Kriz thơưx trâu shông du lịch têz qơưk Điện Biên 2024, têis cik 1/1/2024, ntâu huôx tôngv vênhx huôv, thể thao jông tưz tâu kriz uô ntơưv thị xar Mường Lay. Uô ntêx thâuv zuôr tsưr tsix chor giải sik tưr thể thao zos ntênhk txi côngv đaz đêx, thor muôx ntux yar ntux huv đros, kôngz lôngk jông, luz nênhx truôx tuk. Đhâu co, chor đôiv cxaz chuôz trâu chêix fuôx sik tưr jiês tiv 9 tưz tâu chiê sik tưr. Jiês chêix fuôx sik tưr no tâu chôngz lênhx nênhs sêiz shuôk. Niêv tix Quàng Thị Bích, nhoz huyện Mường Chà, tỉnh Điện Biên puz pâuz: “Cur pov lok six lov jêv, shir phaz thâuv muôx têx ntênhk hôiv li no. Cur vav tiêk Mường Lay zuôr zos kror qơư paz uô tâu du lịch jông”./.

Vũ Lợi-Lik Thox cxêik nhênhv

          Têx thax tsav qơư ju lix jôngr ntông, vênhx huôv nhoz Sơn La zaz zâuv chôngz tsôngv kruô tuôx ndis shuôk uô si hâur ntu so tsiêz zax lix shông 2024. Kruô chêx chôngk tuôx trâu Mộc Châu, Vân Hồ, Tà Xùa (Bắc Yên), Ngọc Chiến huyện Mường La thiêz Quỳnh Nhai.., ntâu thax tsav qơư ju lix nhoz Sơn La muôx ntâu qơư yiêz jông jav, ndis uô si; têx qơư ju lix, homstay cux tsưr tsix ntâu huôx tôngv li muk tâus cêr, tuôr nduôr blâuv, leiv poz, yuôz kênhx…Tix lâuk Hoàng Ngọc Huy, tsôngv kruô tuôx txix Hà Nội pheiz kênh: “Cur pâuz lok hâux lưv zôngv chiêz mur cok uô Hmôngz li tsôngs yo txix nzor lok, cux muôx têx xiv huv tsênhv uô txix ntâuz max, taz sik tuôx seiz ciês lơưr uô mak tsi tâu muôx jiês tưs tâu pov.Cur lok six shir phaz thâuv tâu uô siv thiêz pâuz txos vênhx huôv jông no”./.

Lê Hạnh-Txâur Vax cxeik nhênhv

             Têis cik1/1/1024, Qơư du lịch Têz qơưk Sa pa (Lào Cai) tưz tsưr tsix txêik tok chor kruô tuôx txix ntâu luz têz qơưk sâuv ntiêx têz thâuv hâur shôngk shông yiêz. Cxaz chuôz tok chor kruô no muôx hlôngr njêx muôs thị xar Sa Pa, Sở Du lịch thiêz Hiệp hôiv Du lịch tỉnh Lào Cai đros chor taz viv chox kriê tsôngv kruô muk ndis shuôk, uô si. Đoanx xar muôx 100 lênhx kruô du lịch tuôx trâu Sa Pa thâuv hâur shôngk shông yiêz muôx chor kruô Việt Nam thiêz kruô ntiêx têz tuôx txix têx têz qơưk Anh, Mỹ, Nhật Bản, Trung Quốc, Hàn Quốc, Malaysia… Zơưv Đỗ Văn Tân, Phưv Chủ tịch Ủy ban thị xar Sa Pa puz pâuz: “Đhâu tsưr ziv txêik tok chor kruô xuz thơưx ciês tuôx trâu thị xar, Sa Pa vav tiêk zuôr muôx tâu iz shông uô tâu jông lok huôv tsar du lịch, txix co zaz zâuv tsôngv kruô tuôx cov chôngz đuô”./.

An Kiên-Lik Thox cxêik nhênhv

           Uô lơưr chính phuv chox kriê, Cục seiz car niêv ciêz tỉnh Lào Cai tưz chox kriê lưx lươngv muôx txơưx jênhv chuôz tsar uô têx tsưr ziv qênhz yuôx, seiz car niêv ciêz, yưr lir uô cxâuv hâur tsiv uô, muôv muôs, phax tar nhiês muôv muôs hax huv chuôr hâur ntu nox Tsiêz. Lơưr cục seiz car niêv ciêz Lào Cai, chor txuz uô cxâuv lok hax huv chuôr, hax huv tsi trơưk tsơưr lươngv chuôz ndê 60% pir đros thâuv ntêx. Đhâu côngz xưv qênhz yuôx, seiz car, sik côngv đros lưx lươngv muôx txơưx jênhv, hâur luz hlik đhâu, lưx lươngv seiz car niêv ciêz Lào Cai tưz yưr lir 82 txuz uô cxâuv, xưv phuôv hành chính zuôr xar 900 tsov đeiv. Hax huv uô cxâuv phênhv ntâu zos kê keiz, greix jov, tơư, keiz, tik keiz, têx zav thax nduôr…../.

An Kiên-Txâur Vax cxeik nhênhv