yêz co trâul txêik tênhv cuz hnhiêz. Lơưr mông heik pâuz xuz thơưx, thâuv luz six hơưv ntơư, tix lâus Nguyễn Thế A, nhoz xã Tây Ninh, huyện Tiền Hải, tỉnh Thái Bình tsar luz yêz lox heik sâuv muk txix TP Điện Biên Phủ trâu thị xã Mường Lay (Điện Biên), thâuv muk txos ntu cêr sâuv, hâur xã Huổi Lèng, huyện Mường Chà tưz đrâu trâu iz luz poz jêz lox nhoz iz saz ntus cêr, uô yêz txeik tênhv, trâul cuz hnhiêz. Đhâu muôx yưv têx tsi jông co, lưv lươngv Cảnh sát zoz thôngz, Công an tỉnh Điện Biên tưz zênhx max tuôx qênhz shuôs thiêz đros  lưv lươngv Công an xã Huổi Lèng, tsôngv pêx xênhv sơưr đơưk ntơưv qơư tuô hluôr tơưk. Hmôngr jông thâuv co sâuv luz yêz tsi thâux hax huv đaz tsi thiêz chor nênhs sâuv yêz tưz zênhx max khiêr điv, viv li tsi muôx lênhx nênhs tưs trâul uô li chas./.

Vũ Lợi-Riê Lâux cxeik, nhênhv

             Phòng Cảnh sát Hình sự Công an tỉnh Điện Biên nhiv kruôr cxov tâu Hứa Luật Phong, zus shông 1992, nhoz thị trấn Nước Hai, huyện Hòa An, tỉnh Cao Bằng sir zôngv internet chiê nziêk đas zuôr cxuô zav. Phong zos lênhx nênhs tưz muôx iz kror cxâuv nziêk đas zuôr cxuô zav. Lơưr cơ quan Công an têx ntâuz ntơưr, zôngv mạng internet, Hứa Luật Phong tưz uô nick Facebook; đhâu co txuôk đros tsêr yêz kruô Song Châu muk txix Điện Biên-Hà Nội. Thâuv tưs muôx kruô hu tênhv tuôx trâu tsêr yêz tuk sôr tênhv, Phong zuôr hêik cov kruô muôz iz kror nhiêx uô ntêx, lok sik tas nro nhiêx gri yêz mak thiêx xav jênhv tiêk tưz tênhv tâu trôngx jâuv. Tsênhv tsênhz mak chor sôr tênhv no zos Phong li, tsik zos tsêr yêz chor sôr tênhv. Taz sik, txos hnuz zuôr muk mak chor kruô no ho tsik muôx trôngx jâuv. Đros tsưr ziv no, hâur ntu txix hli 4 txos hli 6 shông 2023, Phong tưz nziêk đas muôx 100 ntâu lênhx nênhs, đros chor nhiêx xar muôx 170 triệu đêiv. Công an tỉnh Điện Biên hêik lênhx tưs zos nênhs trâus Phong nziêk đas mak hu trâu Phòng  Cảnh sát Hình sự, Công an tỉnh Điện Biên (đhâu điều tra viên Nguyễn Thế Vinh, sôr tênhv: 0978. 227. 113) chiê sik côngv đơưk tu txuz hâux lưv no./.

TTTB-Lik Thox cxêik nhênhv