Ntux no njiv tsênhv uô ruôr hiêv tsi tsơưs txos tsôngv pêx xênhv nhoz têx tinhv faz Bắc li luz nênhx, nox nhoz muk lok hâur niêx hnuz.

                  Ntơưv tỉnh Lào Cai, chor shux xênhz tsuv so ntơưr viv no njiv hâur hnuz 24/1 ntâu đuô 3 bâus pir li hnuz uô ntêx. Tsênhv tsênhz, tas nro muôx 32 cxênhz ntâu lênhx shux xênhz, nhoz 96 luz tsêr cơưv hâur thax tsav tox siêz ntơưv têx huyện li: Bắc Hà, Bát Xát, Si Ma Cai thiêz thị xã Sa Pa tâu tso so ntơưr. Lơưr zơưv Trần Ngọc Cừ, Phưv Tsar phongx Zoz zux thị xã Sa Pa, têx lok sâuv tso shux xênhz so ntơưr zos tsêr cơưv bax heik trâu têx hloz thiêz seiz lok ntux li txơưr txar ntơưv qơư chiê tso shux xênhz so ntơưr:

                “Tiv iz zos yax kriê, chor cưk kriê ntơưr tưz muôx shux xênhz niêv txir li sôr xor tôngx, muôx têx hu tâu heik thiêz thav hâur niêx hnuz. Lok sâuv sox seiz ntux têx txơưr txar mak tsêr cơưv puôr lênhx seiz njôngr, txix ntơư bax hu trâu shux xênhz niêv txir uô ntêx thâuv chor nhuôs zuôr tuôx tsêr cơưv. Têx shux xênhz nox nhoz hâur tsêr cơưv, cơưv ntơưr niêv txir zus mor mak pêz uô jông hâux lưv phax tar no tsi so trâu shux xênhz, taz por qơư nhoz sor si, muôx txâuk tênhv, tsi yâu chuô txiêk thiêz tsêr lớp cơưv ntơưr cux puôr lênhx thêir ntov chiê tsưx phưv đas jos trâu shux xênhz”./.

An Kiên-Riê Lâux cxeik, nhênhv

                 Ntơưv tỉnh Lai Châu, tiv jêx tưv tror txu grês kis viv li ntâu tiv phaz muôx 70 tsêr cơưv, đros 27 cxênhz 700 lênhx shux xênhz nhoz têx khối cxênhx mê nhuôk zâu, cxênhx iz, cxênhx oz so ntơưr chiê phax tar ntux no. Têx tsêr cơưv muôx shux xênhz so ntơưr phênhv ntâu zos têx tsêr cơưv nhoz tox siêz, tsêr cơưv, tiv zix zos qơư nox so nhoz tsêr cơưv niêv txir zus hmor tsênhv njiz phêv liv. Têx tiv phaz muôx shux xênhz so ntơưr ntâu tiv zix zos huyện Sìn Hồ, Tam Đường, Phong Thổ thiêz Than Uyên. Txix qênhx shênhx qiv hơưv muôx ntâu txơưr txar, nganhx zaoz zux tỉnh Lai Châu heik têx Phongx zaoz zux, têx qơư zaoz zux sâuv thax tsav tỉnh chuôz tsar phax tar ntux no njiv, taz por đas jos trâu shux xênhz. Tiv zix, heik têx têx taz viv tsêr cơưv taz por uô mor nox hâuk trâu shux xênhz, qơư nhoz tsuv sor so trâu shux xênhz nhoz tsêr cơưv niêv txir zus mor./.

Khắc Kiên-Txâur Vax cxeik nhênhv

                 Trơưk li Phongx Kôngz nuv huyện Tuần Giáo, tỉnh Điện Biên, nhiv no tas nro têx tsiêx cxu hâur thax tsav muôx 88 cxênhz ntâu tus. Chiê bax phax tar no trâu têx tsiêx cxu, ntơưv qơư tưz tso tơưv ntâu ntâuz ntơưr xa txos cxuô xã sir jos phax tar no trâu têx tsiêx tu zus, gra siêz tsôngv box tsưr ziv jênhv pâuz lok cxax yuôx phax phôngz moz ơưk, bax jâuz krâur trâu tsiêx cxu, xor thêir ntov qơư cơư, khi tsiêx thâuv têx hnuz no njiv, tsi tso tsiêx lak yar.... Khov li co, txos nhiv no ntơưv qơư tsi tâu pov muôx tus tsiêx tưs trâul tuôs no hlo. Pos Quàng Thị Như Quỳnh, Phưv Tsar phongx Kôngz nuv thiêz huôv tsar tox siêz huyện Tuần Giáo heik:

                  “Phongx cux heik tsôngv pêx xênhv tsuv gra siêz txơưx jênhv, moz siêz phax tar no trâu têx tsiêx tu zus. Đhâu qênhz yuôx shuôs tsênhv tsênhz tso pov, pêx xênhv cux tưz bax xor thêir têx qơư tu zus tsiêx ntov jông, trâur tơưk trâu tsiêx ntê.... Viv li, txos nhiv no hâur thax tsav huyện tsi tâu pov muôx tus tsiêx tưs trâul tuôs no hlo”./.

Vũ Lợi-Riê Lâux cxeik, nhênhv

                    Khưr uô nox hâur ntu qiv hơưv no njiv, têx lênhx nênhs muôs jâuz nhoz têx ciêz niêv đrôngs Sơn La tưz muôx ntâu tsưr ziv chiê uô cov luz chêr sor so. Zuôr txos Tsiêz lơưr tsuôk xar njôngr ntux sor đuô tuôx, tsi lok nas chiê muôs tas chor jâuz hâur vax, muôx tâu nhiêx txiêx bax nox Tsiêz. Jêx tưv 2,3 hnuz no kis đuô 6-7 tưv đros têx lênhx nênhs muôs jâuz nhoz ciêz đrôngs Sơn La, trâur tơưs ntê zos tsưr ziv uô jông chiê sor đuô. Muk car ciêz lis đuô, trâur tơưs, hnar trik yo sor, jâuv siz jê chiê muôs jâuz hâur têx hnuz ntux no njiv. Txơưv trâus nqo pa, txơưv lok six phêv liv taz sik viv xar muôx cxaz phênhv sâu chiê cxơưx trâu tuz nhuôk muôx luz tsiêz sor si lơưr tưz sir jos muk ciêz nzor. Niêv lâuk Quàng Thị Kính nhoz xã Chiềng Đen heik:

                 “Cur muk ciêz chiê zuôr jâuz lok muôs txix thâuv 4 six hơưv sơưr nzor. Ntux no taz sik tsuv sir jos xưz. 2,3 hnuz no tsuôk muôs tâu mê njik xưz viv ntux no tsôngv box cux muk car ciêz tsơưs đuô”

               Ntux no njiv njuôs pov tsênhv zuôr truz ntêr. Pox nhuôk tsuv chuv tôngv uô jong têx tsưr ziv phax tar ntux no trâu lênhx nênhs, tsoz chos thiêz tsiêx tu zus./.

Thanh Thủy-Txâur Vax cxeik nhênhv