Hnuz 2/1, Tỉnh ủy, Hôiv đôngx, Ủy ban, Ủy ban Mặt trận têz qơưk Việt Nam tỉnh Lai Châu tsưr tsix ntênhk rêik fiêx chor côngz trinhx tsiv gri 600 tiv đêiv tok hơưv chiv nhênhv 20 shông phêiz thiêz yênhx lix tỉnh, 75 shông yênhx lix Đảng bôv tỉnh thiêz 115 shông yênhx lix tỉnh Lai Châu. Lơưr co, chor côngz trinhx muôx Tsêr cxôngx nzor qơư Di tích lịch sử Bản Lướt, xar Mường Kim, huyện Than Uyên- qơư yênhx lix chi bộ xuz thơưx ciês Đảng Bôv tỉnh Lai Châu; qơư lâm viên thành phố Lai Châu; qơư uô thể thao tỉnh Lai Châu thiêz cêr muk trơưk ntus đriv ntu Phong Thổ (Lai Châu) –Bát Xát (Lào Cai). Tas nro pênhr yưv uô chor côngz trinhx zos 600 tiv đêiv ntâu. Ntơưv jiês rêik fiêx, zơưv Lê Văn Lương, Chủ tịch Ủy ban tỉnh Lai Châu hêik mênhx, Côngz trinhx tsêr cxôngx nzor qơư di tích lịch sử Bản Lướt, xar Mường Kim, huyện Than Uyên muôx tsiv gri zov chênhr; zos qơư chiê zoz zux chax chês lịch sử trâu cxênhx hluôk ntơưv thax tsav qơư./.

Khắc Kiên-Lik Thox cxêik nhênhv

          Zos canr bôv, zos nênhs cxênhz jê, zos lênhx lês uô luôs hâux lưv viv pêx xênhv, viv đảng, têz qơưk...co zos têx heik txos lưv lươngv công an xã nhoz tox siêz Sơn La đhâu 3  shông ntâu fuô uô lơưr tsưr ziv phênhz công an chính quy muk nhoz thiêz uô hâux lưv hâur xã. 2, 3 shông lok no, têx luôs hâux lưv uô tâu jông, paz tsôngv pêx xênhv ntơưv qơư co thâuv tưs tưz muôx chor canr bôv, chiến sĩ Công an xã Co Mạ. Têx cêr shir phaz heik lol cheix ntux no sor si, sir jos tsưx phưv truôx tuk thax tsav jêx jok....tưz tâu sơưr đơưk kruôs nxiês txos. Cux txix co, tsôngv box têx tsưr ziv, siêz xar tâu canr bôv, chiến sĩ pâuz txos thiêz đros pheiz kênh. Zơưv Nzuôv Xênhv Vax, Bí thư chi bộ, tsar jok Txôngx Maz heik: “Txix thâuv công an chính quy lok uô hâux lưv hâur xã mak tưz muôx ntâu hlôngr yiêz. Hâur jok thâuv tưs sơưr đơưk cux nox nhoz njiês to, tsi muôx têx cuz nxor, tuz saz tuz nhiês; tsiêx cxu khi, cơư iz ndis vax tsêr cux tsi uô chas. Chor công an xã tuôx txos, lơưr đros pheiz kênh têx phiv liv, paz tsôngv box li uz li no chiê siz sưv, siz pâuz thiêx pâuz tsênhz lok pêx xênhv têx tsưr ziv, siêz xar”./.

                                                  Hạnh-Ly-Riê Lâux cxeik, nhênhv

             Thôngz sâu txix Sở Du lịch Lào Cai puz pov, tas nro chor kruô du lịch tuôx ntơưv thax tsav qơư hâur jiês so ntênhk no zos 150 cxênhz ntâu lênhx nênhs, ndê 27% pir li six chênhz tsêiz no. Ciês chor kruô tuôx Sa Pa tsav muôx iz đraz; tsênhv yuôr zos tuôx trâu têx huyện Bắc Hà, Bát Xát, Bảo Yên thiêz thành phố Lào Cai. Chiê phưx vưv tsôngv kruô, cxuô nganhx, thax tsav qơư nhoz Lào Cai tưz tsưr tsix muôx 13 huôx tôngv txêik tok shông yiêz; tsuv hêik zos Tsaz yênhx nghệ thuật cxôngx nzor chiê txêik tok shông yiêz ntơưv Sa Pa, Festival chêix ntux no ntơưv Bắc Hà. Nganhx du lịch ntâuk gri đhâu jiês so puz pov, cxuô qơư tưz uô jông lơưr chêi têz qơưk têx cui tênhv; tsik chiê muôx ndê gri dịch vụ; cxuô huôx tôngv tâu tsưr tsix ngaz tuk, lov jêv thiêz shir phaz./.

An Kiên-Lik Thox cxêik nhênhv

           Cux ntơưv Lào Cai, ngênhx zoz thôngz tỉnh Lào Cai nhiv kruôr heik cov sâu nhiêx tsar yêz muk lok đhâu txox cêr muk chênhr Nội Bài-Lào Cai trâu Sa Pa; tsênhv tsênhz iz luz yêz lox muôx 12 luz trôngx jâuv tror zar hâur; têx yêz lox thâux txix 2 tênhr, yêz buyt muk đhâu txox cêr no tsuv sâu 25 cxênhz nhiêx iz luz yêz. Iz chas co, chor yêz lox thâux xa kruô, hax huv ntâu đuô mak iz jiês tsuv thêv txix 35 cxênhz txos 120 cxênhz đeiv. Njuôk xav sâu nhiêx muk đhâu txox cêr li heik sâuv 3 shông zuôr cxiv kho iz jiês thiêz tsar ndê trơưk li hux thôngx dưv anr cui tinhv; iz chas ntơư cux tsi tsênhr đhâu Ủy ban tỉnh Lào Cai cui tinhv tso tơưv/.

                   An Kiên-Riê Lâux cxeik, nhênhv