Shông 2024, tỉnh Điện Biên tso tơưv 16 luôs hâux lưv zov chênhr hâur huôv tsar kinh têr-xar hôiv, uô jông côx phax-ngaz tuk thiêz sir jos tsưr tsix cov tâu jông shông Du lịch têz qơưk Điện Biên 2024, cux li chor hâux lưv chiv nhênhv 70 shông Ntâuk zênhx lịch sử Điện Biên Phủ. Shông 2024 zos shông sir jos uô cov tâu jông têx tsưr ziv huôv tsar kinh têr-xar hôiv 5 shông ntu 2021-2025. Zơưv Lê Thành Đô, Chủ tịch Ủy ban tỉnh Điện Biên puz pâuz: “Hâur shông 2024, tỉnh zuôr tsêx trung Cêv kuôk tỉnh Điện Biên, huiz tôngv têx pênhr jos txix nhiêx txiêx têz qơưk, txix têz qơưk chor tsaz yênhx, txix têx phênhv kinh têr thiêz pêx xênhv chiê tror sir jos kho đuô nganhx kôngz nuv. Đros co zos sir jos kriz uô têx kror liv muôx ntơưv thax tsav qơư chiê paz thơưz yưv pênhr côngz, tsêx trung huôv tsar dịch vụ, tsênhv njiêz zos tsưr tsix tâu jông Shông Du lịch têz qơưk Điện Biên 2024 thiêz têx hâux lưv chiv nhênhv 70 shông Ntâuk zênhx Điện Biên Phủ”./.

Vũ Lợi-Lik Thox cxêik nhênhv

            Hâur “SHông hlôngr yiêz số” 2023, Sơn La tưz tax tâu têx chêx cuk hâur uô jênhv vưv, car chêx cxơưz tiêk huôv tsar chính quyênx số chiê cxơưz tiês kinh tế số, xã hội số, reik hlôngr yiêz số đros hâux lưv krêz uô Chính phuv li đề án 06. No zos njiêz luv tâu heik mênhx ntơưv Phêv ziv ntâuk grê 2 shông krêz uô đề án 06/CP; ntâuk grê shông hlôngr yiêz số 2023 thiêz krêz uô têx jênhv vưv shông 2024 zos UB tỉnh Sơn La tsưr tsix tas cik hnuz xiêz 9/1. Zơưv Hoàng Quốc Khánh, Chủ tịch UB tỉnh Sơn La, Tsar Ban chox kriê hlôngr yiêz số, Tuêv tsar tuêv côngz xưv krêz uô đề án 06/CP tỉnh Sơn La puz pâuz: “Tas nro cxix luôk chính trị tỉnh Sơn La, tưz thiêz tsênhv lok six sir jos uô hâux lưv hlôngr yiêz số sâuv thax tsav tỉnh. Viv li thâuv qir hlôngr yiêz số, nênhs sơưr thơưx têx chiz coaz, taz viv, têx cấp tsuv zos lênhx nênhs uô ntêx nyuôk hâur uô jênhv vưv. Txix co hlôngr yiêz siêz xar, tsưr ziv uô cov huv đros thiêz không gian số”./.

Lê Hạnh-Txâur Vax cxeik nhênhv

              Tsêr cơưv Phôv thôngz Mênhx cxưx niêv txir zus mor Cxênhx iz thiêz Cxênhx oz Dế Xu Phình, huyện Mù Cang Chải, tỉnh Yên Bái nhiv kruôr uô tiêr cxuô luôs hâux lưv thiêz tâu côngz jênhv zos Tsêr cơưv tax ploz tsênhr têz qơưk trâu hli 9/2023. Tsêr cơưv tưz tâu chinhr quyền ntơưv qơư paz pênhr jos, đros têx taz viv paz thiêz tiv zix zos phuôx huiz tâu pênhr jos hâur chor cưk kriê ntơưr, thôngx ziv txix pêx xênhv tưz cxiv tsa tâu luz tsêr cơưv jông tiv zix no nhoz tox siêz Mù Cang Chải. Iz chas co muôx vax tsêr cxuô zav jông, hâur têx shông đhâu, tsêr cơưv tưz sir jos gra siêz tsơưr lươngv zoz zux; chor cưk kriê ntơưr muôx ntâu hlôngr yiêz hâur kriê ntơưr, chor jiês kriê ntơưr tau kriê txix têx tsưr ziv jông paz trâu shux xênhz cơưv pâuz ntơưr thiêz zôngx ziv ndo tâu têx ntơưr cơưv./.

Báo Yên Bái-Lik Thox cxêik nhênhv

             Đhâu côngz xưv pâuz tâu qênhx shênhx sâuv không gian mạng, Công an huyện Sốp Cộp, Sơn La pov tài khoản Facebook “Nguyen Tuan” tsênhv livetream, muôx 2 lênhx nênhs hnar tsôngs yo Công an thiêz heik tsênhv uô côngz xưv ntơưv Công an huyện Sốp Cộp, chiê jênhv tâu ntâu “like”. Đhâu xav tênhv, Công an huyện jênhv 2 lênhx co zos hluôk nênhs nhoz ntơưv jos Tốc Lìu, xã Dồm Cang, huyện Sốp Cộp (Sơn La). Ntơưv chiz coaz Công an 2 lênhx hluôk nênhs no jênhv uô lox tôngv txưv zơưx ntơưv huyện Sốp Cộp. Txơưv tsi uô côngz xưv hâur lưx lươngv, taz sik tưz chiv chir hnar tsôngs yo công an chiê livetream. Nhiv no Công an huyện Sốp Cộp tsênhv uô ntâuz ntơưr uô cxâuv hành chính lok “ Chiv chir sir zôngv tsi trơưk chei tsôngs yo Công an nhân dân”./.

CTV-Txâur Vax cxeik nhênhv