Tas cik hnuz đhâu 23/1, ntux no njiv uô 11 cxênhz lênhx shux xênhz tox siêz Lào Cai tsuv so ntơưr. Sở zaoz zux tỉnh Lào Cai li seiz shuôk tso pov, 2 tiv phaz tox siêz tso shux xênhz so ntơưr muôx Sa Pa thiêz Bắc Hà. Tsênhz mênhx, ntơưv Sa Pa muôx 17 tsêr cơưv đros zuôrx ar 7 cxênhz 500 ntâu lênhx shux xênhz, ntơưv Bắc Hà muôx 12 tsêr cơưv đros 3 cxênhz 600 lênhx shux xênhz. Têx tsêr cơưv tso shux xênhz so ntơưr phênhv ntâu zos tsêr cơưv mê nhuôk zâu thiêz cxênhx iz nhoz têx qơư ntux no njiv, jêx tưv grês kis 3-5 tưv. Đrâuv têx tsêr cơưv so tsi cơưv ntơưr, zuôr xar 600 tsêr cơưv txơưr nhoz Lào Cai li tsêr cơưv phổ thôngz mênhx cxưx cxênhx 2 Trung Chải, thị xã Sa Pa jêx tưv kis đuô 6 tưv taz sik shux xênhz muôx 500 lênhx cux muk cơưv ntơưr fênhx yax. Cưk kriê Nguyễn Quốc Chính, Phưv Hiệu trưởng tsêr cơưv puz pâuz:

               “Lơưr cui tênhv cux thix ziv chiê so tâu. Taz sik, jênhv pov têx shux xênhz chuôz zis thiêz theox chênhv mak nhoz no taz por đuô viv li pêz tror kriê ntơưr. Zos qiv hơưv tror no njiv đuô pêz zuôr chuv tôngv thix ziv chiê shux xênhz so ntơưr. Phênhv ntâu shux xênhz puôr lênhx nhoz ciês hâur tsêr cơưv, pir đros shux xênhz nhoz tsêr mak hâux lưv xênhz huôx hâur tsêr cơưv zuôr jông đuô”./.

An Kiên-Txâur Vax cxeik nhênhv

               Hnuz 23/1, tỉnh Lai Châu cux muôx 2 luz tsêr cơưv tso iz cxênhz ntâu lênhx shux xênhz so ntơưr viv no njiv hênhr. 2 tsêr cơưv tso shux xênhz so ntơưr co zos: Tsêr cơưv cxênhx iz Hồng Thu, huyện Sìn Hồ thiêz tsêr cơưv cxênhx nhuôs zâu Sin Suối Hồ, huyện Phong Thổ. Zơưv Lò Việt Tuyển, Phưv Giám đốc Sở zoz zux Lai Châu heik pâuz:

               “Seiz lok ntux têx txơưr txar, no njiv, Sở cux tưz tso tơưv ntâuz ntơưr chox kriê cxuô luz tsêr cơưv hâur tas nro ngênhx qênhz shuôs đuô cxuô zav li: Qơư nhoz kriê cơưv txux chi, têx zuôr trâul txos lok phax tir thêir no. Lar heik zos yax kriê txos trâu chor canr bôv, cưk kriê ntơưr, nênhs uô hâux lưv hâur tsêr cơưv thiêz shux xênhz, chiê uô li chas cov cxuô luz tsêr cơưv uô tâu jông luôs hâux lưv phax tar no, taz por đas jos trâu sơưr đơưk”./.

Khắc Kiên-Riê Lâux cxeik, nhênhv

                 Tỉnh Yên Bái nhiv no muôx 800 cxênhz tul tsiêx cxu. Đrâuv tsôngv box li chuv tôngv, têx chiz coaz chuyên môn thiêz chính quyênx tiv phaz tưz chox kriê tsôngv box chuôz tsar uô têx tsưr ziv taz por por vêv tsiêx cxu li: cxax yuôx phax moz cxix cxuô, cxênhx tsês zav nox, chaz nhux muk qơư kis…Zơưv Nguyễn Đức Điển, Phưv giám đốc Sở kôngz nuv thiêz huôv tsar nôngx cxênhz tỉnh Yên Bái puz pâuz:

              “Pêz chox kriê têx tiv phaz chuôz tsar phax tar ntux no trâu tsiêx cxu li tsưr ziv heik uô ntêx. Pêz cux zuôr yênhx lix têx đoanx côngz xưv muk qênhz yuôx, chox kriê, tiv zix zos ntơưv thax tsav tox siêz vênhv tôngv pox nhuôk uô jông têx hâux lưv tu zus. Tiv zix, yax mông, vênhv tôngv pox nhuôk bax jông zav nox, their guôx jông hâur têx hnuz ntux no njiv”./.

Trịnh Xuân-Txâur Vax cxeik nhênhv

              Công an huyện Sông Mã, tỉnh Sơn La nhiv kruôr đros têx lưv lươngv muôx vax huôv ntêk tâu Cầm Văn Thanh, xênhz shông 1996, nhoz ntơưv jok Cỏ, xã Chiềng Khương, huyện Sông Mã thâux gra tsi trơưk chei fov ntơưr.

           Uô ntêx co, têx taz viv muôx vax huôv tsênhv uô hâux lưv ntơưv jok Búa, xã Chiềng Khương tưz qênhz pov, ntêk tâu Thanh gra 10 đeiv fov ntơưr muôx 490 luz.. Ntơưv Cơ quan Công an, Thanh krêz lênhk tiêk zuôr chor fov ntơưr co ntơưv thax tsav đriv têz lok, tsênhv taz tov thâux gra muk muôs txơưv trâul ntêk tâu. Nhiv no txuz nuv co tsênhv tâu tror qênhz yuôx chiê uô tsênhz mênhx./.

CTVVOVTB-Riê Lâux cxeik, nhênhv