Hnuz 26/9, Đại hội công đoanx tỉnh Sơn La jiês tiv 15, six cxiv 2023-2028 tưz tsưr tsix yênhx côngz. Hâur 5 shông đhâu, công đoanx Sơn La tưz xeir tâu zuôr xar 4 cxênhz lênhx nhoz hâur công đoanx, yênhx lix 40 công đoanx cơ sở thiêz muôx nzir zuôr xar 3 cxênhz tsưr ziv xar tơưv jông tâu côngk nhav, uô muôx liv njuôk xav tax 140 tyv đeiv. Six cxiv 2023-2028, cxuô cấp công đoanx hâur tas nro tỉnh sir jos huôv tsar yiêz 6 cxênhz lênhx đoanx viên, tsơưs tsơưs 65% doanh nghiệp txix 15-25 lênhx lox tôngv thiêz 100% doanh nghiệp txix 25 lênhx lox tôngv tror zar sâuv yênhx lix công đoanx cơ sở. Tsơưs yax 83% doanh nghiệp muôx tsưr tsix công đoanx muôx txâuk cxuô zav uô tâu hâux lưv jông trơưk li chei têz qơưk cui tinhv.... Zơưv Lả Xênhv Vax, Tỉnh ủy viên, Chủ tịch Liên đoàn lox tôngv tỉnh khóa 14 tror tâu bo xeir uô chủ tịch Liên đoàn lox tôngv tỉnh khóa 15, six cxiv 2023-2028, Zơưv Lả Xênhv Vax heik pâuz: “Hâur ntu zuôr txos, Liên đoàn lox tôngv tỉnh xav tinhv uô jông hâux lưv zok muôz lok sâuv tsoz phưz, por hưv têx muôx liv thiêz jông trâu đoanx viên, nênhs lox tôngv. Tiv 2, uô jông hâux lưv yax kriê, vênhv tôngv, zoz zux, tôngv zênhx chiê nênhs lox tôngv muôx tsưr ziv, sir jos cơưv shâuv têx txux chi uô nuv, gra siêz tsưr ziv jênhv pâuz thiêz uô tâu jông đuô cxuô luôs hâux lưv lok huôv tsar uô nox uô hnar hâur ntu zuôr txos”./.

Trấn Long-Riê Lâux cxeik, nhênhv

           Huôx tôngv muôs tơưv saz đrâuv têz qơưk đhâu trôngx đriv Kim Thành (Lào Cai) truôx tuk. Tsênhv paz zôngx ziv trâu chor nênhs zuôr muôs hax huv thiêz lox tôngv tự do. Nhiv no iz hnuz muôx 300 ntâu luz yêz thâux hax huv zuôr saz đrâuv têz qơưk lok tâu uô ntâuz ntơưr muk lok đhâu trôngx đriv Kim Thành. Njuôk xav zuôr chuôz ndê nzir thâuv trôngx đriv sôr tâu uô jông đuô, chor doanh nghiệp pâuz tsênhz txos qênhx shênhx muk lok đhâu điện tử. Kror no paz muôx ntâu kror jông hâur zuôr muôs hax huv, paz muôx nzir ntâu hâux lưv uô trâu chor lox tôngv tự do ntơưv Lào Cai. Zơưv Nguyễn Trung Kiên, Giám đốc Công ty Logictics Việt Trung puz pâuz: “Hax huv zuôr lok ntâu li no mak cux zos paz muôx ntâu hâux lưv uô trâu chor lox tôngv, xav iz hnuz muôx txix 200-300 lox tôngv phôv thông. Công ty paz trâu chor nênhs zuôr muôs hax huv lok ngaz tuk, phax tar tơưs cuz huv zos lơưr cui tênhv”./.

An Kiên-Lik Thox cxêik nhênhv

             Lơưr Sở Zoz thôngz tỉnh Điện Biên, txos nhiv no, têx côngz trênhx zov chênhr hâur Dưv anr cxiv uô yar yêz za Điện Biên Phủ tưz uô tâu trơưk luôs hâux lưv tso tơưv, njuôk xav zuôr qir tsar yêz za muk lol hâur hli 11 zuôr txos. Njuôk xav hâur hli 12, têx jiês yêz za zuôr thâux xa kruô muk lol trâu yar yêz za Điện Biên, taz sik tsi tâu pâuz tsênhz shor zos hnuz tưs. Dưv anr yưv pênhr cxiv uô đar yar yêz za Điện Biên tâu krêz cxiv uô txix hnuz 22/1/2022, njuôk xav zuôr uô cov tiêr chox lok sir zôngv hâur 3 luz hlik txix hli 7-9 shông 2023, chiê hơưv tok chiv nhênhv 70 shông ntâuk zênhx trok châuz Điện Biên Phủ. Co zos dưv anr côngz trênhx zoz thôngz cấp I, xav hur si têx pênhr yưv uô tas muôx 1.467 tyv đeiv ntâu zos Tổng Công ty yar yêz za Việt Nam yưv pênhr uô./.

Vũ Lợi-Riê Lâux cxeik, nhênhv

             Cơ quan Cảnh sát qênhz yuôx Công an tỉnh Lai Châu nhiv kruôr muôx cuêz tênhv ntêk cxov zơưv Quàng Huy Hà, xênhz shông 1982, nhoz jok Pa Pe, xar Thanh Hưng, huyện Điện Biên, tỉnh Điện Biên-zos Giám đốc Công ty Cổ phần yưv pênhr, cxiv tsa thiêz zuôr muôs hax huv Mạnh Hà (qơư uô hâux lưv nhoz tỉnh Điện Biên) lok têx cxâuv “Nziêk đas nhiêx txiêx cxuô zav”, cui tênhv ntơưv ntu 4, Grê 174, Bôv Chêi Hình sự shông 2015. Ntơưv Cơ quan Cảnh sát qênhz yuôx, Quàng Huy Hà hêik pâuz: Hli 3/2022, tiv kir  txêik chôngz lênhx nênhs ntâu nhiêx txiêx thêv tsik tau, viv li Hà tưz nriêr tsưr ziv njiz têx doanh nghiệp muôx ntâu nhiêx txiêx, taz sik tsik muôx chor côngz trinhx chiê uô, đros tsưr ziv zos nziêk đas zuôr nhiêx txiêx cxuô zav. Nhiv no Cơ quan Cảnh sát qênhz yuôx, Công an tỉnh Lai Châu tưz hêik têx doanh nghiệp, lênhx nênhs tưs zos trâus Quàng Huy Hà nziêk đas, tsuv hêik trâu Phòng Cảnh sát hình sự, Công an tỉnh Lai Châu chiê sik côngv, đơưk tu  têx tsik jông hêik sâu/.

Khắc Kiên-Lik Thox cxêik nhênhv