Ntu no, chor hax huv, chuôz zênhx sir zôngv sâuv ciêz đrôngs nhoz Sơn La phưx vưv trâu pêx xênhv tok tsiêz Trung thu tâu muôs ntâu, muôx ntâu zav. Đhâu qênhz yuôx, lưx lươngv muôx vax huôv tưz pov zuôr xar 40 txuz uô cxâuv, xưv bluô nhiêx txiêx muôx 110 triệu đêiv ntâu. Chiê por vêv qênhx liv, đas jos trâu nênhs sir zôngv, lưx lươngv sêiz car ciêz đrôngs Sơn La tsênhv sir jos qênhz yuôx, taz por trâu pêx xênhv muôx tâu iz trung thu ngaz tuk, tsiv gri. Zơưv Nguyễn Viết Thông, Phưv Chi cục trưởng Cục Sêiz car ciêz đrôngs tỉnh Sơn La puz pâuz: “Cục sêiz car ciêz đrôngs tưz chox kriê chor đôiv sêiz car ciêz đrôngs sâuv thax tsav tỉnh tsêx trung qênhz yuôx chor qơư uô nduôr trung thu thiêz cxuô zav chiê uô nduôr thiêz sir zôngv cxuô zav tsơưr paz chiê uô têx zav nox, ngaz tuk zav nox hâur uô, tsês chiê têx zav nox”./.

TTTB-Lik Thox cxêik nhênhv

            Đros siêz xar njôngr chiê têx mê nhuôk tox siêz xã Lao Chải, huyện Mù Cang Chải tâu tos iz luz tsiêz trung thu sor si, Công đoàn tạp chí Kinh doanh thiêz Biên mậu VN, paz nênhs txưv zênhv Hoa Hồng ntơưv TP HCM thiêz côngv thôngx txưv zênhv Triệu Trái Tim tưz bax ntâu phêhv huv jông khơưk muôz trâu tsêr cơưv mê nhuôk zâu Lẻ Dào Cu Nha thiêz Tà Gênh. Txix zuk li têx siêz jông thiêz txơưx jênhv, têx hluôk nênhs cxaz chuôz tsaz yênhx tưz tsưr tsix iz huôx tôngv jông, lov jêv, taz por trâu têx mê nhuôk shux xênhz uô si. Txix co phuôx huiz têx tsưr tsix đoanx thêv thiêz côngv thôngx xã hội li pưs txux đros côngz xưv por vêv, tsoz phưz, zaoz zux mê nhuôk, taz por qênhx fênhx zav trâu cxuô lênhx mê nhuôk tâu cxaz chuôz têx huôx tôngv uô si, huôx tôngv xã hội./.

Đại đoàn kết- Txâur Vax cxeik nhênhv

              Thôngz sâu txix nganhx y têr ntơưv thax tsav qơư, xav txos tas hnuz 27/9, tas nro tỉnh Lào Cai muôx 24 qơư muôx caz moz, đros xar muôx 900 lênhx nênhs trâus moz kror muôs liêz hâur tsêr cơưv ntơưr. Moz nhiv kruôr muôx yưv txix iz đraz hli 9, huôv xênhz hênhr thiêz tsênhv trâus moz chôngz jux juk. Pos Trần Thị Thùy Dung, Trưởng phòng Zoz zux thành phố Lào Cai puz pâuz, chor shux xênhz trâus moz kror muôs liêz hnhar, tâu canr bôv y têr hêik pâuz mak zuôr chiê so ntơưr nhoz ntơưv tsêr chiê sêiz shuôk, chơưv kho moz. Ntơưv jiês cơưv lok taz por ngaz tuk hâur tsêr cơưv ntơưr nhiv kruôr tâu tsưr tsix, Phòng Zoz zux thành phố cux tsêx trung chox kriê tsênhv njiêz no: “Nhiv no, chor trạm y têr tsênhv sik côngv đros chor tsêr cơưv ntơưr, canr bôv y têr hâur tsêr cơưv qênhz yuôx yênhx hnuz. Đuô li, tas nro tsênhv sir jos sik côngv đros chor ziv chuôz zis chiê chor nênhs zuôr trâus moz lok sik têx thax tsav qơư muôx moz mak kriz uô ciês têx tsưr ziv chiê phax tar”./.

An Kiên-Lik Thox cxêik nhênhv

              Công an thị xã Sa Pa, tỉnh Lào Cai nhiv kruôr cuiz tênhv xưv bluô hành chính tix lâuk D.T.N xênhz shông 1994 nhoz tuêv 30, phường Cốc Lếu, TP Lào Cai, tỉnh Lào Cai chor nhiêx txiêx zos 7,5 tỷ đeiv viv uô cxâuv hâux lưv “Cungz, pheiz kênh xor mông tsi muôx tsênhz tiês, tsi zos, heik đaz tuôs, uô zênhr shar txos chiz coaz, tsưr tsix, lênhx nênhs li suôz bê” sâu mạng xã hội Tik Tok. Uô ntêx co, hnuz 23/9, Công an thị xã Sa Pa pov lênhx nênhs heik sâuv li tài khoản Tik Tok muôx bê T.O.S.P đăng video đros njiêz luv heik tsi jông txos lưx lươngv cảnh sát zaoz thôngz, công an thị xã Sa Pa thiêz pheiz kênh iz cxiê njiêz luv heik tsi zos lok thị xã Sa Pa. Nhiv no, D.T.N tưz đơưk têx njiêz luv đăng sâuv co thiêz cam kết zuôr đăng video thor thiêz heik tsênhz mênhx têx zuk heik cxâuv sâuv tài khoản Tik Tok./.

Tienphong-Txâur Vax cxeik nhênhv