Ntơưv Lai Châu, muôx ntux no chênhr, no njiv, thax tsav qơư muôx 70 luz tsêr cơưv ntơưr, xar muôx 30 cxênhz lênhx shux xênhz nhoz cxuô cấp cơưv tsuv so ntơưr cov ngaz tuk jông txos đas jos. Taz sik ntâu luz tsêr cơưv nhoz tox siêz Lai Châu cux tsênhv tuôr tsês chor shux xênhz trâu ntơưv tsêr cơưv, tiv zix zos chor shux xênhz niêv txir zus mor. Lơưr Ban giám hiệu chor tsêr cơưv ntơưr puz pâuz, nhoz ntơưv tsêr cơưv ntơưr jông đuô thiêz tuôr tsês chor shux xenhz ntơưv tsêr cơưv ho muôx cưk kriê ntơưr sêiz car mak zuôr jông đuô chiê shux xênhz muk tsêr. Chor tsêr cơưv ntơưr tưz sir jos uô jông ngaz tuk trâu chor shux xênhz. Chor qar cơưv ntơưr tâu thiêr ntov jông tsik khênhr yâu chuô thiêz shux xênhz hnar txâuk sor; têx qơư phiv liv tsêr cơưv hêik shux xênhz niêv txir gra tơưl tuôx trâu tsêr cơưv ntơưr chiê trâur trâu shux xênhz ntê thiêz râuz đêx, uô jâuz mor nox trâu chor shux xênhz. Lơưr Sở Zoz zux Lai Châu chox kriê, hâur ntu no chor tsêr cơưv ntơưr tsuv cxaz nzir têx zav nox, paz cov muôx txâuk tsơưr pưr trâu chor shux xênhz./.

Khắc Kiên-Lik Thox cxêik nhênhv

               Chiê taz por txâuk sor, tsưx phưv đas jos trâu lênhx nênhs moz hâur têx hnuz no njiv, ciês ntơưv qơư đas cir seiz njuôk shuôs moz, Tsêr kho moz đa khoa thị xã Sa Pa-Lào Cai tưz bax qơư ntê sor trâu lênhx nênhs moz. Hâur tsêr kho moz puôr lênhx muôx đêx sor trâu nênhs moz sir zôngv; seiz lok têx qơư trâu nênhs moz tuôx nhoz, pư ntơư muôx têx cxaz nzir meir ntê sor trâu hur si. Bác sĩ Nguyễn Thị Vân, thơưx seiz car khoa kho moz nhuôs zâu hâur tsêr kho moz đa khoa thị xã Sa Pa heik pâuz:

                “Pêz cơư tas nro têx kror trôngx chiê chuô txiêk tsi yâu; kriê lênhx nênhs moz hnar tsôngk tril yo cov sor si. Lar heik zos cxaz nzir têx pav puô, pav sor trâu nênhs moz pư. Txơưv cux muôx iz cxiê chuôz zis gra pav tuôx hur si, taz sik nhoz no pêz cux muôx lok six ntâu pav, viv li thâuv cux heik cov lơưr kêr nzir 1,2 đeiv pav thiêz thiêx txâuk sor. Iz chas co, pêz cux muôx tuv tril yo tsi zuôr nhiêx ntơưv qơư seiz njuôk shuôs moz thiêz kriê nênhs moz zos lênhx tưs zuôr trâul txos mak mul gra lok hnar”./.

An Kiên-Riê Lâux cxeik, nhênhv

                       Tỉnh Sơn La nhiv no muôx 500.000 ntâu tuk nhux, tưv; 680.000 ntâu tuk buô; chor kêiz ol tâu tuôr truôx tuk. Đros muôx ntux no chênhr, no njiv truz ntêr, nganhx Kông nuv tỉnh Sơn La tưz tso tơưv tsưr ziv thiêz sik côngv đros cxuô thax tsav qơư hêik pêx xênhv sir jos phax, tar ntux no trâu chor tsiêx cxu; hâur co sir jos uô côngz xưv yax kriê, hêik pêx xênhv uô tsêr guôx, chuôz cxa vitamin, vâuv kâuz zav nox, tsik tso yar têx tsiêx cxu thâuv jêx tưv grêk kik… chiê txo grêk tsơưs tiv zix têx trâus hiêv. Zơưv Nguyễn Ngọc Toàn, Giám đốc Chi cục tu zus tsiêx cxu thiêz tsiêx đêx tỉnh Sơn La puz pâuz:

                    “Đhâu côngz xưv chox kriê thiêz phax tar ntux no trâu chor tsiêx cxu mak pov tâu tiêk pêx xênhv tưssir jos uô jông đuô, ntâu ziv chuôz zis tưz tsês chiê zav nox, uô ntov jông têx tsêr guôx thiêz kriz uô côngz xưv cxax yuôx phax tar moz trâu chor tsiêx cxu”./.

Trấn Long-Lik Thox cxêik nhênhv

                      Uô lơưr tsaz yênhx “sik côngv têk viv nênhs pluôs thiêz chor nênhs muôx côngz têz qơưk ndax trâu shông yiêz jax shông 2024”, Tsêr nhiêx Kôngz nuv thiêz huôv tsar tox siêz tỉnh Yên Bái nhiv kruôr muôz 1 cxênhz ntâu poz huv, xav hur si tsiv gri nhos 600 tsov đeiv puz trâu têx chuôz zis pluôs, lênhx nênhs muôx côngz têz qơưk hâur thax tsav tỉnh Yên Bái. Têx nhiêx txiêx co zos tsêr nhiêx Kôngz nuv thiêz huôv tsar tox siêz, têx lênhx thơưx seiz car tsêr nhiêx, nênhs uô hâux lưv hâur tsêr nhiêx heik sâuv muôz paz. Lơưr zơưv Phùng Quang huy, Phưv Chủ tịch Thường trực Ủy ban MTTQ VN tỉnh Yên Bái, tsưr ziv zos 22 cxênhz ntâu chuôz zis pluôs, zuôr xar pluôs thiêz 100% têx lênhx nênhs, chuôz zis muôx côngz têz qơưk puôr lênhx tâu muôz huv puz hâur six hơưv tsiêz têz qơưk 2024 no, đros trâu têz qơưk, sơưr đơưk hâur thax tsav qơư têx cêr paz, tỉnh tưz hu zâuv thiêz muôx luk hu lơưk cxuô tsưr tsix, lênhx nênhs siêz jông sik đros paz txoz cxơưx tsiêz trâu nênhs pluôs. Đhâu hlo thâuv txeik tâu sơưr đơưk têx cêr paz, taz viv zuôr đros hâu nov cxuô thax tsav qơư phênhz pheiz, muôz têx huv paz txos trâu chor chuôz zis, lênhx nênhs heik sâuv bax tok, nox tsiêz 30./.

Đinh Tuấn-Riê Lâux cxeik, nhênhv