Têx doanh nghiệp sâuv thax tsav tỉnh Yên Bái li qênhx shênhx uô nox, muôs tơưv saz đrâuv têz qơưk txix hâur shôngk shông txos nhiv no cux njiz ntâu kror phiv liv tiv moz Covid-19, thâuv kinh têr ntiêx têz tâu khưx phưx kênhz đros muôx tsênhv chêi uô ntov lok nhiêx txiêx nhoz ntâu luz têz qơưk. Zơưv Nguyễn Đình Chiến, Phưv Giám đốc Sở Công Thương tỉnh Yên Bái puz pâuz: Têx phiv liv thâuv nhiêx txiêx trâus pôngz gri siêz ntơưv ntâu luz têz qơưk tsênhv huôv tsar, tưz uô phiv liv tsik tsơưs txos trâu chor doanh nghiệp têx huôx tôngv, tiv zix zos doanh nghiệp zâu thiêz tov thơưx. Nhiv no, Chinhr phuv cux li tỉnh Yên Bái tsênhv tso tơưv lok six ntâu tsưr ziv chiê paz trâu chor doanh ngiệp, qơư uô nox kinh doanh: “Sở Công thương cux xưk li cxuô nganhx, cxuô thax tsav qơư tsik so đros đreiv chor doanh nghiệp muôs tơưv saz đrâuv têz qơưk. Cux lok six vav tiêk chor doanh nghiệp muôs tơưv saz đrâuv têz qơưk heik pâuz têx phiv liv sêi trâu Sở Công Thương pâuz thiêz lơưr zuk vax huôv Sở Công thương zuôr đơưk kho; hok hla đhâu zuk vax huôv mak zuôr hêik trâu tỉnh pâuz, chiê hêik trâu Bôv Công thương thiêz têx cấp muôx vax huôv pâuz chiê muôx têx tsưr ziv paz”./.

TTTB-Lik Thox cxêik nhênhv

             Nhiv no hâur thax tsav tỉnh Lào Cai muôx 1.500 ntâu lênhx shux xênhz trâul sêv khiz luz chêr, hâur co, muôx 100 lênhx cơưv cxênhx nhuôs zâu, 600 ntâu lênhx cơưv cxênhx iz, 500 ntâu lênhx cơưv cxênhx 2 thiêz zuôr xar 250 lênhx cơưv cxênhx 3. Taz sik, tsênhz tiês nhiv no tỉnh Lào Cai tsi tâu tâu muôx Tsênhv qơư zoz zux têx nhuôs zâu trâus sêv khiz luz chêr; têx lớp cơưv lok six chôngz nhuôv, iz lớp muôx 1-2 lênhx shux xênhz li heik sâuv đros têx nhuôs muôx jông têk tơư cơưv uô cê, kror co cux uô tsi jông txos tsơưr lươngv lớp cơưv thiêz cưk kriê cux yuô tsi muôx six hơưv seiz shuôs txos chor nhuôv trâul sêv khiz luz chêr. Chênhr viv li, luôs hâux lưv choz kriê têx nhuôs no cêr cơưv txux, uô nênhx zos hâux lưv zov chênhr thiêz zuôr trâul uô chiê tas nro xã hội sik đros moz siêz txos, pheiz kênh têx cêr txov đros têx nhuôs trâul sêv khiz luz chêr hâur niêx hnuz cov lơưr muôx cêr chiê siêz, shir phaz đros luôs lưv tus cơưv ntâuz ntơưr, uô cxuô luôs hâux lưv./.

Trang trại Việt-Riê Lâux cxeik, nhênhv

           Tỉnh Lai Châu xav jênhv vênhx huôv cxuô mênhx cxưx thiêz têx đrox tsuôs chiv xênhz zos oz kror jông chiê huôv tsar kinh têr-xar hôiv, tiv zix zos huôv tsar du lịch. Tỉnh tsêx trung kho cov jông đuô cêr cxuô zav, hax huv, dịch vụ du lịch côngv thôngx ntơưv 5 qơư du lịch zos jok Sin Suối Hồ, jok Vàng Pheo, jok Thẳm, jok Sì Thầu Chải thiêz jok San Thàng. Tiv zix, shông 2023, jok Sin Suối Hồ txêik tâu khơưk kruôk Du lịch Côngv thôngx ASEAN jiês tiv 3. Iz hâur têx hax huv du lịch jông nhoz Lai Châu tsênhv tâu cxiv tsa kriz uô zos du lịch thể thao li chêix dù za thiêz chor tour nriêr pâuz têx hâur trôngz siêz li Pusilung, Putaleng, Bạch Mộc Lương Tử, Tả Liên Sơn./.

TTXVN-Lik Thox cxêik nhênhv

             Ntơưv cêr đriv têz Việt Nam-Lok Tsuôl nhoz jok Là, xã Chiềng Khương, huyện Sông Mã (Sơn La), Phongx Cảnh sát qênhz yuôx têx lênhx nênhs zuôr muôs, uô luôv zax zênhz, Công an tỉnh Sơn La đros chor lưv lươngv muôx vax huôv tưz qênhz pov thiêz ntêk tâu Lò Văn Ngai, xênhz shông 1956, nhoz jok Là, xã Chiềng Khương, huyện Sông Mã lok sâuv zuôr muôs zax zênhz tsi trơưk chei. Ntơưv qơư, lưv lươngv muôx vax huôv tưz sâu tsês tâu 530 njiêr yuôx shơư zênhz, iz luz xor tôngx gra ntơưv têk, đros trâu iz cxiê zav chuôz zênhx txơưr đuô cik txos. Ntơưv cơ quan Công an, Lò Văn Ngai krêz lênhk tiêk, tâu iz tus nênhs tsi pâuz tsênhz bê, qơư nhoz ntiêr muôs chor zax zênhz co, zos muôs tâu pôngz mak zuôr tâu 500 cxênhz đeiv, taz sik thâuv tsênhv taz tov uô têx nuv tsi trơưk chei ntơư txơưv trâul qênhz pov thiêz ntêk tâu. Nhiv no txuz nuv co tsênhv tror tâu qênhz yuôx chiê uô tsênhz mênhx./.

CTVVOVTB-Riê Lâux cxeik, nhênhv