Nhiv kruôr đhâu, Phưv thủ tướng chính phuv Lê Minh Khái đros đoanx côngz xưv tưz muk seiz khơưk muôz huv Tsiêz trâu têx chuôz zis pluôk, chuôz zis tâu sơưv tsênhv chei ntơưv huyện Nậm Pồ thiêz Mường Chà. Ntơưv xã Si Pa Phìn, huyện Nậm Pồ thiêz thị trấn Mường CHà, huyện Mường Chà, Phưv thủ tướng Chính phuv Lê Minh Khái đros đoanx côngz xưv tưz khơưk muôz 240 phênhv huv tsiêz, tas nro tsiv grê zuôr xar 300 tsov đeiv trâu têx ziv chuôz zis pluôk, chuôz zis tâu sơưv tsênhv chei, cán bộ, công chức, viên chức, nênhs lox tôngv muôx luz nênhx tsov nhêv thiêz đei fiêx tsêr niêv côngv siêz trâu chuôz zis zơưv Zax A Lồng nhoz jos Chế Nhù, xã Si Pa Phìn, huyện Nậm Pồ thiêz zơưv Lý A Nỏ, nhoz jos Huổi Chim, xã Ma Thì Hồ, huyện Mường Chà:

                “Yuôr tsi ntêr thiêz tưz txos tsiêz têz qơưk Jax shông, iz jiês thiêz cur hlôngr njêx muôk lênhs tov Đảng, têz qơưk, chính phuv thor phôngv tas nro pox nhuôk Điện Biên iz shông yiêz muôx jông đas jos, shir phaz, tos tsiêz yiêz shir phaz lov jêv, luz nênhx vav mênhx”

            Cux hâur tas cik hnuz đhâu, Phưv thủ tướng Lê Minh Khái cux đros đoanx côngz xưv muk seiz thiêz phôngv tsiêz zênhx pênhz phax Si Pa Phìn, huyện Nậm Pồ./.

Vũ Lợi-Txâur Vax cxeik nhênhv

              Hâur 2 hnuz 27 thiêz 28/1, yênhx puô lênhx pêx xênhv tuôx trâu ntơưv xã ntus đriv Chiềng Khừa, sik đros côngv cêr lov jêv nox tsiêz 30, tok shông yiêz, zos Bộ Chỉ huy Bôv đôiv pênhz phax tỉnh Sơn La, Ủy ban MTTQ Việt Nam tỉnh Sơn La; tỉnh đoanx Sơn La, huyện Mộc Châu đros têx lênhx nênhs siêz jông nthuôr uô tsaz yênhx “cheix ntux yiêz tuz lênhv pênhz phax paz tsôngv pêx xênhv”. 10 Zênhx phênhz phax hâur thax tsav tỉnh Sơn La cux tsưr tsix tsaz yênhx đros trâu ntâu hâux lưv muôx liv jông. Thượng tá Đào Mạnh Tưởng, Phưv seiz car chính trị Bôv đôiv pênhz phax Sơn La heik pâuz:

“Đhâu 8 shông tsưr tsix, tsaz yênhx cheix ntux yiêz paz tsôngv pêx xênhv tưz yênhx tuz lênhv pênhz phax têx nuv uô tsi so hâur niêx shông txoz cxơưx trâu tsôngv pêx xênhv thax tsav ntus đriv. Zov chênhr zos tsưx phưv tâu truôx pêx xênhv ntus đriv, suôv qơư txov nhêv cêr sik thôngx siêz đros cấp ủy, hâu nov ntơưv qơư, đros Đảng, tuz lênhv thiêz khav tinhv, txơưv txov nhêv, phiv liv bâuv tưs lok Đảng, cấp ủy hâu nov ntơưv qơư thiêz tuz lênhv pênhz phax cux đros đreiv tsôngv pêx xênhv”./.

Lê Hạnh-Riê Lâux cxeik, nhênhv

                  Hnuz 28/1, ntơưv TP Yên Bái, Liên đoanx lox tôngv tỉnh Yên Bái tsưr tsix tsaz yênhx “ Tsiêz sor si- cheix ntux yiêz sik pheiz kênh” trâu đoàn viên, nênhs lox tôngv sâuv thax tsav tỉnh ndax six hơưv Tsiêz jax shông 2024. Ntơưv tsaz yênhx, UB tỉnh Yên Bái tưz khơưk muôz 250 tsov đeiv trâu Liên đoàn lox tôngv tỉnh chiê bax trâu đoàn viên, công nhân lox tôngv; Liên đoàn lox tôngv tỉnh khơưk muôz nhiêx txiêx bax trâu 3 cxênhz 777 lênhx đoàn viên, công nhân lox tôngv đros tas nro 1,7 tỷ đeiv; khơưk muôz 5 luz tsêr công đoàn thiêz paz vé muk yêz thiêz huv tsiêz trâu têx đoàn viên. Cux ntơưv tsaz yênhx tưz muôx 180 lênhx đoàn viên, nênhs lox tongv tâu khơưk muôz huv tsiêz đros tsiv grê 800 cxênhz đeiv iz phênhv huv thiêz 200 đoàn viên công đoàn tâu zuôr hax huv tsi pôngz nhiêx txiêx đros tsiv grê 500 cxênhz đeiv iz lênhx nênhs./.

TTXVN-Txâur Vax cxeik nhênhv

                   Niêv cêr 4D muk Sa Pa, tiv zix zos thax tsav cêr yuôv muk Lai Châu, têx chês pax txir đuôx lox zâu tâu pox nhuôk thâux tuôx muôs lok six ntâu, đros grê chungz fênhx 2-3 puôk cxênhz txos yênhx tsov đeiv iz chês. Nênhs muôs pax txir đuôx phênhv ntâu zos tsôngv box mênhx cxưx tsơưs nênhs nhoz têx xã, phường huyện Sa Pa. Tix lâuk Shôngx Xênhv Zax, nênhs Hmôngz nhoz xã Thanh Bình, tix lâuk chuôz zis nhoz kuôk nor 2,3 châuv cêik cêr, chos tâu yênhx puôk tsoz txir đuôx, shông no tưz txiêr tâu viv li txiêr thâux tuôx muôs. “Txix thâuv tas cik sơưr nzor txos nhiv no nhiv kuôr muôs tâu 2 chês xưz, muôs trâu lênhx nênhs nhoz Hải Phòng, shông no muôs tsi tâu grê li niêx shông”, tix lâuk Shôngx heik. Pax txir đuôx tâu muôs tov ntus cêr lox muk thị trấn Sa Pa viv li nênhs zuôr cux muôx chôngz. Đrâuv tsôngv box tiv phaz, cux muôx chôngz tsôngv kruô ndis shuôk uô si tuôx seiz thiêz xeir zuôr pax txir đuôx./.

An Kiên-Riê Lâux txeik nhênhv