Tiv muôx chuô txiêk đros chuô, viv li nhiv kruôr đhâu ntơưv têx thax tsav hâur tỉnh Yên Bái tưz muôx nas lok đros chuô, uô iz lênhx nênhs tuôs tiv trâus xoz tuô thiêz ruôr hiêv txos ntâu zav li: muôx 245 luz tsêr ntơưv têx huyện Trấn Yên, Lục Yên trâus puôk tsuôx, , phênhv ntâu zos trâus zơưk trur, trur tsêr puôk tsuôx muôx 70% ntâu. Đuô li, cux ruôr hiêv txos xar muôx 80 héc ta blêx thiêz tsoz chos. Njuôk xav têx trâus hiêv tiv nas chuô zos xar muôx 1 tiv đêiv.

           Ntơưv Lào Cai, coz nas chuô lok trâu hmo 30/4 cux tưz yuôz zơưk trur 250 luz tsêr, ruôr hiêv txos 30 ntâu héc ta tsoz chos. Đuô li, nas chuô cux uô puôk tsuôx iz cxiê côngz trinhx tsêr cơưv ntơưr, tsêr vênhx huôv, tênhv tênhz, viễn thông, đêx liv. Têx trâus ruôr hiêv tas muôx 10 tiv đêiv ntâu. Đhâu ciês txêik tâu xor mông, chinhr quyền cxuô thax tsav qơư tưz sêiz đrơưv qênhz yuôx, thôngz sâu têx trâus puôk tsuôx thiêz hêik chor lưx lươngv ntơưv qơư khưx phưx têx trâus ruôr hiêv chiê paz trâu pêx xênhv nzor truôx tuk luz nênhx./.

VOVTB-Lik Thox cxêik nhênhv

            Hâur jiês so ntênhs 30/4 xiêz 1/5, huyện Mộc Châu, tỉnh Sơn La tưz tos 112 cxênhz jiês kruô tuôx ndis shuôk uô si, hâur co kruô nhoz ntơưv qơư zos 37 cxênhz 800 jiês. Tox siêz Mộc Châu muôx trôngz jôngr chiv xênhz đrox tsuôk jông, qiv hơưv lax khiêv thiêz yênhx qơư chiê tsôngv kruô xeir tuôx ndis seiz uô si hâur jiês so ntênhs ntêr 5 hnuz thâuv qiv hơuv cuz sor li nhiv no. Têx qơư uô si li tsas đêx Dải Yếm, jôngr chiêz Bản Áng, qơư muk tâus cêr hmo ntux, qox Bạch Long, têx qơư chos txir khươz….zos têx qơư muôx chôngz tsôngv kruô tuôx ndis seiz uô si. Six hơưv no, Mộc Châu cux tsênhv bax ntâu hâux lưv jông thâuv nhiv kruôr tâu côngz jênhv qơư ju lix têz qơưk. Ntênhs côngz fur zuôr tâu tsưr tsix txix hnuz 17 txos 19/5 ntơưqv qar tiêx xiêz 8/5 huyện Mộc Châu./.

Lê Hạnh-Txâur Vax cxeik nhênhv

                 Xar muôx 12 six tar su hnuz 30/4, thâuv uô ziv chuôz zis chor têz ntơưv thax tsav Kho Tau nhoz jok Tả Sa 2, xar Làng Mô, huyện Sìn Hồ, Lai Châu, tix lâus Hạng Chá Páo, zus shông 1976 ziv chuôz zis nhoz jok Háng Lìa Hồng Thứ, xar Tủa Sín Chải tưz hlơưr têz. Tiv ntux kruôr gis, hluôr tơưl chis cuz sêi thiêz txêik cuz muk trâu zơưv Hạng A Khai ziv chuôz zis, nhoz jok Háng Lìa Hồng Thứ ziv chuôz zis chor car đêx. Nyêi tsav ruôr hiêv txos zơưv Khai têx car đêx co, viv li tix lâus Páo oz niêv txir tưz sir jos tuô hluôr tơưl. Thâuv tuô hluôr tơưl, tiv hluôr tơưl chis cuz lox tưz uô tix lâus Hạng A Páo, zus shông 1976 thiêz pox niêv zos Sùng Thị Mỷ, zus shông 1977 trâus tuôs.

             Txêik tâu xor mông hêik pâuz, chinhr quyền thiêz cơ quan qênhz yuôx ntơưv thax tsav qơư tưz tuôx nriêr pâuz txuz hâux lưv no. Đhâu nriêr pâuz, xav jênhv chuôz zis thiêz chor nênhs cxênhz jê tsik muôx ziv chênhv li chak thiêz tsik muôx siz pênhr nhoz txuz hâux lưv no txos têis cik 1/5, tix lâus Páo oz niêv txir tưz tâu chox lok tsêr chiê uô đaz uô kruô lơưr tsôngv box têx phongx cxưx, đaz kruôk./.

Khắc Kiên-Lik Thox cxêik nhênhv

              Chính quyênx xã Pa Tần, huyện Nậm Pồ, tỉnh Điện Biên puz pâuz: Tas cik hnuz xiêz 1/5, ntơưv thax tsav jos Huổi Quang, tsôngv box pov 3 lênhx nênhs trâus cuz hnhiêz pêv iz har jôngr nhoz hâur jos. Tsôngv box tưz pov trâu chính quyên xã thiêz ciês thâuv co lênhs tov huyện Nậm Pồ thiêz lưx lươngv muôx txơưx jênhv tưz tuôx ntơưv qơư chiê seiz shuôk. Qir thơưx xav tênhv 3 lênhx nênhs co zos 3 txir tuz nhoz xã Pa Tần, lơưr muk zok nak cok taz sik tưz 2 hnuz tsi pov tror lok tsêr. Chuôz zis thiêz tsôngv box hâur jos muk nriêr txơưv pov tuôs cuz ntơưv thax tsav heik sâuv. Hlôngr njêx muôk lênhs tov UB xã Pa Tần puz pâuz: qir tiv qir thơưx xav tênhv zos 3 txir tuz zôngv hluôr tơưs hlơưr nak cok taz sik hluôr tơưs txeik cuz lox thiêz trâus cuz hnhiêz tuôs. Nhiv no qir tiv tsênhz mênhx tsênhv tror tâu chiz coaz muôx txơưx jênhv seiz shuôk, ntâuk grê./.

Vũ Lợi-Txâur Vax cxeik nhênhv