Shông đhâu, muôs kôngz nuv tơưv saz đrâuv têz qơưk zos iz kror uô tâu jông txix muôs tơưv saz đrâuv têz qơưk đhâu Lào Cai têx trôngx đriv. Lơưr co, muôs kôngz krâur đhâu trôngx đriv ntơưv Lào Cai ndê muôx 2 jiês pir li shông uô ntêx, tâu muôx 529 triệu đô la Mỹ. Lào Cai tsênhv paz uô tâu jông zos qơư txuôk têx kôngz nuv Việt Nam đros ciêz đrôngs Trung Quốc. Kror co tâu uô jông đhâu ntâu huôx tôngv paz thơưz zuôr muôs tâu tsưr tsix hâur shông đhâu. Doanh nghiệp oz têz qơưk nzor nriêr tâu têx kror cxuô thiêz tưz muôx têx sêiz lax sik côngv tâu cir jênhv, paz trâu chor kôngz nuv Việt Nam tâu muôs tơưv trâu saz đrâuv têz qơưk. Zơưv Vương Trinh Quốc-Trưởng Ban Sêiz car Qơư kinh têr tỉnh Lào Cai puz pâuz: “Pêz sik thav đros têx tỉnh muôx hax huv muôs tơưv saz đrâuv têz qơưk nhoz faz Nam, li Bến tre, Long An, Bình Thuận zos têx tỉnh muôx ntâu txir ntông muôs tơưv saz đrâuv têz qơưk đhâu trôngx đriv Lào Cai chiê paz thơưz zuôr muôs, piêr pâuz, paz cxuô kror trâu chor hax huv kôngz nuv tas nro têz qơưk tâu muôs tơưv saz đrâuv têz qơưk đhâu trôngx đriv ntiêx têz Lào Cai”./.

An Kiên-Lik Thox cxêik nhênhv

            TP Lai Châu, tỉnh Lai Châu muôx zuôr xar 13 cxênhz chuôz zis, 17 heir nênhs uô nênhx nhoz uô cê, têx lênhx nênhs nhoz hnuz nhôngk lox tôngv zos 30 cxênhz ntâu lênhx, hâur co lox tôngv pox niêv zos 15 cxênhz ntâu lênhx nênhs, tsav 50% ntâu hur si têx lênhx lox tôngv hâur tas nro TP. Txos tas shông 2023, chor lox tôngv pox niêv đhâu cơưv tas txux chi, tsưr ziv uô nuv tax 84% ntâu. Hâur ntu đhâu luôs hâux lưv kriê txux chi tsưr ziv uô hâux lưv, kêr txeik pênhr zok nriêr nuv uô trâu lox tôngv ntơưv qơư, hâur co muôx lox tôngv pox niêv zos iz hâur têx hâux lưv TP moz siêz txos. TP tưz krêz iz cxiê lớp kriê tsưr ziv uô nox li: Chos jâuz, chos ndêz, xơưs tsôngk tril yo hnar, tu zus tsiêx cxu..... Đhâu cơưv tas, sơưr đơưk tâu muôz ntơưr côngk nhav, muôx têx zok nriêr tâu hâux lưv uô, paz tsôngv box muôx phênhv sâu truôx, txoz cxơưx trâu luz nênhx, chuôz zis./.

Báo Lai Châu-Riê Lâux cxeik, nhênhv

             Têx hnuz hâur shông shông 2024, trôngz Pha Đin, iz hâur têx hâur trôngz siêz nhoz Tây Bắc, nhoz ntơưv xar Phỏng Lái, huyện Thuận Châu, tỉnh Sơn La muôx ntâu zav pax, zaz zâuv chôngz tsôngv kruô tuôx ndis shuôk, uô si. Nhoz sâuv hâur trôngz Pha Đin, qơư du lịch Pha Đin Top jông jav đros têx har jôngr njuôz jông muôx pax txir đuôx, pax mai anh đào jông jav, zos iz thax qơư jông trâu tsôngv kruô tuôx uô si. Hâur chor har txir đuô, cxuô zav pax đỗ quyên, pax chêx, hồng, cẩm tú, pax nôngz hli… cux zos têx pax tâu tsôngv kruô lok six nhiêv. Trần Ngọc Quân, nhoz quận Hoàng Mai, thành phố Hà Nội hêik: “Hnuz no cur tuôx uô si ntơưv trôngz Pha Đin njiê pov tâu têx kror jông jav thiêz qiv hơưv jông nhoz ntơưv no. Pax Anh Đào ntơưv no tơưs cux lok six jông gâux. Tâu tuôx li no, cur lok six shir phaz. Tror muk cur zuôr hêik trâu têx fôngx zưs sơưr đơưk pâuz lok cxuô kror jông jav muôx ntơưv hâur trôngz Pha Đin no chiê sơưr đơưk tuôx ndis shuôk thiêz uô si”./.

Trấn Long-Lik Thox cxêik nhênhv

             Nhiv kruôr đhâu, Công an xã Noong Hẹt, huyện Điện Biên, tỉnh Điện Biên qênhz pov Trần Khắc Trung, xênhz shông 2010, nhoz jok Chóng, xã Xaz Zôngz, huyện Điện Biên sir zôngv fov ntơưr tsi trơưk chei ntơưv thax tsav jok Văn Biên, xã Noong Hẹt, huyện Điện Biên. Thâuv tâu Công an muk chuôs njiz, Trần Khắc Trung krêz lênhk tiêk, tưz đros Nguyễn Xuân Đạt, xênhz shông 2008 thiêz Vũ Trần Tùng Sơn, xênhz shông 2010 nhoz uô cê ntơưv jok Văn Biên, xã Noong Hẹt, huyện Điện Biên, tỉnh Điện Biên đas cir zuôr têx chuôz zênhx sâuv mạng xã hội lok tsiv uô. Đhâu co, hur si lơưr 3 lênhs tưz krêz mạng xã hội seiz chiê cơưv shâuv, uô trơưk thiêz tưz uô tâu 93 luz fov ntơưr chiê zôngv tuô hâur six hơưv tsiêz têz qơưk 2024. Nhiv no, Công an xã Noong Hẹt tưz sâu tsês hur si têx fov ntơưr heik sâuv thiêz uô ntâuz ntơưr xưv bluô trơưk chei têz qơưk cui tinhv./.

Vũ Lợi-Riê Lâux cxeik, nhênhv