Hâur 2 hnuz 18 thiêz 19/9, Hôiv Nôngx mênhx tỉnh Điện Biên tsưr tsix Đại hội jiês tiv 10, ntu 2023-2028 đros tsênhv njiêz “Sik côngv siêz- Hlôngr yiêz, Sik paz-Huôv tsar” Cxaz chuôz muôx 292 lênhx nênhs hlôngr njêx muôs trâu zuôr xar 85.000 hôiv viên nông mênhx hâur tas nro tỉnh. Ntơưv jiês cơưv, sơưr đơưk tưz tâu mnôngs hêik pâuz lok qênhx shênhx kriz uô chor tsưr ziv nhoz six cxiv ntu 2018-2023; Tsưr ziv jênhv vưv six cxiv ntu 2023-2028 thiêz hêik pâuz lok Kiểm điểm Ban chấp hành Hôiv Nôngx mênhx tỉnh Điện Biên. Hâur co, six cxiv ntu 2023-2028, Ban chấp hành Hôiv tưz tso tơưv 8 jênhv vưv tsêx trung trâu: Côngz xưv hlôngr yiêz sôr; Cxiv tsa Chi hôiv Nôngx mênhx hâux lưv uô, Tôv hôiv nôngx mênhx uô hâux lưv đros huôv tsar kinh têr tập thể truôx đrênhk; cxiv tsa sưr ziv uô công nghệ hâur uô kôngz nuv… Đại hôiv cux tưz bâux 26 lênhx nênhs nhoz hâur Ban chấp hành six cxiv yiêz; bâux đoanx têiv plor muôx 11 lênhx nênhs muk dưv Đại hôiv têiv plor tas nro têz qơưk Hôiv Nôngx mênhx Việt Nam jiês tiv 8. Jiês cơưv tiv iz Ban chấp hành Hôiv Nôngx mênhx tỉnh Điện Biên khóa 10 tưz bâux 8 lênhx nênhs nhoz hâur Ban Thường vụ Hôiv Nôngx mênhx tỉnh; pos Bình Xênhv Vax tưz tror tâu bâux uô Chủ tịch Hôiv Nôngx mênhx tỉnh Điện Biên, six cxiv ntu 2023-2028./.

Vũ Lợi-Lik Thox cxêik nhênhv

              Mông txix Sở Vênhx huôv, Thêv thao thiêz ju lix tỉnh Yên bái heik pâuz, têx hnuz hâur kaz hli 9 no, ntơưv Yên Bái zuôr nthuôr uô ntâu têx txux chi vênhx huôv cêr lov jêv. Tsênhv tsênhz, txix hnuz 22-28/9, zuôr uô ntênhs hội yuôx zêx Shan Tuyết huyện Văn Chấn jiês tiv iz shông 2023. Lar heik ntênhs hội no zos tsaz yênhx nthuôr uô lov jêv đros trâu tsôngv box Hmôngz nhoz Văn Chấn siz tưr đhiê kênhx. Txuôk lơưr co, ntênhs hội Vênhx huôv, ju lix Mường Lò shông 2023 zuôr krêz uô trâu thâuv 8 six tsâuk ntux hmo 30/9 ntơưv yar tiêx vênhv tôngv thị xã Nghĩa Lộ txix nthuôr uô têx cêr lov jêv, đhiê pax vuôk xòe, muôx 2 cxênhz ntâu lênhx nênhs cxaz chuôz.....Hâur têx hnuz co, ntơưv huyện Trạm Tấu cux zuôr uô Hnuz hội vênhx huôv cxuô heir nênhs, nthuôr uô têx txux chi cêr lov jêv thiêz cxuô heir nênhs sik tưr hnar têx chêr tsôngk yo khax jông, sik tưr ndê trôngz..... Pos Vũ Thị Mai Oanh, Phưv Giám đốc Sở Vênhx huôv, Thêv thao thiêz ju lix tỉnh Yên Bái heik: “Iz chas bax têx qơư nox nhoz trâu tsôngv kruô, bax uô cxuô luôs hâux lưv phưx vưv sơưr đơưk, Yên Bái cux moz siêz txos têx nuv uô trâu tsôngv kruô lov jêv, kruô nhiêv chiê hu zâuv chôngz lênhx ntâu tus tuôx đros côngv cêr lov jêv. Nor zos iz cxiê têx nuv uô hâur chor ntênhs hội shông no nhoz têx huyện, hur si ntênhs hội yuôx zêx Shan tuyết, ntênhs hội vênhx huôv, ju lix Mường Lò thiêz têx cêr lov jêv txuôk lơưr co hâur kaz shông”./.

 Đinh Tuấn-Riê Lâux cxeik, nhênhv

             Txix hnuz 18-20/9, Huyện đoàn Phong Thổ, tỉnh Lai Châu sik côngv đros Tsênhv qơư chinhr triv huyện Phong Thổ kriz lớp kriê uô hâux lưv trâu chor canr bôv Đoàn hluôk nênhs nhoz ntơưv cxuô thax tsav qơư shông 2023. Cxaz chuôz lớp kruôz kriê no muôx 70 lênhx nênhs zos bí thư, phưv bí thư đoanx hluôk nênhs chor xar, thị trấn; bí thư têx chi đoàn. Hâur 3 hnuz, zuôr tâu cơưv têx txux chi lok hluôk nênhs li pưk txux hâur ntu hlôngr yiêz thiêz hôiv nhập ntiêx têz; tsưr tsix đoàn hlôngr njêx muôs txoz cxơưx thiêz por vêv qênhx liv huv chêi trâu chor hluôk nênhs; đoanx hluôk nênhs zos chor nênhs uô ntêx hlo, paz cxiv tsa thiêz por vêv têz qơưk Việt Nam xar hôiv chủ nghĩa… Lớp kruôz kriê paz trâu chor nênhs cơưv muôx nzir txux chi, tsưr ziv uô côngz xưv đoàn chiê kriz uô trâu ntơưv zuk thax tsav qơư. Đhâu co paz trâu chor canr bôv đoàn txơưx uô hâux lưv, xar tơưv, muôx txơưx jênhv, uô tâu têx jênhv vưv hâur qênhx shênhx yiêz; paz trâu côngz xưv đoàn tâu uô truôx jông đuô./.

Báo ĐTLC-Lik Thox cxêik nhênhv

              Trơưk li cơ quan njuôk ntux yar ntux nas têz qơưk, ntơưv thax tsav Tây Bắc, Việt Bắc ntux lok nas lox, uô iz cxiê thax tsav qơư zôngx ziv muôx đêx nas cuôr yôngz, tox xưz poz. Txix iz tas hmo txos 4 six sơưr nzor hnuz 19/9, thax tsav tỉnh Lai Châu tưz lok nas lox. Ntơưv Yên Bái, ntux tror lok nas, têx đêx lox, đêx mê zôngx ziv huôv hloz, đêx nas cuôr yôngz, têx qơư nxaz tox xưz poz, lar heik zos ntơưv têx huyện li: Lục Yên, Yên Bình, Văn Chấn. Chor nênhs nhênhz chơưv heik, đêx nas cuôr yôngz, tox xưz poz muôx têx zuôr uô tsi jông txos tênhx qơư, ruôr hiêv txos pêx xênhv đas jos, txox siê; uô têx cêr muk lol trâul cxuz, xưz poz, tuôr thênhv txos têx yêz muk lol tâus cêr, tsôngv pêx xênhv cêr uô nox uô hâuk; uô puôk tsuôx, tsi jông têx côngz trênhx uz no..../.

TTXVN-Riê Lâux cxeik, nhênhv