Đros kriz uô têx tsưr ziv hlôngr yiêz sôr ntơưv tỉnh Điện Biên tưz uô tâu ntâu kror truôx jông, paz trâu kinh têr sôr, xar hôiv sôr huôv tsar. Kror zov chênhr hâur côngz xưv hlôngr yiêz sôr nhoz tỉnh hâur shông 2023 zos hâux lưv muôz Tsênhv qơư chox kriê txơưx njê lok huôx tôngv. Lơưr co, tsênhv qơư no zuôr khov trâu têx công nghệ sêiz car chox kriê thiêz tsêx trung nriêr pâuz lok video thiêz têx đuôz txix têx ứng dụng thiêz tsưr ziv jông li: Sêiz kaz, chox kriê zoz thôngz; Sêiz kaz chox kriê ngaz tuk công côngv; Tsênhv qơư chơưv paz sêi đrơưv; Sêiz kaz, paz por vêv jông, ngaz tuk têx xor mông; hêik pâuz; nus têz phưx vưv trâu pêx xênhv; Sêiz kaz xor mông pov chir thiêz thôngz mông yax mông, ngaz tuk mạng. Đros co zos paz trâu luz nênhx thiêz huôv tsar kinh têr, y têr, zoz zux, zuôr muôs điện tưr…/.

Vũ Lợi-Lik Thox cxêik nhênhv

              Chi cục qênhz jôngr tỉnh Yên Bái thiêz tsênhv qơư nhênhz ntông, Viện khoa học jôngr nuv VN nhiv kruôr tsưr tsix phêv thảo seiz car, huôv tsar nôngz ciêv fix. Yên Bái nhiv no zos tỉnh muôx mênhv chêx thiêz chor ciêv fix ntâu tiv zix tas nro têz qơưk đros 80 cxênhz hecta, sâu tâu 28 cxênhz tênhr iz shông. Tsiv grê sâu tâu txix ciêv fix tax 1 cxênhz tỷ đeiv ntâu iz shông, tsav zuôr xar 50% tsiv grê jôngr nuv tỉnh. Mênhv chêx ciêv fix tâu côngz jênhv hur jông sâuv thax tsav tỉnh txos nhiv no tax 14 cxênhz 500 hecta. Viv li, chiê seiz car, por vêv thiêz huôv tsar truôx tul, têx teiv plor cxaz chuôz phêv thảo tưz tso tơưv ntâu tsưr ziv thix ziv li nzor muôx têx chính sách chiê paz tuôr truôx nôngz ciêv fix tâu côngz jênhv. Tror nhênhz chơưv uô tiêr chính sách, cơ chế chiê huôv tsar ciêv fix, tiv zix zos têx chính sách cơ chế paz trâu têx tsưr tsix, lênhx nênhs, ziv chuôz zis muôx nôngr ciêv fix tâu côngz jênhv./.

NNVN-Txâur Vax cxeik nhênhv

            Đros siêz xar tuôr tsês chiê, phuôx huiz têx vênhx huôv jông cxuô mênhx cxưx, chor nghệ nhân, lâul jok, tsar jok, nênhs pâuz lok têx vênhx huôv nhoz tỉnh tox siêz Lai Châu tưz thiêz tsênhv sir jos kriê hêik, sâu tsês cxuô jax gâux thiêz têx phongx cxưx trâu cxênhx hluôk. Câu lạc bộ hu gâux then-Trax tính xar Mường Cang, huyện Than Uyên (Lai Châu) li têx jiês kruôz kriê cơưv shâuv ntâu shông no cux tâu kriz uô jông cơưv 3 jiês iz ciêz. No zos câu lạc bộ muôx ntâu chênhz zênhv lok tuôr tsês chiê, phuôx huiz têx vênhx huôv mênhx cxưx Thái nhoz ntơưv thax tsav qơư. Zơưv Lò Văn Chơn, Sêiz car câu lạc bộ hêik pâuz: “Pêz câu lạc bộ xênhz huôx tsik so, viv têx jax gâux, đhiê pax vuôs then mak tso tsês tsik tâu. Nhiv no pêz tsênhv đros sơưr đơưk sir jos huôv tsar đuô, xar tơưv nzir têx jax yiêz chiê hu đros trâu gâux then trax tính. Hâux lưv no tsênhv tâu pêz sêiz lax chiê ziv hnuz ziv huôv tsar, uô tâu jông đuô”./.

Khắc Kiên-Lik Thox cxêik nhênhv

               Chiz coaz canhv sát qênhz yuôx Công an tỉnh Yên Bái nhiv kruôr tso tơưv cuiz tênhv tik cêr cxâuv hình sự, cuiz tênhv qênhz yuôx qơư uô hâux lưv, ntês cơư hâur 4 luz hlik zơưv Ngô Quốc Trưởng, xênhz shông 1975 zos Phưv giám đốc Sở zaoz thôngz vênhv teiv tỉnh Yên Bái thiêz Đoàn Việt Hưng- xênhz shông 1971 thanh tra viên, thanh tra zaoz thôngz vênhv teiv tỉnh Yên Bái chiê qênhz yuôx hâux lưv “Liv zôngv uô hâu nov, zuk li vax huôv thâuv uô côngz xưv”, cui tênhv ntơưv khoản 3, grê 356 Bộ chei hình sự shong 2015 kho đuô, cxaz nzir shông 2017. Lơưr chiz coaz công an, 2 lênhx nênhs no tưz muôx têx uô cxâuv cêr chei txix shông 2017 txos shông 2021, thâuv Ngô Quốc Trưởng tsênhv uô Chánh thanh tra Sở zaoz thôngz vênhv teiv tỉnh Yên Bái, yuôr Đoàn Việt Hưng uô kế toán thanh tra Sở zaoz thôngz vênhv teiv tỉnh Yên Bái. No zos txuz án tâu Ban chox kriê phax tar thaz huôz nox nhiêx tỉnh Yên Bái seiz car, chox kriê uô./.

TTTB-Txâur Vax cxeik nhênhv